1 Timoti 5:22 - Got Weng Abem

²² Kaba wabising mam mam bom kinim mak waluli Got wok fakudako, kalin bá, masi walulawe, aka ulum kanom ban keimin mak keidokaba namti, kalawso am ban keida uyo kalawso falak gitikamomu kala. Kale kam aket atin ban keimin banim kei bom nadawo kala.

Got weng abem: Alokso abino kalin

²² Kaba wabising mam mam bom kinim mak waluli Got wok fakudako, kalin bá, masi walulawe, aka ulum kanom ban keimin mak keidokaba namti, kalawso am ban keida uyo kalawso falak gitikamomu kala. Kale kam aket atin ban keimin banim kei bom nadawo kala.

1 Timoti 5:22 ပူးပေါင်းရင်းမြစ်များ

Sinik Abem 13:3

afan imin fale bom suksukbiw uyo banimane, ika teng takadew yak alew im dim dawti im kinim dá imadáliw unsiw ko.

Sinik Abem 18:6

Kata Yu kayak iyo am weng mak kidilawongin dako nadiwe weng mafak uta baka bidiwo, kayo aka yak alam lim uyo kuw kamoda ifiw alol kadi yak moyamsa umi mit be aka kuku naka kim kanabiw be atin nam báyo kalesa. Kale aka bako, “kiba kibilim be kal kanamom kanodum kaloliw, be kibilim san, be nam san bá. Kale kamano naka sung kidel uyo kudew yak Mifiw kinim ita bakayam unono kanami ka.” Kale nadane

Sinik Abem 20:26

Kala kaleyo kano naka weng kitid bakoyamon, kanamom kiba mak kalo makalo keidiw namti, be nam san bá.

Sinik Abem 6:6

imadew tad Got weng dew kámin kinim itamiwe, ita teng dew yak kinim im gebom dim kuti Got gán dádaw, im kinim dásiw.

Efesis 5:11

Kale kinim wanang imi midilin kukuw umi dam banim kanabiw so kabal yak kawák abeyámin bá, bo kudá nadawe kukuw mafak kanabiw uyo atin kuw misun tei, ngadák faku imkamal kala.

1 Timoti 3:10

Kale ika kamakikiw imkukudiw imi mafak mak keidongin banim kala kaleyo beta imadáliw matam Got wanang kinim gu dakáyamin kinim keidoliw ko.

1 Timoti 3:2

Got ami wanang kinim gu imi gebom kinim keida kayo am kukuw mafak mak utamongin danim ade aka wanang makuw kudusa kinim kuw ade kidel kuw afetin kinim ade alam kukuw adomamámin kinim ade kinim kidelok ade kotadang im tam am dákamin kinim ade ken kukumin kinim keidomi kala kaleyo kuw ta

1 Timoti 3:6

Aka mew alokso maek Yesus kinim kei bom babalanba aso dawtimin bá, masi aka buso kano walu namudiw kuwo kale kalfalane, Got tabe Mafakim daw mafak dása kinim alataw keidoma kala.

1 Timoti 4:12

Timoti kaba kama man, kale kanamom imadálaw kinim ita anik anik aukamodiw kauk ki uta bomo kala. Kata kaba Yesus aket kukádawin kinim wanang imi kukuyamon kalaw uyo kukuw kidel deku bom weng yáw baka bom, aket kuyam nadawe aket afano kal bom ade atin aket ban keimin banim kei bom biyámin ko.

1 Timoti 4:14

Kaba dil lum senin kinim weng bakamiwe, Got wanang kinim gu kin modin kinim gebom gebom iyo teng takadew yak gebom teikamsidiw kal Got ami Sinik Abem ta bom kami min gelemin wok kukamase uyo kaba leiw anwádawin bá.

2 Timoti 1:6

Kaleyo nam teng dew yak kalam gebom dawtidino Got ata min gelemin Sinik Abem daukamase kale naka asiki makso bakakamino kalam min kukákamin uyo kalam aket tem kukmal buduno kala.

2 Timoti 2:2

Kale kabal keidaw kinim seng ikil keidiw, kiba kidi bidiwo, naka kukuyamsi. Kale kaba alataw be ki kanom yak kinim madik kan ata kalam aket kuyambadaw iyo kukuyamáwe, ikil ililso yak kinim madik iyo kukuyam kámin kala.

Ibidu 6:2

wok ban bomin umi mit kal keimin so kinim teng dew yak Got afan kalin dim dawtimin so fikalesiw, ika talá tabokabiwo kalin sung so Got am afung am dána wanang kinim taktakokabano kalin so bo kukuyamiw kal keisuw, kayo kiba kawák ki mamadonin bá.

2 Yon 1:11

Kale kan ata kinim be dew matam am dá dakbudin kukuw be kawso badayano, aka namti, aka alasino alew wok mafak fakanin dákaw keida ka.

Daw misun 18:4

Kale beta naka abid tikin weng mak gán dáda kidili uyo bako, “namiyo wanang kinim kiba, wanang bo kudá maeki tadino, uso tein bom nadiwe umi ban keimin uyo kiwsino taluyamomu kala, kale beta kanodiwo umi kukuw mafak kanomamokaba uyo kiwso kanoyamoma banim keidin kala.