Yon 7:29 - Got weng abem: Alokso abino kalin

²⁹ Kata aka nalam kal watawo kaleyo bá, naka alamiyo ade aka namadála tasi ko.”

Got Weng Abem

²⁹ Kata aka nalam kal watawo kaleyo bá, naka alamiyo ade aka namadála tasi ko.”

Yon 7:29 ပူးပေါင်းရင်းမြစ်များ

Matiyu 11:27

Kale Yesus ayo bakoyam nadale, “mew ufek ufek adikum bo nalam Natim alata bámadá kudála maek nalam teng ban dim abesu, kata yaknodin kinim ata mak Min ami mit be kal keidoliw banim, kata alam Min makuw ata kuw alam kal ade kinim kan ita Min alata walu imuda ita kuw Alaw ayo daw misun teiyama atamokabiw ko.

Yon 1:18

Kale kinim so mak Got atamongin banim, kata Min makuw ata kuw Got atam nadane Alaw teng miskuno kal biyába ade ata Alaw Got ayo daw kaím teiyamase.

Yon 10:15

Ulutaw ki nalam Natim ayo nam aket fukanba ade naka nalam Natim aket fukanbi, kayo naka nalam siwsiw luk dudu fikalano, kalbi.

Yon 13:3

Kale Yesus ayo alam kal, Alaw aka adikum kitidim kudawse, kayo ufek ufek uyo alami mit tem bu ade aka Got ami Min tasa ade asiki alo Alaw Got finang unokaba uyo alam kal kuw keisa.

Yon 17:18

Kaba namadálaw madák bakan kayak im tem tasi alataw ki nakal imadáli yak bakan kayak im tem uniw.

Yon 6:46

Kale kinim mak Natim Got atamongin banim, kata Got alata kinim dabadála tase, ata kuw Alaw atamase.

Yon 8:55

kayo kiba Got ayo kim kal banim, kata nata aka nalam kal, kayo naka bako nadi, ‘aka nam kal banim’ kalokabi uyo kim ibakanin taw nakal ibakanokabi. Kale aka nalam kal, am weng uyo nam aket tem kal bu kala.

1 Yon 1:2

Kale Weng alam kano Motabid sinik so biyámin be Natim Got so teinsano, kinim kei misuna nuluta atamsuduw kayo be bakayabuw.

1 Yon 4:14

Kale nuka atamsuduw, kayo yak kinim madik iyo bakoyam Natim ayo alam Min dabadála madák tad bakan kayak ban keimin kail bá takeikuyamaseno, yakanaluw ko.

1 Yon 4:9

Kale Got ami aket kuyamsa umi kukuse ade alam Min yánmák makuw dauyamse ayo Min Yesus dabadála madák bakan tase, kayo nuka ami dim sun bokabuw.