1 Timoti 3:13 - Got Weng Abem

¹³ Kale Got wanang kinim gu dakáyamin ika kanodin wok bo kidela kudew tabesiw namti, ika win so kei nadiwade ika atud kuw fakadá ilimi Kadais Yesus aket afano, akin weng uta ken bakamokabiw ko.

Got weng abem: Alokso abino kalin

¹³ Kale Got wanang kinim gu dakáyamin ika kanodin wok bo kidela kudew tabesiw namti, ika win so kei nadiwade ika atud kuw fakadá ilimi Kadais Yesus aket afano, akin weng uta ken bakamokabiw ko.

1 Timoti 3:13 ပူးပေါင်းရင်းမြစ်များ

Matiyu 20:28

Kale be ulutaw kale Got ami Kinim aka tadino, wanang kinim ita nam wok fakunamino, kale tase bá. Kale be ata wanang kinim madik imi wok fakudono, kale tase. Kale aka wanang kinim imi guew dudu fikalono, kale tase ko.”

Matiyu 25:21

alam tabalasew ayo weng bakodaw, ‘kaba wok fakudin kinim kidel dudew tabesaw kinim, kaba ken keimusaw keimin, kaba kinim kidel ade kaba katiw kal tei kudew tabesaw. Kale naka kamtidiyo nam ufek ufek seng uyo kawta tabe kin modokabaw. Kale matam tadawo nalaso alew keiyo nam kalfalin uyo taku madenumo!’ Akane,

Luk 19:17

‘kuin nalam wok fakudin kinim kidele, ken keisaw. Kaba ken katiw kal tein dudew tabesaw keimin, abiw afalik dukum nangal kal uyo kin modalo!’ Akeisa ko.

Sinik Abem 21:35

Faul ayo dew tam ábalim mewso un sidiwo wanang kinim iyo atud seng kei nadiw ankabidumo. Kal bidiwo, un tabudin kinim iyo Faul dafo gada dew abe bidiwe,

Sinik Abem 6:15

adikum kot keimin dim teinbidiw iyo kin sidi Sitíwen didaw atamomo am kibi lamlam eidin uyo ensel kibi lamlam eidin taw keida ka. Akeisiw.

Sinik Abem 6:5

adikum wanang kinim teinbidiw im aket, weng dew kámin kinim imi weng be keno. Kale nadiwe Sitíwen afan kalin kitid tabesa kinim Sinik Abem weina dausa keida, alo kinim madik Filiw so Budokodas so Nikkanod so Timon so Badmenas so Nikkolas aka Antiák kinim. Kale aka Yu kayak keise keida. Ita walu imu nadiwe

Sinik Abem 6:8

Kale Sitíwen ayo Got ta bom atin daw kinim dá nadane kitid daudawsa. Kayo aka mudi mudín kukuw so dubat dubatin kukuw so uyo wanang kinim tem kadákal kanamsa.

1 Kodin 16:15

Kilim kal, Sitefanas muduw isik afan kalesiw kinim. Kale ika Akeisia bakan gongo kal bidiw. Ika aket tetu ilimi uyo Got ami wanang kinim gong dakáyamin umi kumam kudasiw. Nalam nikil bakoyamon,

Filibai 1:14

Nalam nikil fikal nalaso makuw bidiw, ika makso kitid tabe Kamok aket afan kalin kinim kei bom nadiwo Got weng uyo fingánin banim atin makso so bakanábiw, watawo kaleyo bá, ika nami atud fakadá Kamok alam dim kal kalabus am teinbi uyo natam nadiwo kayo ko.

1 Tesalonaikka 2:2

Kibilim kal, nuka kamakikiw yak Filibai abiw unuw. Filibai kayak ika kukuw mafak so itafimin so keiya bidiwo yanol yak Tesalonaikka abiw kiba itamasuduw kala. Kale yak Tesalonaikka abiw kinim ikil seng kanaya bidiwo, kata nulum Got ayo atud aket kuyamano, kayo alam sung kidel uyo bakayamsuw.

1 Timoti 3:14

Naka mewso tadono kanabi, kata sauk kon weng belata godukamino, abo sadawo kala,

2 Timoti 2:1

Kale nalam man kaba, kaba nulum Kadais Yesus so makuw keiyámin dim min gelemin kudusuduw uyo kidela yakik fakudal kala.

Ibidu 6:10

Kale Got aka kikiw ki gelemin kinim. Kale Got aka kim wok fakubidiw bo lukuwá kudáloma banim ade aket kudaw nadiw alam wanang kinim dakáya bom nadiw ulum kano kuek di dakáyam abebiw bo lukuwá kudáyamoma banim kala.