1 Timoti 1:19 - Got Weng Abem

¹⁹ Kale kalami Got afan kalin yakik faku nadawe kalam aket kidel fukanin ki yakik faku audal kala. Kale yak kinim madik ika ilim aket kidel fukanin uyo yakik fakudongin banim dako nadiwe ilim afan kalin uyo kuw mafak dáyábiw ko.

Got weng abem: Alokso abino kalin

¹⁹ Kale kalami Got afan kalin yakik faku nadawe kalam aket kidel fukanin ki yakik faku audal kala. Kale yak kinim madik ika ilim aket kidel fukanin uyo yakik fakudongin banim dako nadiwe ilim afan kalin uyo kuw mafak dáyábiw ko.

1 Timoti 1:19 ပူးပေါင်းရင်းမြစ်များ

Matiyu 6:27

Kale kan kawta ken aket luklakin dim kilim biyámin uyo faknes sikam audoláwe?

1 Kodin 11:19

Awo bo aket luklakin bá, bo wengal fukan bidiwo kal kei au, beta Got kinim tatun, beta afan kalin balut balutba, kalin buye.

Galesia 5:4

Kan kawta kam aket naka sawa uta abodino, Got aka bakonam, “kaba kidelo. Nakokabano,” kalbaw namti, á bude Kadais ayo takas dabada yak kaek abaw ade Got ami min gelemin uyo kudálaw ka.

1 Timoti 1:5

Kaleyo weng bakodi ami mit ayo ki kanodin kukuw uta dakokamuno, kakanum aket kudawa kudawin, atin aket kidel, fatom banim, atin afan kalin makuw uta ta bom aket kudawa kudawin uyo maek tadebu.

1 Timoti 3:9

ika aket tem baim banim kei bom nadiw ilim aket afan kalin dukum kudew fakusiw kala kaleyo kuw ko.

1 Timoti 6:12

Kale kidela gadel tabe kinim biyaku tow win keidono, kanaba taw kabal kidela Yesus yán abo ta bom nadawo tow sun biyámin uyo win kei kudulal kala. Kale dil Got gán dákam sun biyámin uyo kudulalo, kaka, kalam afan kalin uyo wanang so kinim so kin dim kal kuw misun teisaw make.

1 Timoti 6:21

Kaleyo ika bako nadiw, “nuka kal keimin fakubuduwo,” kalesiw uta kanamon nadiwe ilim aket afano kalin uyo ituwa kudásidiw ko. Got ami min gelemin uyo kabalawso badano kala.

1 Timoti 6:9

Kata yak kan kinim im aket nuka kisol yak so kudulumo, kalbiw, ika uta ta bom aket tako imadew yak abil sangadet im tam gidokaba ade ufek ufek mafak aket wananbudu um aket ki aket lulelule audokabiw. Kale kal atin im mafak dádokabu.

2 Timoti 2:18

Kale ita tatun weng bakamin leiw uyo anwá kudá nadiwe ika bako, “numi talá tabamin leiw fenbuw umi atan uyo tadenu banimbu kul,” yak bom kukuya bidiwo, yak kinim madik imi aket afano kalin uyo kuw mafak dáyamsiw.

2 Timoti 4:4

Kale ika tatun weng uyo kidiloluwo, kale mul wakumam nadiwade fasel sung uta kilung du kidi bom keimokabiw.

Taitas 1:9

ade aka afan weng uyo nulum kukuyamse taw kitid kuw tabe fakusa kinim ka. Kale waluliwo aka ken afan kalin kinim madik iyo tudon leiw kuw kukuya bom nadane weng kitid weng kuw tatun weng kuásusulin kinim bidi bakoyam, kiba mafak keibiwo, yakanak kala.

Ibidu 3:14

Nuka Yesus aket afan kalin uyo alam kano kamakikiw kanosuduw taw ki keidokabuw, beta Got alam ufek ufek Yesus kudawsa uyo nuluso makuw adikum kikiw kudulokabuw.

1 Yon 2:19

Kale kinim bidi imadá yak kaek abesidiw be watawo kaleyo bá, ika num kinim mit gu makuw bá kayo kala. Alo ika nuso kinim mit gu makuw nam ika imadá yak kaek abodiw banim, kata ika imadá yak kaek abesidiw, kayo nuka uta kukuduno, nuka atin afan kal keidomo, ika atin adikum num kinim mit gu makuw bá, kala. Kalesuduw ko.

Daw misun 3:10

Kiba nam bakoyam, kiba idum tadebu uyo dakbu dudew tabino yakeisi uyo kanamusiw keimin, naka idum dukum matam bakan adikum fakbu wanang kinim imkukumokabu, be naka kiba kal bábu takeikuyamokabi.

Daw misun 3:3

Kale kiba kilim kano kukuyamiw kidisiw be finang dádin kala. Kale be kidi kilim ban keimin uyo ibik dumam kudálin kala. Kata kiba kin bisil kin bá kanamongin dakodokabiw namti, naka yakot wanin kinim taw kalo maklo tadokabi, be kiba nam kano tadokabi umi atan uyo kal keidoliw banim.

Daw misun 3:8

kim kukuw bo nalam kal, kim kitid bo katiw, kata nam weng bo kidisiw. Kale nam win bo kudák akálongin dakosiw. Kayo naka fal bisudi, kinim teinu mánu iyo mak tad fal leilodiw banim keidokabiw.