1 Bita 5:10 - Got Weng Abem

¹⁰ Au, beta kaleyo kim kál funin bo mada kikiláw. Kata Got gadel dauyamokaba, aka kiba ibu nadane imadála kutinodiw banim kei nadane aka asiki imadew maek audokaba. Ade aka Got alata ki min dakáyamin kinim, aka gán dáyama yak Yesus so makuw kei alam lamlam uyo makuw kikiw budá imudane, bumi lamlam uyo ulum kano sun kuw bokabu ko.

Got weng abem: Alokso abino kalin

¹⁰ Au, beta kaleyo kim kál funin bo mada kikiláw. Kata Got gadel dauyamokaba, aka kiba ibu nadane imadála kutinodiw banim kei nadane aka asiki imadew maek audokaba. Ade aka Got alata ki min dakáyamin kinim, aka gán dáyama yak Yesus so makuw kei alam lamlam uyo makuw kikiw budá imudane, bumi lamlam uyo ulum kano sun kuw bokabu ko.

1 Bita 5:10 ပူးပေါင်းရင်းမြစ်များ

Luk 22:32

Kata Saimon kaba, naka Got wis modawi kalam aket Got kukádawin uyo daw kitid mokamokaba. Kale kaba alo asiki maek nalam mit tem tadokabaw, alo kawsik kalam nikil fikal iyo imi afan kalin uyo kuw kitid moyamal.” Akane,

Udom 15:13

Kale naka Got gánlawino, Got mimin dok diyámin dauyamsa kinim ayo afan akiw kalfalin weina imu nadane abino kalin uyo weina imudak kala. Kaleyo kalam mimin dok diyámin dukum uyo kana kanodin kale, Sinik Abem ami kitid dim kal keidokabaw ko.

Udom 15:5

Ade naka Got gánlaw bidino, Got dakbuyámin mit kayak ade im kitid sánin mit kinim ayo kim dakoyamano, aket fukanin makuw dew tada tada biyá bom Kadais Yesus alam kanamino, yakba taw keidin kala.

Udom 16:25

Nuka Got win lamlam so uyo kufámum kala. Kale Got ata kuw nam wanang kinim sung kidel bakayabi tuw kilim afan kalin uyo im kitid modokaba ade Yesus ami sung tuw im kitid modokaba. Kale Kadais ami sung be suwayo kal wána kudew tadabi kadák dida, kata kamane lum senin kinim imi weng godusiw dim misunase ade Got Motabid alata bakoyam, “yak anang bakan adikum uyo sung bakayamiw, adik ken afan kale kidilino.” Yakeise.

Udom 9:11

Kata man awang bidi imudongin dako álomo, Got ayo Udubeka bakomam, “kamakikiw kilá bokaba, ata yanol kilá bokaba ami wok fakudokaba.” Wakeisa. Kale belami bakosa, be kinim mát alow iyo kukuw kidelo, kukuw mafako mak kanodongin dako áliwo, Got aka kinim mát alow iyo imudongin dako álomo kanam bakosa, be Got alam aket fukanin, au, kanodokabu kalesa uta abo nadane kinim be walu dausa. Kale be kinim alam kukuw kanosa uta abo kanodawsa bá.

Udom 9:24

Kale kinim wanang imino kale kidel imtisa ade nuta ka. Nuka Yu kayak kalo gán dáyamsa ade kinim Mifiw kal gán dáyamsa.

1 Kodin 1:10

Yesus Kadais ami win dim naka weng kitid nalam afan kalin nikil fikal bakoyamino, kiba au afan aka, aka kei bom nadiwo takas yak teina maek teina keimin be kudá nadiwe aket makuw kei bom nadiwo kala.

1 Kodin 1:9

Kale Got aka afan kanamin kinim. Kale alata kiba gán dáyama, alam Man nulum Kamok Yesus ami biyámin uyo nuluso makuw dek amkidino, yakeise kayo ko.

2 Kodin 13:11

Kamane nalam nikil fikal, naka bakoyam tein bidiwano, yaki ko. Kiba kibilim mimin dok dibidiw uyo atin kanomamiw kideluk kala. Kale nalam bakoyamsi beta kuw kana bom nadiwo aket makuw kei bom nadiwe abino kalin dim biyá bom nadiwe aketo kalin so abino kalin so Got ayo kiwso bok kala.

2 Kodin 4:17

Nulum idum kál funin kudábuw mada bo kikiláw ade mada bo katiw kala kalbuw. Watawo kaleyo bá, nuka idum buso Got ami lamlam sun biyámin so kuw lako kal keidomo idum bo mada kikiláw, kata lamlam uta atin dukum kayo nuka usono kaloluw banim.

Filibai 4:13

Kale naka ken sák kanodin kukuw kidel so mafak so abin teinámin uyo ken aket dakbuyámin dim utamomi, watawo kaleyo bá, Yesus Kadais ta bom kitid dawkanaba kayo ko.

Kalose 2:7

Kiba kibilim Kadais dim kimkim biki teinámin uyo as kimkim tawal tem bikiyámin taw kei nadiwo makso afan kalin uyo kitida tam unuk kala. Kale alam kukuyamsa taw alam kano kuek tane bom nulum Natim Got ayo asawil ken keiyo, ken keiyo kalan unin kala.

1 Tesalonaikka 2:12

nuka kim im kitid sán bom, ilil dudayam bom naduwade ulum kanom eiya bom weng bakoyam yak kanodin biyámin uta Got kalfalyabano, yakansuw. Kale Got ayo gán dáyam alam kasák gu so alam lamlam so um kayak kei imkanbano, yakansuw.

2 Tesalonaikka 2:14

Got aka yak be kal unino, kale nulum sung kidel bakayamsuw dim gán dáyamane, kiba maek kibilimi Kamok Yesus lamlam tem tadino, yakeise.

2 Tesalonaikka 2:17

ika kim aket uyo im kitid modiw atud fakadá nadiwe kukuw kidel kana bom nadiwe weng kidel baka bom keimin kala.

2 Tesalonaikka 3:3

Kata Kamok aka afan kanamin kinim kayo, aka kam kitid mo nadane Mafakim ayo fal kalo mokamokaba.

1 Timoti 6:12

Kale kidela gadel tabe kinim biyaku tow win keidono, kanaba taw kabal kidela Yesus yán abo ta bom nadawo tow sun biyámin uyo win kei kudulal kala. Kale dil Got gán dákam sun biyámin uyo kudulalo, kaka, kalam afan kalin uyo wanang so kinim so kin dim kal kuw misun teisaw make.

2 Timoti 1:9

Aka num kail bá takeikuyamse uyo alam aket tetin uyo nuka abem keidum kale nadano aka bako, “ika nalamino,” kalese, be ilim wok kidel fakusiw, umi yán uta bá, kata be alam aket tetin uta. Ika imudulono, kale nadano imuduse be alam min gelemin uta ka. Kanose be suwayo mit ludongin banim kal Got ayo Yesus dim min gelemin kuyamsa.

2 Timoti 2:10

Kale naka Got wanang kinim walu imusa, imi luk beta naka mew idum adikum bo kudew tabesi kala. Kale naka kanodino, wanang kinim iyo ilisino Yesus ami sun biyámin lamlam so kail bá takeikuyamase uyo kudulin kala.

Ibidu 9:15

Kale belami mit ata Got ayo Yesus Kadais walu dabadála madák Got tada kinim tadiw alokso abino kalin umi iw kinim tanong kon keidano adikum kinim wanang kan ita Got gán dáyama iyo tad alami kei nadiwo adikum ufek ufek kidelok alam weng takadá kuyamokabino, yakeisa uyo kudulin kala. Kale kinim wanang kan ita dil abino kalin umi akfak tem bom ban keimusiw iyo ikil iliso Got weng takadáyamsa uyo kudulokabiw. Watawo kaleyo bá, Yesus fikalese ayo ban keimin umi laban tem unom ban keimin mo talá imadáse, kayo Got aka ken bakoyam, “kiba atin kidelo,” yakba kala.

1 Bita 1:15

Kata Got gán dáyamase kinim aka Kinim Abem, kayo kabal kinim abe kei kukuw adikum kanabaw uyo kana bom nadawo kala.

1 Bita 4:10

Kale kinim wanang adikum kiba, Got aka wanang kinim makuw makuw kukuw mak ken kanamino, kale dauyamsa, be Got alam min gelemin kukuw kayo aka geleyamsa kala. Kaleyo kin mo ken taktak bom yak kinim wanang madik iyo kidelya bom nadiwo ko.

1 Bita 4:11

Kale be alataw, kan ata aka Got weng bakanal, akeisa kaí, aka alam Got weng tatun kuw bakanak, kan ata wanang kinim dakáyamal, akeisa kaí, aka Got alam kitid dim dakáyam badano, Yesus win tudow dim adikum sun sun Got win kufádawin, adikum kitid so lamlam so uyo atin Got sun sun alami. Kale afan ko.

2 Bita 1:3

Kale be nulum Yesus kal keimin dim Got aka atin kitid soim kayo num kitid waktuwa buduw uyo kuyamase. Kale nuka ken Got kukuw uyo abo naduwe ken bokabuw. Kale aka atin kinim kidelok, kayo aka num luk dudu kanodin kitid soim wok bo fakuyamase kala. Kale aka gán dáyama yak alam lamlam so alam takak so kidel uyo nuluso kikiw wak gelelumo, yakeise.

1 Yon 2:25

Kale Yesus Kadais ami weng takadáyamsa ude sun biyámin sinik kuyamokaba beta ko.

Yut 1:24

Ade kamane adikum wanang kinim nuka, Got makuw ata kuw win kufádawuwo ata Yesus Kadais win dim kail bá takeikáyaba. Kale ata kuw adikum lamlam mit kayakim ade ata kuw win soim ade mew adikum ufek ufek bo ata kitid fakuda bu ade abin abem dukum kudusa kinim ade aka bo adikum fakubisa, kamane fakube ade sun faku unokaba. Ade Yesus aka atin lamlam soim Got alam kin dim num ban keimin banim, weng fine banim, aka kutinodiwo, kale imadew yak dáda nuka sun yul didin bom katkatin dim unokabuw. Kale atin afan.