Yut 1:4 - Got weng abem: Alokso abino kalin

⁴ Aket fukanin belami yak kim aket afan kalin umi kanadaba. Be kalo kinim iwál kilim iwyak tem tadebiw kalo tade bu. Kale kinim bidi im Got banim ade ika Got ami min gelemin weng mit uyo kumade kukum baka bom nadiwe sák bako, “ban keimiw namti, kiba Got kin dim kenokabiw kala.” Kalanaliw. Beta kana bom nadiwo Yesus Kadais num Gebom ade Kamokim ayo ibik dudawábiw ko. Kale Got godin buk tem kinim im sung beta kale bakosa. Kale Got ayo suwayo kal bidi walu, sok gei imudokabi, Kalesa. Kale bidi walu imusa ka.

Got Weng Abem

⁴ Aket fukanin belami yak kim aket afan kalin umi kanadaba. Be kalo kinim iwál kilim iwyak tem tadebiw kalo tade bu. Kale kinim bidi im Got banim ade ika Got ami min gelemin weng mit uyo kumade kukum baka bom nadiwe sák bako, “ban keimiw namti, kiba Got kin dim kenokabiw kala.” Kalanaliw. Beta kana bom nadiwo Yesus Kadais num Gebom ade Kamokim ayo ibik dudawábiw ko. Kale Got godin buk tem kinim im sung beta kale bakosa. Kale Got ayo suwayo kal bidi walu, sok gei imudokabi, Kalesa. Kale bidi walu imusa ka.

Yut 1:4 ပူးပေါင်းရင်းမြစ်များ

Matiyu 13:25

midiliw kawák wanang kinim adikum iyo akál bidiwe, kinim alam kin kus ayo tad alom nadano wit luw kaiba, umi tem tem uyo asik badasal sun kaim kábi kudá unoma bá,

Yon 17:3

Kale sun biyámin ade bela kabe. Kale kinim iyo kaba ilim kal kei kaba atin Got kakeibiw kuw ade Yesus Kadais ilim kal kei kawta dabadálaw tasa, kale audin kala.

Sinik Abem 11:23

Aka tad wanang so kinim so iyo itamomane, Got alam min gelemin uyo kudubiw ka. Kale nadanade aka kalfalin dukum kuw kudu nadano wanang kinim iyo aket wis sánya bom bakoyam, “kiba kim aket uyo adikum atin afan kale Kamok kudaw yak alami mewso ki biyámino.” Kale Bánabas weng yakeisa.

Sinik Abem 15:24

Num kinim madik im tad kibilim dim kal ika weng bakayam bidiwo, kim aket mafak kei, aket seng fukansiw umi weng kidisuduw bu nuta kinim bidi walu imadáluw tasidiw bá, ikil ilim aket tei, tad kilim dim tasidiw.

Galesia 2:4

Kata kasen kei faltimin kinim madik ika num bakoyam, ika kál wakelin ban boyamongino, yaksiw. Kale kinim ika iwál leiw tad afan kalin num tubudubuw kal abe bom nadiwe ika ulum tad nuta itamuw, nuka Yu Kayak sawa abodongin bo kudá nadiw Kadais so kámin kukuw uta abo bidiwe, yakanumo, kale tademsiw. Kata nuka Yu Kayak im sawa be abodoluw banim keiyámsuw. Watawo kaleyo bá, nuka Yesus Kadais ami kinim kayo make. Im aket afan kalin nuka Yu Kayak imi sawa adikum uyo abodino, yakei nadiwo kayo ika be kanamom nuka idum kuek gitikyamumo, kale kanamsiw ko.

Galesia 5:13

Atin nalam nikil fikal kiba, kiba ban bomin so abemo kalin umi atud so uyo kudá kál gulbal keisidiw, kata kál gulbal keimin be mafak keimin uta bá, kata be kál gulbal aket daudawa daudawa bom dakodawa dakodawain uta ko.

Efesis 4:14

nuka alo man katiw taw keidoluw banim ade nuka gedul ta bom as kuk anbinoda kal unba kal unba keiba taw keidoluw banim. Kale gedul be kinim kasen kasen bom kukumin kinim bidimi kasen kasenin tuw wanang kinim tudo imadew leiw mafak unemin imi guton uta ko.

1 Timoti 5:8

Kale yak kan ata alam aulal sone, atin alam duwal kama kaim fedabu so iyo mak kidela kin modongin dako be namti, alam aket afano kalin uyo kuwádokaba. Kale aka ami kanaba ayo ki Yesus aket kudawongin banim imi kanamábiw ulutaw bá, atin ata mafak dukum tam so keiba ko.

2 Timoti 2:12

Nuka kál funin uyo ken kale dudew tabokabuw namti, nuka alaso makuw Kamok kei kin modokabuw. Ade nuka aka dabadoluw báyo akokabuw namti, aka alaso imádomi báyo, yakokaba.

2 Timoti 3:6

Kanodin kinim bidi am make tam tam ká bom nadiwe wanang kan ita kukuw kidel kanamin kitid banim iyo imadew fakanábiw, watawo kaleyo bá, wanang bidi ban keimin seng uta tabe iduma im fatom dása ka.

1 Bita 2:16

Kim biyámin uyo min luk bala bom kukuw kidel kuw kana bom nadiwo luk bala yak kukuw mafak uyo kanamodiw banim keidin kala. Kale yak Got alam bakoyam, “beta kuw kanamino,” yakba ki kana bom nadiwo

1 Bita 2:8

Ade alo yak Got godin weng mak utane bakoyam, “tum belata wanang kinim iyo umi dim di diki bom gidin si imadák kámodokabano, yakbu ko.” Kale im di diki bom gidinbiw, be watawo kaleyo bá, ika Got sung kidel uyo afan kalongin danim, kayo kale be Got alata be kanodino, yakba kayo ko.

1 Bita 4:18

Kale be Got godin weng uyo bako, “Got ami wanang kinim kidel kail bá takeikuyamono, kalokaba bo atin fitin namti, yak ban keimin wanang kinim Got aket kudawongin banim iyo yakodokabiwako?” Kalesu kala.

2 Bita 2:10

Mew ibakamin kukumin bidi atud kuw fakadá bom nuta kayo, kal bom nadiw win kufámin uyo abid tikin kayak mak kuyamongin banim kei bom ididin ata keiyamábiw.

2 Bita 2:7

Kale Got ayo Lot ata kuw kál ged modawsa. Lot kinim kidel kuw tabesa ayo Soddom abiw tein bom kinim iyo itamomane, atin kukuw mafak kuw faku nadiwe Got ami sawa uyo mak abodongin banim keidiw ka. Kale am aket bed keidawasu.

2 Bita 3:7

Kata abid so bakan so kamano bu uyo Got aka bako nada, “naka im mafak dádokabi.” Kale kutida bu kala kaleyo aka wanang kinim alam kanamino, yakba uyo abodongin banim kaí, ilim taktakyamokaba atan kal aka asawil weng bakodane, iliso adikum ufek ufek abid so bakan so bu so iyo as kain kidálokabiw kala.

1 Yon 2:22

Kale ibakanin kinim be kan ata? Be kinim mak bako, “Yesus be Kadais báyo,” kalba ata ka. Kale kinim be ibakamin kadais kayo aka Min so Alaw so iyo báyo, yakanala ko.

Yut 1:15

aka wanang kinim adikum iyo taktak imu nadane yak wanang kinim Got banim ilim kukuw mafak so weng mafak bakadawusiw so umi yán ki sok gei imudokaba.” Kalesa.

Yut 1:18

ika bakoyam, “am afung am dánokabu, kawák ayo kinim matam be, Got ami kukuw uyo ában gimgimya bom ában faka bom ilim aket wananyamin mafak uta yán abo bom kanamokabiw.” Yakeisiw.

Daw misun 15:4

Kamok kaba, wanang kinim adikum iyo kun falili kaukokabiw ade ika kam win kufákamokabiw, kayo kawta kuw abem, kam kukuw kidel uyo misunasu. Kale wanang kinim adikum iyo tad kam win kufákamokabiwo.” Kalsiw.