Yon 8:19 - Got weng abem: Alokso abino kalin

¹⁹ ika dákadálaw “kam Kalaw ayo yakal be?” Akiwe, Yesus asik fakadu bakoyam, “kiba naka kim kal banim ade Natim so kim kal banim. Kan kinim ata nayo alam kal keida namti, Natim aso alam kal keida.”

Got Weng Abem

¹⁹ ika dákadálaw “kam Kalaw ayo yakal be?” Akiwe, Yesus asik fakadu bakoyam, “kiba naka kim kal banim ade Natim so kim kal banim. Kan kinim ata nayo alam kal keida namti, Natim aso alam kal keida.”

Yon 8:19 ပူးပေါင်းရင်းမြစ်များ

Matiyu 11:25

Kale kana bom bakaba kabadákal Yesus ayo bako nadale, “nalam Natim, abid so bakan so Kamokim kaba, naka win kufokami, be watawo kaleyo bá, kaba kanodin kukuw uyo yak win tabin iyo kin kuwáyam nadawe yak win banim imi dim kal kuw misun teibaw.

Yon 1:10

Kale be Yesus alata bakan bu kidel ku nadale bakan dim teinsa, kata bakan kayak ika Yesus ayo atam kal keidongin banim.

Yon 1:18

Kale kinim so mak Got atamongin banim, kata Min makuw ata kuw Got atam nadane Alaw teng miskuno kal biyába ade ata Alaw Got ayo daw kaím teiyamase.

Yon 15:21

ika kanodin kukuw kanayamokabiw, be watawo kaleyo bá, be nam win tudow dim kanayamokabiw, beyo ki ika namadála tasi kinim ayo im kal banim kayo ko.

Yon 16:3

Ika belami kukuw kanayamokabiw, be watawo kaleyo bá, ika Natim so naso nuka im kal banim kayo ko.

Yon 17:3

Kale sun biyámin ade bela kabe. Kale kinim iyo kaba ilim kal kei kaba atin Got kakeibiw kuw ade Yesus Kadais ilim kal kei kawta dabadálaw tasa, kale audin kala.

Yon 7:28

Kalaniwe, Yesus ayo Yol am kasadam tem tod bom kukuya bom nadane weng dukum kuw gán dá, bakoyam, “au, kiba naka kibilim kal keibiw ade nam tasi mit ayo kibilim kal. Naka nalam aket tei tasi bá, kata kinim namadála tasi ayo ki, atin afan, kata aka kim kal banim.

1 Kodin 15:34

Kale asiki maek aket kidel fukanin leiw kal abe nadiwo ban keimin uyo kudálin kala. Kiba atin fatom so keidin, watawo kaleyo bá, kinim madik kim tem teinbidiw, ika Got be im kal banim keibidiw, kayo ko.

Galesia 4:9

Kata kamano kiba tatun Got ayo kibilim kal keibiw, kata Got ata atin kiba kidela alam kal keiba ka. Kata nam aket babánbi ayo ki kiba dusiki ayo bakan dim sinik imi mit tem unbiw kayo ko. Bakan kin modin sinik ika mada balut ade atin babid bá kala. Kale be watawo kaleyo kiba asiki imi akfak tem unumo, kanamiwe?

Efesis 1:17

Kale naka nulum Got lamlam tabin Kamok Yesus Kadais ami Alaw ayo dákadálawino, Sinik Abem kal keimin mit kayak ayo Got daw misun dáyamano, Got ayo atin kal keidin kala.

Kalose 1:10

Kaleyo Got ami aket kanamino, yakba uyo kiba ken kanamokabiw ade Got aka itama kiba yakanamin mak sun kuw kanamokabiw, be aka bako nada, “naka atin kalfalyabino,” yakokaba kala. Kale beta kilim kukuw kidel uyo matam sengokabu ade Got ayo makso makso kal keidokabiw kala.

Kalose 1:15

Wanang kinim Got be atin atamodiw banim, kata ika Got alam Man ata kuw atam nadiwo alam dim kal, au Got be kanodin tawo, kaloliw ko. Suwayo Got adikum abid ufek ufek so bakan ufek ufek so kidel kudongin danim kawák be alam Man abin be atin dukum tam so adikum sák ufek ufek Got alam ufek ufek kidel kusa imi abin uyo akayamsa.

Ibidu 1:3

Kale Got alam Min dim kal Got alam win dukum so lamlam so be misunasu. Kale nuka Got ami Min atamuw namti, Got ade kal atamanbuw ka. Mew adikum abid ufek ufek so bakan dim ufek ufek so ulum kano kanabu, be watawo kaleyo bá, Got alam Min alata bako, “bo kanamuko,” kalba kayo ko. Kale Got ami Min aka wanang kinim adikum imi ban keimin fatom uyo takan keiyam nadane aka abid tikin Got Motabid mámin soim kinim ami teng iwkuko abin abem dukum kudu tein be kala.

1 Yon 2:23

Kala kaleyo kan kinim ata Min be báyo, aka namti, Alaw so báyo, aka ade kan kinim ata Min be aket kudawa namti, Alaw so aket kudawa ka.

1 Yon 5:20

Nuka belaso kal keidomo, Got ami Min ayo madák nadane kal keimin kuyamase, kale nuka tatun kinim ayo nulum kal keisuduw. Kale be alam Man Yesus Kadais ata tatun kinim ade ata afan Got ade alata sun biyámin mit Kinim kayo nuka aso makuw buduw kala.

2 Yon 1:9

Kan ata Kadais alami weng sawa kukumin uyo kudá alata so akadaw yak kukum so abobe namti, aka Got ayo aso bongin banim, kata kan ata Kadais ami weng sawa kukumin ki abobe namti, aka alasino Natim so Min so makuw bidiw.