1 Tesalonaikka 1:7 - Got Weng Abem

⁷ Kale kiwta Maseddoniya bakan so Akeisia bakan so afan kalin wanang kinim im kin umak dá aboyámin ade kiwta keisidiw ka.

Got weng abem: Alokso abino kalin

⁷ Kale kiwta Maseddoniya bakan so Akeisia bakan so afan kalin wanang kinim im kin umak dá aboyámin ade kiwta keisidiw ka.

1 Tesalonaikka 1:7 ပူးပေါင်းရင်းမြစ်များ

Sinik Abem 1:13

Kale ika tad Yedusalem nadiwe tam el am ilim am teinábiw unsiw. Kale bidi Bita, Yon, Yemis, Andadu, Filiw, Tomas, Bátalomu, Matiyu, Alfias ami man Yemis, Saimon bakan kalan ginanin kinim, ade Yemis ami man Yuddas keida. Keidiwe,

Sinik Abem 16:12

abe naduwe kalo yak Filibai abiw tasuw. Kale Filibai be Maseddoniya bakan umi abiw dukumo, Udom gawman ita kin moyábiwo nuka tad kalalom naduwe

Sinik Abem 18:1

Kale weng banima nade Faul ayo Aten abiw buwák kudá yak Kodin abiw una.

Sinik Abem 18:12

Kinim mak am win Galiyo aka gawman dukum Akeisia bakan kin mo beno Yu kayak ika tada tada aket makuw kei, Faul wasi taw keidaw kus atam dew tad kot keidawumo, kale dew tad bakodiw ko.

Sinik Abem 19:21

Adikum bo kanodune, yanol Faul ayo Yedusalem kal unono kalanom nadane bako, “naka Maseddoniya bakan so Akeisia bakan so uyo fako yak Yedusalem kal tein si audokabi yanol kawák tam Udom abiw unokabi.” Kale nadanade

Udom 15:26

Kale Maseddoniya afan kalin wanang kinim so wok kakamo Akeisia bakan afan kalin wanang kinim so ika kisol kudu Yedusalem kayak Got wanang kinim win banim dakoyamumo kanabiw ko.

2 Kodin 1:1

Naka Faul Got alata walunamudano Yesus ami weng dew kámin kinim keisi so nulum nafadow Timoti alaso, nuta sauk kon bela godu, Got ami wanang kinim gu Kodin abiw teinbidiw so adikum Got wanang kinim Akeisia bakan bidiw so kimino, kale dauyamuw ko.

2 Kodin 9:2

Watawo kaleyo bá, nalam kal keidomo, kiba dakoyamumo, kale faskobiw. Kale naka kim kanabiw bumi tok uyo Maseddoniya im dim kal bakamsi. Kale naka bakoyam, Akeisia bakan kayak ika yak itol mak kal ufek ufek min gelemumo kale faskosiwo, yaksi. Ade kim ufek ufek min gelemumo kalin uta wanang kinim seng kadák iyo aket dakfoyamiw, ika iliso min gelemumo kale faskobiw.

1 Tesalonaikka 1:8

Kale Maseddoniya kinim wanang so Akeisia kinim wanang so ita kuw kim dim kal Kamok ami sung uyo kal keisidiw bá, kata kim Got aket kukádawin sung uyo kinim wanang adikum yak abe maek abe kal keisidiw kayo nuka asawil kim sung uyo bakayam kámoduw banim.

1 Tesalonaikka 4:10

ade afan kiba adikum Maseddoniya kayak nikil fikal iyo aket kuyamsiw kayo nalam nikil fikal kiba, nuka makso munya bom eiya buduwo kiba makso makso kanamin kala.

1 Timoti 4:12

Timoti kaba kama man, kale kanamom imadálaw kinim ita anik anik aukamodiw kauk ki uta bomo kala. Kata kaba Yesus aket kukádawin kinim wanang imi kukuyamon kalaw uyo kukuw kidel deku bom weng yáw baka bom, aket kuyam nadawe aket afano kal bom ade atin aket ban keimin banim kei bom biyámin ko.

Taitas 2:7

Taitas kaba kabalami uyo kukuw ifiw kuw dudew tabe badawo kaek teinbu teinbu iyo kami kukuw kidel uta utam aboyámin kala. Kale kalam kukumin uyo atud kin bá kuámet tei kanamal kala.

1 Bita 5:3

Kiba Got kinim wanang gu iyo kiwta kin modino, yakeisidiw iyo bakan dim kamok imi kukuw taw kitid weng kuw bakaya bom yak kanodin maek kanodin yakin bá, kata kilim kukuw kidel fakuyámin uta kit kukuya bidiwo ikil kilim kukuw alataw ki ikil be kanamodiw ko.