1 Bita 5:5 - Got Weng Abem

⁵ Alo naka weng mak mining kinim kiba, be kanamino, yaki ayo ki, kiba yak dil fikal kinim imi akfak tem bom nadiwo yak akanum dakodawa dakodawa keimin uyo akol dakbu kanamin kala. Kale Got godin weng uyo bako, “Got aka yak wanang kinim ilim win kufábiw iyo win dawayam bá kuw yak wanang kinim dakbu tein bidiw, ita kuw dakáyamin kidel uyo min geleyamokabano.” Kalesu.

Got weng abem: Alokso abino kalin

⁵ Alo naka weng mak mining kinim kiba, be kanamino, yaki ayo ki, kiba yak dil fikal kinim imi akfak tem bom nadiwo yak akanum dakodawa dakodawa keimin uyo akol dakbu kanamin kala. Kale Got godin weng uyo bako, “Got aka yak wanang kinim ilim win kufábiw iyo win dawayam bá kuw yak wanang kinim dakbu tein bidiw, ita kuw dakáyamin kidel uyo min geleyamokabano.” Kalesu.

1 Bita 5:5 ပူးပေါင်းရင်းမြစ်များ

Luk 22:26

Kata bela kiwso im kanamábiw taw kanodoliw sung banim, bede nikil mak matam amsun keidono kaliw kaí, man katiw taw keidaw betano ade wáw kan kawta mak matam kin modin keidon kalaw kaí, mak imi wok fakudin kinim keidom nadiwano.

Udom 12:10

Kale kiba wanang kinim madik iyo kilim muk anung taw keiyam aket kudawa kudawa bom nadiwe Got wanang kinim madik imi win kufámin bo kilim win kufámin akamam tamso kufáyamin kala.

Udom 13:14

Kata kaba Kamok Yesus Kadais ata nám dabadák tadelin audawe ban keimin uyo eimam tod nadawo kalam aket fukanin mafak kanamumo, kakbu uyo kudálal kala.

Efesis 5:21

Kale kiba akanum akfak tem una una bom nadiwo watawo kaleyo bá, kiba Kadais ayo kun falili akbiw kayo ko.

Filibai 2:3

Kiba ufek ufek mak kanamiw namti, sanung wanin keiyámin so kilim win kufámin so uta imadáliw, im kin moyámin bá. Kale kiba fibu nadiwe madik imi win kufáyamin uta ta bom kibilim win kufámin uyo akamamu nade

Kalose 3:12

Kaleyo kiba Got alam wanang kinim keisidiw ko. Aka kimi walu imuda maek alami kei bidiwe, atin aka aket dawkáyaba kala. Kaleyo kiba aket budunin kukuw uyo faku nadiwe yak madik iyo im kidel bom nadiwe kibilim win kufámin banim kei nadiwe kinim falut kei nadiwe aket dakbu teina bom nadiwo ko.

1 Timoti 5:1

Kaba yak kinim fasel keiba ayo kitid weng ngadák fuko dawkanin bá, kata finang ata akol weng kalam kalaw kanadabaw taw kei bom nadawe yak kama man ikil kalam nikil im kinkin nábaw taw keiyamal kala.

Ibidu 13:17

Kibilim gebom gebom imi weng ayo kidiyam bom nadiwade im kanamino, yakbiw uyo aboyámino. Ika kimi ifi moyámin bo ilim wok, kayo ika kim im kin mo bom imkinkinsiw sung uyo kudew tad Got bakanlawokabiw ka. Kiba weng kidiyamansiw namti, ika idak teinokabiw. Alo kiba kukuw mafak fakudiw namti, im idum so keidokabiw, be kauk ayo ki kim mak dakoyamoma banim.

Yemis 4:6

Kale nuka mada balut kayo nukul ken aket wananyamin dukum uyo ken kitid tabe akamamoduw banim, kata Got ami min gelemin kukáyaba, be atin kitid dukum ka. Kale Got godin weng uyo bako, “Got aka yak kinim alam win kufámin be bid daw tam mo nadane min gelemin uyo yak dakbu teinámin kinim alam mit tem unemin ita kukáyaba.”

1 Bita 3:8

Nam weng adik adik ayo bakoyam kim bokabiw ayo kiba aket fukanin makuw kei bom nadiwe kal keida keida kilim muk wakon taw aket daudawa daudawa bom ade akfak tem une, daw kidel bada daw kidel bada keimin kala.

1 Bita 4:1

Kaleyo Yesus ayo kál funin seng kuduse kayo kibil kano kim aket fukanin uyo kidela fasko Yesus alam kanose taw kibil kanodin kala. Watawo kaleyo bá, kinim kan ata kano kál funin kudew be kaí, aka ban keimin umi kitid akfak tem be bá.

1 Bita 4:5

Kata ika fikalesiw so kaunsin bidiw so taktakin Got ayo dákadáyam bako, “kiba watawo itam liwusiwako,” yakokaba kala.