Yon 6:70 - Got weng abem: Alokso abino kalin

⁷⁰ Yesus ayo fakadu bakoyam, “naka kilung kal kiba walu imudi, kata kinim makuw ata ki sinik mafak kinim ko.” Yakeisa.

Got Weng Abem

⁷⁰ Yesus ayo fakadu bakoyam, “naka kilung kal kiba walu imudi, kata kinim makuw ata ki sinik mafak kinim ko.” Yakeisa.

Yon 6:70 ပူးပေါင်းရင်းမြစ်များ

Yon 13:18

“Naka adikum kim sung bakayabi bá ade naka kinim walu imusi makuw makuw, kiba nalam kal. Kale bulami kanodokabu uyo Got godin buk tem weng bakosu, buta matam dam keidokabu uyo bako nadu, ‘kinim makuw nalaso imin wanin bán tein be alata tiw kon dim atanim kei be.’ Kalesu.

Yon 13:2

Kale kuina ban imin wanumo kanamiwe, Mafakim ayo yak Saimon ami man Yuddas Iskadiyat kayak ami aket tem teinlawa, Yesus gi dauyamono kanama.

Yon 13:21

Kale weng bako nadanade yanol aka aket idum keidawune, bako nada, “naka atin afan bakayabi, kinim makuw ki tabe tiw kon dim atanim keinamokaba.”

Yon 13:27

Kale Yuddas ayo yak imin faku kei badane, Mafakim ta bom aket dawsikidawane, Yesus ayo bakodaw, “kam kanodono kanabaw uyo wabising kanodalo.” Akane,

Yon 15:16

Kale kiwta naka walunamusiw bá, kata nata kiba walu imudino yak gim seng abumino, yakeisi, uyo gim ulum kano abu sun bokabu uta kala. Kale Natim ayo kiba yaknámin mak kudulumo, kale nami win dim dákadálokabiw, Natim ayo kuyamokaba.

Yon 15:19

Kale kiba bakan kayak imiyo namti, ika atin aket kuyam nadiw ilim aket kudawa kudawabiw taw keiyamongin, kata kamane naka bakan kayak im iwyak tem kal kiba walu imudi, kiba bakan kayak bá keibiw, kayo ika sakaik itamábidiw kala.

Yon 17:12

Naka bakan kadák iso teinsi uyo win abem takunamsaw, umi dim uta tabe im kál ged moyam kidel kuw imtisi. Kale kinim kalam walunamsaw iyo mak kutinongin banim, kata Mafakim ami min makuw ata kuw kutina yak as abongin keima. Kale am kanoda be godin weng bakosu uyo matam dam abudu ko.

Yon 2:2

Yesus so alam weng kidimin kinim so gán dáyamiw, yak kinim wanang kuduba umi liwliw imin wanbiw kal uniw kale.

Yon 20:24

Yesus ayo kinim kilung kal walusa itamono tase, kata walu dausa kinim mak Tomas awang man aka aso teinongin danim.

Yon 6:64

Kata madik kiba aket kunamongin banim.” Kale Yesus ayo kamakal kal kei kan ata aket kudawsa ade kan ata aka wasi gi dauyamokaba, kale kal keisa.

Yon 6:67

Kale Yesus ayo alam weng kidimin kinim kilung kal imadáliw iyo bakoyam, “kiba nuluso imadála unumo kalbiwe?” Yakeisa ko.

Yon 6:71

Umi weng mit ayo ki Yuddas Saimon Iskadiyat kayak ami sung kale aka Yesus ami kinim kilung kal mak ade kabe, kata aka yanol Yesus wasi gi dauyamokaba kayo ko.

Yon 8:44

Kiba kim kalaw ayo Mafakim kayo kiba kilim kalaw alam aket kanamino yakba ki kanamaliw. Kata kamakikiw mit tabin kal aka kinim ámin kinim keisa kayo aka tatun weng uyo aka mak fakudongin banim, kayo aka tatun weng uyo ami kidin tem so bongin banim. Be watawo kaleyo bá, aka ibakanin kinim ade aka ibakamin mit kayak kayo ibakanin weng uyo atin alam weng adik dáw,

Sinik Abem 1:17

Kale Yuddas aka nulumi mit makuw kale aso nuso nikil wok makuw fakuyamsuwo ko.” Kalesa.

Sinik Abem 13:10

“kaba Mafakim ami man ade kaba adikum kukuw kidel umi wasi ade adikum ibakamin kukuw so kukuw mafak mafak so uta tabe weina kamusu. Ade kaba yaknámin atan kal wanang kinim maek Kamok kukuw kidel mit tem tademumo kana bidiw leiw atiyamin uyo kudálokabaw?

1 Timoti 3:11

Alam leiw makuw be ki ilimi kadelal ikil wanang kidelok kala kale ade gimgimin weng bakamin banim kinim ade afetin wanang, mew ufek ufek bo ken kudew tabesu wanang imi kimakal ita kuw imtimin ko.

Taitas 2:3

Kale be alataw be ki kaba wanang fasel fasel iyo bakoyamawe, dakbudin keiyá bom nadiwo kala, ika afadow atam liwuda liwuda keimin bá, wok mafak uyo wananámin bá, kata ika kukuw kidel kuw ki kukuyá bom

1 Yon 3:8

Kan ata ban keimin kuw keim una namti, aka Mafakim kinim ami ka. Watawo kaleyo bá, Mafakim aka mit tabin kal ban keim tadanusa, kayo Got ami Min ayo misuna nada Mafakim ami wok uyo kuw mafak dádawse kala.