1 Timoti 4:13 - Got Weng Abem

¹³ Kaba kalam kano kitid kuw tabe bom wanang kinim gu tem kadákal Got weng ki baka bom kukuya bom keim sadawo sin naka tadon kala.

Got weng abem: Alokso abino kalin

¹³ Kaba kalam kano kitid kuw tabe bom wanang kinim gu tem kadákal Got weng ki baka bom kukuya bom keim sadawo sin naka tadon kala.

1 Timoti 4:13 ပူးပေါင်းရင်းမြစ်များ

Yon 5:39

Kiba Got ami buk weng godin seng kímaliw, ayo watawo kaleyo bá, sun biyámin sinik uta kudulumo, kale nadiwo kayo ka. Kale belami buk godin weng sung beyo ki nam sung bakanbu.

Sinik Abem 17:11

Bedíya kinim wanang im kukuw uyo utamomo im kukuw kidel be Tesalonaikka kayak im kukuw kidel akayam tam so keisiw ka. Kalesiw. Kale ika Faul so Sailas so imi weng bakanbiw bo makso kidimumo, kal bom nadiwe sun kuw ika Got godin weng uyo kí bom nadiwe mit afet bom Faul so Sailas so imi weng bakanbiw bo afan bakabiwe, báye kal bom afetsiw.

Sinik Abem 6:4

nuta Got weng uta kuw kano bakaya bom naduwade Got so weng bakan bom keimum kala.” Kaliw kidi nadiwe

Udom 12:8

Alo kinim mak ken wanang kinim madik im kitid sánalo, akeisa kaí, aka alam be kanamak. Alo kinim mak ken min gelemalo, akeisa kaí, aka alam min ki gelemak. Alo kinim mak ken gebom keidalo, akeisa kaí, wanang kinim iyo adikum aket kuyam im kin modak. Alo kinim mak kaba ken aket budunin kinim keidalo, akeisa kaí, aka bo kalfal bom kanamak.

1 Kodin 14:26

Nalam nikil fikal nami kanam kalbi ami mit ayo ki Got win dafádawumo, kale gei dukanbiw kawák ayo ki, kinim mak aka fuw wemokaba, mak atane kukumokaba, kinim mak aka Got ami aket fukanba uyo kidela misuna kuw kaím dákamokaba, mak atane weng kukum bakan bada ayo kinim kukum ata tabe weng be kusiki kanam kalbano, kalanokaba. Adikum buyo ki kana bom naduno Got wanang kinim gei dubidiw iyo dakoyamokabu kala.

1 Kodin 14:3

Kata kan kinim ata lum senin weng bakana kaí, aka be kinim imi weng bakaya bom gadel dawkáya bom, im kitid sán bom ilil dudáya bom keiyaba kala.

1 Kodin 14:6

Kale nalam nikil fikal, naka tad weng kukum kukum bakanyamokabi kaí, nam kanabi be mak dakoyamomu banim. A bede kilim weng tuw tad Got alam ufek ufek kuw misun teinaba uta bakaya bom, Got kal keimin kunamsa uyo bakaya bom, Got ami lum senin weng uyo bakaya bom, kanamin kanamin yak bom kukuya bom keimino, beta kiba kidela dakat kal keidokabiw ka.

1 Timoti 4:16

Kalam biyámin kukuw uyo kidela uta bom nadawe kalam afan kalin uyo kidela faku audal kala. Watawo kaleyo bá, kanamokabaw beta kinim ika yak kam weng kidikamokabiw ade kabalami so dakokamokabu ko.

1 Timoti 4:6

Kaba weng bakakabi bela kafadow kasal kukuyamokabaw, beta kana bom nadawade kukumin kidel so afan kalin weng so kidisaw uyo abobadaw ka. Kale kaba be kanamokabaw, beta kaba matam kitida nadaw Kadais Yesus ami wok fakudin kinim kidel keidokabaw ko.

2 Timoti 3:15

Kale kaba kalam man katiw alanámsaw be fukan dá atamal, bemi atan alanámsaw ayo Got ami godin weng abem ki kal keisaw. Kale uta leiw kuku kámune, um kal keimin dim kamadewu, yak Yesus Kadais aket kudawawe, Yesus Kadais ata watakokamokaba kala.

2 Timoti 4:2

Got weng uyo bakanal kala. Kale kaba Got weng bakanin uyo sun kuw fasko bom nadawe wanang kinim bakoyam beta kanamino, yak bom nadawe mafak keibiw uyo weng bakaya bom im kitid sánal kala. Kale kaba be atin dakbuyámin dukum so atin kalam kukumin leiw kidela aboyámin so tuw kanamal kala.

Taitas 2:15

Kale kaba weng adikum bakokami bela kukuyamal kala. Kabalawta kitid kudu kinim wanang kin mo bom im kitid sán bom nadawe mafak keimin báyo kale weng kitid kuw bakaya bom kei badawo wanang kinim iyo weng ken kuw dudew tabin kala. Kaba ika imadábadaw ita tabe anik anik kámin bá ko.