Yon 20:17 - Got weng abem: Alokso abino kalin

¹⁷ Kata Yesus weng bakomam, “namadew fakanin bá, watawo kaleyo bá, naka Natim atamin dakobi, kanamin dako namadá nadawo yak nam nikil itam bakoyam, ‘naka Natim finang unono, kanabi ade kim Kalaw so nam Got so kim Got so finang unokabi kala.’ ” Waka nade

Got Weng Abem

¹⁷ Kata Yesus weng bakomam, “namadew fakanin bá, watawo kaleyo bá, naka Natim atamin dakobi, kanamin dako namadá nadawo yak nam nikil itam bakoyam, ‘naka Natim finang unono, kanabi ade kim Kalaw so nam Got so kim Got so finang unokabi kala.’” Waka nade

Yon 20:17 ပူးပေါင်းရင်းမြစ်များ

Matiyu 12:50

Kan kawta nam Natim abid tikin kayak alam aket fukanba ki kudew tabeyábaw namti, kawta nam ning ade nam neng ade nam neniw ka.” Kalesa ko.

Matiyu 25:40

beta Kamok ayo weng kala bakoyamokaba. ‘Naka afan dam weng bakoyamon, mew nam nikil win banim be yaknámin ufek ufek mak dakoyamsaw namti, be nam kanonamsaw ka.’ Yakokaba ko.

Matiyu 28:7

“kiba wabading yak nadiwo alam weng kidimin kinim bakoyam, ‘aka fikalanin kudá talá tabe nadale asik gebom Galili abeba, kale yak kal atamokabiw.’ Kale kamano be nata bakoyami ka.” Yakane,

Mák 12:26

Kata atin afan kiba Mosus ami bámal as kain bada utam fikalanámin talá tabokabiw umi sung buk tem godusa uyo kilim kal. Kale Got aka Mosus bakodaw, ‘naka Ebadakkam ami Got ade Aisak ami Got ade Yekkow ami Got kala.’ Kalesa.

Mák 16:19

Kale Yesus ayo kanamin weng be bakoyamane, Got ta bom dew tam abid tikin dádane Got alami teng miskuno kal teinbe ko.

Luk 10:4

Kiba moni men so yán muleng so dew unemin bá ade leiw ei bom kinim wanang so sun weng bakayamin bá, alam unemin kuw ko.

Yon 13:1

Kale Akayam Unemin ban bomin atan uyo atin mewso keidune, Yesus ayo alam kal keidomo, aka bakan budák kudá Alaw mewso atamongin keidu ka. Kale nadane aka finang moda, alam kinim kan ita bakan tein bom aket kuyamsa iyo mewso nikil adik adik tein bom imin wanbuw ka. Kale nadane alam aket kuyam tadanusa uyo kuw misun dá kuyamono kanama.

Yon 13:3

Kale Yesus ayo alam kal, Alaw aka adikum kitidim kudawse, kayo ufek ufek uyo alami mit tem bu ade aka Got ami Min tasa ade asiki alo Alaw Got finang unokaba uyo alam kal kuw keisa.

Yon 14:2

Nam Natim abiw be am seng seng bu ko. Alo be banim nam, naka afan dam weng bakoyamomi ka. Naka nasik tam kim abin bán kidelyam unokabi.

Yon 14:28

Kiba kidi aliw, naka bako yakeisi. ‘Naka imadá unokabi ade naka asiki kim finang tadokabi.’ Kale kiba aket kunamokabiw, beta kiba nam tam Natim atamokabi uyo idak teinokabiw. Watawo kaleyo bá, Natim ayo amsunim ade naka alataw bá.

Yon 14:6

Yesus fakadu bakodaw, “nalata ki leiw, nalata ki tatun mit kayak ade nalata ki sinik so biyámin mit kayak. Kale kan ata kukum leiw tam Natim atamoma banim, kata nam dim ki, tam Natim atamokaba.

Yon 16:28

Kale naka Natim so kalo kudá bakan dim budák tasi ade bakan dim budak alo kudá asiki Natim finang uni.” Kalesa ko.

Yon 17:11

Ade kamane kam finang tadbi, naka bakan budák makso bongin nami bá, kata ika bakan bokabiw. Kale Natim kinim abem kaba, kalam win abem kitid kunamsaw dim kal, kál ged moyam badawo, ika atin nalaso kalawso nuka makuw taw ikil kanodin kala.

Yon 17:25

Kale Natim afan kanamin kinim kaba, bakan kayak ika kaba im kal keidongin banim, kata nata kaba nalam kal ade nam weng kidimin kinim iliso ilim kal keidomo, kawta tabe namadálaw tasi ka, kalbiw.

Yon 17:5

Kale Natim kaba, kamane kalam mit tem lamlam kin budusi so uyo kunamal, kala. Kale kamakikiw nalam kalawso bom abid so bakan so bu kidel kudongin dako budu lamlam kin budusi so kuduyamsi uta ko.

Yon 20:27

Yakei nadale Tomas bakodaw, “kam sikal uyo kudew tad nam teng nil gu kuti utam nadawe madan un gu malemam keidalo. Kaba atam nadaw aket báyo kalin bá, kata aket kunamalo.” Akane,

Yon 7:33

iyo Yesus bakoyam, “naka kiwso bo atan katiw mada kuw ale nadine imadá nalam namadála tasi atamine,

Udom 8:29

Got aka yakodin wanang kinim ita maek nalam man keidokabiw. Kale nadano yanol bakan bo kidel kusa ade aka aket bakel dau bidi nalam Min alataw keidokabiwo kalesa. Kale Yesus alata wanang kinim seng seng adikum imi fik dil ko.

2 Kodin 6:18

Ade naka kimi kalaw keidokabi, á kiwtane nami muduw keidokabiw.” Kalesa.

Galesia 3:26

Kale adikum kiba maek Got muduw keisidiw make, watawo kaleyo bá, kiba Yesus aket kudaw nadiw yak alam mit tem unsidiw kayo ka.

Ibidu 11:16

kata ika abid tikin ufek ufek kidel uta fukanin kuek dimam unsiw, kayo imi bako nadiw Got be nulum Goto kalanámsiw, be Got aka fatomso keidoma banim, watawo kaleyo bá, aka abid tikin abiw dukum kidelyaba kayo ko.

Ibidu 8:10

Kaleyo am dán tadokabu uyo alokso abino kalin uyo Isadael kayak so kanoyamokabi. Kale naka nam sawa abem ayo kudew yak gebom dáyam nadine atin kudew yak ilim aket tem kutiyamokabi. Kale nata kuw ilim Got ade ika nalam kinim kala. Ika Got makuw nalafin win kufánamokabiw.

1 Bita 1:3

Kaleyo nuka nulum Kamok Yesus Kadais ami Alaw Got ayo ken keiyo, ak bom naduwo kala. Kale be watawo kaleyo bá, aka num kinkino, yakin seng uyo kuyamase. Kale atin afan Got alam kanoyamokaba umi mimin dok diyámin be nulum alokso biyámin kukuw kuyamase kal kudubuw kala. Kaleyo alokso biyámin kukuw be nulumi, watawo kaleyo bá, alo Yesus Kadais ayo fikala dafose, kayo Got ami kanose beta atam naduwo kal keidomo nulum mimin dok diyámin uyo banimomu banim kala, kalum kala.

1 Yon 3:2

Nalam nakanum kasal kiba, kamane nuka Got man, kata num fasu matam naduw kukum keidokabuw, be num kal banim, kata nulum kal Yesus Kadais misunokaba kal alataw keidokabuw, kawákal aka kanodin kinimo, akokabuw.

Daw misun 21:3

Naka weng dukum mak abin abemo kal bakoda kidili ayo bako nada, “kamane Got ami abiw uyo kinim so keidu, kale aso iso makuw bokabiw. Ika ami kinim keidiwe, Got akal im Got keida kei bom bokabiw kate.” Nakeise.

Daw misun 21:7

Kan ata wasi anik anik auyamsa, ata kuw ufek ufek adikum bela kudula nade naka ami Got keidawine, akal nam man keidokaba ko.