Yon 17:26 - Got weng abem: Alokso abino kalin

²⁶ Naka kam misun tei kukuyamsi ade naka ulum kano kaba kam misun tei bom kukuya bidino, ika kal keidomo, kami nam aket kukanamin uyo im aket tem teina ade naka im aket tem teinon kala.” Akeisa ko.

Got Weng Abem

²⁶ Naka kam misun tei kukuyamsi ade naka ulum kano kaba kam misun tei bom kukuya bidino, ika kal keidomo, kami nam aket kukanamin uyo im aket tem teina ade naka im aket tem teinon kala.” Akeisa ko.

Yon 17:26 ပူးပေါင်းရင်းမြစ်များ

Yon 14:20

Kale belami am dánámin tadokaba kabadák, kiba kibilim kal keidomane, naka Natim ami kidin tem bi ade kibil nam kidin tem bidiw ade naka kim kidin tem bi ka, kalokabiw.

Yon 14:23

Yesus fakadu bakodaw, “kan ata aket kunama namti, aka nam kukumin uyo kidi abodokaba. Nam Natim ayo aket kudawa nade nuka tad atamuw aso makuw bokabuw.

Yon 15:15

Kale naka alo makso bakoyam kiba nalam wok fakudin kinim yakomi banim. Be watawo kaleyo bá, wok fakudin kinim ika ilim kamok ami kukuw kanaba uyo mak kal keidoliw banim. Kayo naka bakoyam, kiba nalam nakanum kasalo yakbi watawo kaleyo bá, alo naka Natim ami ufek ufek adikum kal keibi uyo kibil adik bakayam bidi kilim kal keibiw, kayo kala.

Yon 15:4

Kale kiba nam dim bidiw ade nakal kim dim bidi audum kala. Sok teng uyo mak ulum tatun takas yak kaek abe abumomu banim, kata uka ulum dam dim takubu uta kuw ken abumomu. Kale kiba nam dim takudongin banim namti, kiba gim so abumodiw banim.”

Yon 15:9

Natim aka aket kunamsa, kayo nakal kim aket kuyamsi. Kale kamane kiba nam aket kukáyamin tem bín kala.

Yon 17:23

Kale naka im aket tem bi nade kabal nam aket tem badaw. Kale nuka adikum gu makuw keiduwo, bakan kayak ika ilim kal keidomo, naka kawta namadálaw tasi ade nam kalfalyamin uyo kalam kalfalnabaw ulutaw ka. Kalin kala.

Yon 17:6

Kale naka kalam kinim wanang bakan kalo walunamsaw iyo kaba kukuyam kam misun teidi ika kal keidiw. Kale ika kalam kinim ade nalam walunamsadaw, ika kam weng kidisiw.

Yon 17:8

Kayo naka kam weng kunamsaw uyo ika bakoyami kudew fakusidiw, ika atin afan kal keidomo, naka kamiyo kal tasi ade im aket afan naka kawta namadálaw tasi kalebiw ko.

Yon 6:56

Kale kan ata nam dam so kaim so wanokaba, aka maek nam dim takudokaba ade naka yak am dim takudokabi.

Yon 8:50

Naka nalam win uta kufodono, kale kanabi bá. Kata kinim mak ata nam win kufánaba, kale ata kuw kukuw adikum taktakin kinim.

Udom 8:10

Kami dam bo ulum kano fikalesu ki bu, watawo kaleyo bá, dam uka ban keimin so kayo ka. Kata Kadais ayo yak kam kidin tem be kaí, kaba Sinik Abem ta bom kaunsin biyámin sinik kukamsa kala. Watawo kaleyo bá, Kadais ta bom Got kin dim kidel kei kamuse kayo ko.

1 Kodin 1:30

Kale be Got alata kanoyama nuka Yesus Kadais so dam makuw keiduwe, Kadais ata numi aket kidel fukanin keise. Kayo Kadais dim nuka Got kin dim ken keibuw ade ban keimin uyo kudá gulbal kinim kei naduwe Kadais dim kinim abem keisuduw kala.

1 Kodin 12:12

Nulum dam uka ulum atung atung seng, kata atung atung uyo adikum fá budu tad kuek kuek auduno matam dam makuw keibu. Kale be alataw, nuka adikum Kadais ami dam makuw atung atung ko.

Galesia 2:20

Kale Yesus as dawing dákamin dim fikalese be nalaso fikalesi. Kale kamane naka kaunsinbi bá. Kata Kadais ata nam aket tem teinbe. Naka nalam damso bi, kata naka nalam Got man ami afan akin dim teinbi. Ade aka aket daunam nadane alami uyo nam luk dudu fikale, kail bá takeikunamase.

Efesis 1:6

Kaleyo be nuka Got kalfalawumo! Watawo kaleyo bá, am min gelemin atin kidelok kuyaba. Kale min gelemin mak kaí, alam man babid makuw ayo kuyamase.

Efesis 3:17

kilim afan kalin dim Kadais aka kim aket tem kal naknek fakadálokaba. Kale naka Got dákadálawino, kiba aket kudawa kudawain dim Got wanang kinim gu makuw kei nadiwe

Efesis 5:30

watawo kaleyo bá, nuka Kadais alam dam takusuw kayo ko.

Efesis 5:32

Kale weng abem wánin ade bula ka, kale naka be Kadais so alam wanang kinim gu so imi guton beta bakayabi.

Kalose 1:27

Got aka alam weng wánin uyo kinim wanang bakoyamon kaloma uyo atin be kidelok kale, wánin weng be adikum kinim mit imi dakoyamono, kalin uta kale. Wánin weng uyo bako nadano, “Kadais kilim kidin tem be ata kilim mimin dok diyámin lamlamo,” kalesa.

Kalose 2:10

Kiba sun biyámin uyo atin kikiw wakadá kudubiw, kayo kiba Kadais so makuw keibiw. Kale aka adikum bakan dim sinik adikum kin modin kinim bidi adikum akayamsa.

Kalose 3:11

Be watawo kaleyo bá, Got aka numi kidel imuda alokso keibuw, kayo kamane Yu kayak tadiw Mifiw tadiw iwyak bewák be kukum so bá ade gulbal kinim bá keidiwe gulbal kinim keidiw imi iwyak bewák be kukum so bá, kata Kadais ata kuw atin miton ade ata ki kanodin kinim wanang makuw makuw imi kidin tem biyába kala.

2 Tesalonaikka 2:16

Kale nulum Kamok Yesus Kadais keidane, nulum Natim Got aket dauyamsa ayo alam min gelemin dim sun biyámin aket kitid so mimin kidel dok diyámin so uyo kuyamsiw. Kale nuka dákadáya buduwo,

Ibidu 2:12

Kale be watawo kaleyo bá, Got ami godin buk tem weng, be aka bakoyam nada, “Got kaba, kam sung uyo nalam nikil bakoyamokabi, be kinim wanang tada tada dák mak dakámokabiw, im kin dim kal naka kalfalukamokabi.” Akeisa.

1 Yon 3:24

Kale beta nulum kal keidomo kan ata Got ami weng sawa kidilaw be kaí, aka Got so be ade Got akal aso be kalin kala. Kaleyo beta atam nuka kal keidomo, nuka Got so buduw ka kalbuw. Kale be Got alam Sinik Abem dauyamsa alata afan weng bakayaba kayo ko.