1 Kodin 11:23 - Got Weng Abem

²³ Naka Kamok alam ban dukámin wanin kukuw kunamse, beta nasik kudáyami yak kimal abesu. Kale be Yuddas ayo Yesus gi dauyamono, kalesa bemi midiliw kawákal Yesus ayo budet faku nadale

Got weng abem: Alokso abino kalin

²³ Naka Kamok alam ban dukámin wanin kukuw kunamse, beta nasik kudáyami yak kimal abesu. Kale be Yuddas ayo Yesus gi dauyamono, kalesa bemi midiliw kawákal Yesus ayo budet faku nadale

1 Kodin 11:23 ပူးပေါင်းရင်းမြစ်များ

Matiyu 26:17

Wanin Budet Is Banim ban imin wanin umi am dánámin keida, kale be kamakikiw am dána kabadákal alam weng kidimin kinim iyo tad dákadálaw, “kaba, yaknang kal Akayam Unemin ban imin uyo kidela kukamuwo wanokabáwe?” Akiwe,

Matiyu 26:2

“kibilim kal, Akayam Unemin ban imin wanin uyo mewso am alew kuw keibu ade kabadákal Got ami Kinim ayo teng takudaw nadiwade ika dew yak as dim dawti sil biki anbidokabiw ko.”

Matiyu 26:34

Yesus weng kala bakodaw, “naka atin dam bakokamon, kamane midiliw awon kokoduk weng dádin dako áliwo, kaba nam win uyo iwálnam badaw bi bid alewbino modokabaw.” Akane,

Matiyu 28:20

Kale kiba nam weng sawa adik kano kukuyamsi uyo kukuyam bidiwo kidi kudew tabin kala, kaleyo afan naka nalata kim bakan dim biyámin uyo ulum kano sun kuw kiwso bokabi.” Yesus weng kalesa ko.

Luk 22:17

Kale yak wain wok kaw kudu faku nadale Got ken keiyo akei nadale bako, “bula kudu nadiwade nikil gele wanino.” Yakeisa.

Sinik Abem 20:7

Kale wik mit kei kamakikiw am dánámin kawákal Got wanang kinim nuka num kanamin kei tada tada ban imin wanin fakel bom wanumo kanamom naduwo Faul ayo amsino imadá unokabi. Kale nadano kayo weng kimis kuw kinim wanang ulum kanom bakaya bada bi midiliw am iw fakodawsa.

1 Kodin 10:16

Kale nuka nulum wain wok Kamok alam bán dim teinbu, buta Kamok suksukla bom ken keiyo kalum kala. Kale be nuka wain wok kuduluw kaí, nuka Kadais ami fikalese kaim makuw be ki kikiw kudabuw. Ade nuka budet sidel sidel dau gelebuw be Kadais ami dam makuw be ki kudabuw.

1 Kodin 15:3

Atin kamakikiw weng Got daunamsa, be atin babid kale, beta nasik dauyamsi uyo bako nadune, “Kadais be num ban keimin takan keiyamono, kale fikala

Galesia 1:1

Naka Faul, nata sauk kon bela goda dau nadi kudáyami tadu ade

Kalose 3:24

Kal keidino, Kamok Yesus aka kiba kisol kuyamokaba kala. Kale kisol kuyamokaba, be alam weng boyam nada kuyamokabino, kalesa uta ko. Be watawo kaleyo bá, kibilim kin modin imi wok kidel fakuyamabidiw be Kamok Kadais ami wok fakubidiw kayo ko.

1 Tesalonaikka 4:2

Kale kibilim kal nuka Kamok Yesus kitid dim kanamino kalin weng uyo kuyamasuduw.