Yon 17:22 - Got weng abem: Alokso abino kalin

²² Natim naka kalam win kufámin kunamsaw uyo nalam weng kidimin kinim kuyamsi, kayo ika nulum makuw keisuw taw ikil makuw keidin kala.

Got Weng Abem

²² Natim naka kalam win kufámin kunamsaw uyo nalam weng kidimin kinim kuyamsi, kayo ika nulum makuw keisuw taw ikil makuw keidin kala.

Yon 17:22 ပူးပေါင်းရင်းမြစ်များ

Mák 6:7

Kale Yesus ayo abiwe yak yak ká bom nadale weng kukuyam ká bom nadano kinim kilung kal bidi gán dáyama tad atamiwe, aka sinik mafak fotabamin kitid dauyam nadale kinim alewe imadála unbiw unbiw keimsa ko.

Luk 22:30

Kale kiba tam nalam kasák gu bom nadiwade nalam wanin wanin bán tein bom wok wane imin wane bom nadiwade abin abem abem tein fakadá nadiw Isadael kinim mit kilung kal be kiwta taktakokabiw kala.” Kalesa ko.

Yon 1:14

Kale Weng ayo madák kinim kei nada nulum iwyak tem alanámsa. Kale nuka am lamlam uyo utamsuduw ade lamlam bela Natim Got Min yánmák makuw ami lamlam. Kale aka afan bakanin so min gelemin so umi mit kayak ko.

Yon 1:16

Kale Yesus aka atin min gelemin kinim kayo ata ufek ufek kidel uyo sawil kuyam kuyam badano, kudu kudubuw kala.

Yon 14:20

Kale belami am dánámin tadokaba kabadák, kiba kibilim kal keidomane, naka Natim ami kidin tem bi ade kibil nam kidin tem bidiw ade naka kim kidin tem bi ka, kalokabiw.

Yon 17:24

Kale Natim kaba, nam aket kalam kinim walunamsaw iyo nalasino nalam teinbi kal alom nadiwade nalam lamlam uyo utamin kala. Kale nalam lamlam kunamsaw uyo watawo kaleyo bá, kaba suwayo mew ufek ufek teinu mánu uyo kidel kudongin banim, kal aket kunamsaw kayo.

Sinik Abem 5:41

ika kot keimin am bá kudá, kalfalin so kei matam abesiw. Watawo kaleyo bá, Yesus alam win uyo fatom banim alam win uyo kufádawsiw kayo ko.

Udom 8:30

Kale Got aka alam Min taw keidokabiwo, kale sung kidel dawtisa. Ade yak alam muduw taw keidino, yakeisa, iliso gán dáyamse. Kale yak wanang kinim gán dáyamse, ika iliso alam kin dim kidelok kei imuse. Ade yak alam kin dim kidelok kei imuse, iliso lamlam budá imuse kala.

2 Kodin 3:18

Kala kaleyo adikum nuka maek Kadais ami mit tem taduwe, numi kin atiyamsu uyo takan kei banimasu, kayo nuka Kamok ami lamlam uyo kudew tad nulumal dákabu. Nuka kinim kukum kei Kamok Yesus alataw keibuw. Kale nuka lamlam seng seng uyo kudá bom naduwe ulum kano kinim kukuw kei kei abebuw, be Kamok aka Sinik Abem ade alimiyo kal tadebu.

2 Kodin 5:20

Kale Got aka Kadais ami luk weng bakanino, kale nuka imadála tasuw. Be Got alata num dim kim munyamin kei be ka. Kaleyo nuka munya bom naduw maek Got so abino kalino! Kalbuw, be Kadais ami luk kanabuw ko.

2 Kodin 6:1

Nuka Got so makuw wok fakudin kinim kayo nuka munyamuwo, kiba min gelemin Got ami dim kudusidiw uyo kudálodiw banim keidin kala. Watawo kaleyo bá, kiba alo bo kudáliw kaí, be ituwa kudálokabiw kala.

Efesis 2:20

Kiba kibiliwso adikum imak imak Yol am makuw taw. Kale Yol am umi am kun kaltong kaltong kitid bidi weng dew kámin kinim so lum senin kinim so ita ka. Yol am umi midi betane Yesus Kadais ata.

Filibai 1:29

Got walu imuse, be Yesus afan akin kuw keimino kale nadano bá, kata Yesus ami luk kál funin so kudew tabino kale walu imuse kala.

Kalose 1:24

Kale kamane naka kimi dakoyamono kale ken kál funin be kudu kalfalomi ka. Watawo kaleyo bá, nam kál funin be Yesus alam bako nada, “naka kál funin kudu nadino Got ami wanang kinim gu adikum nalam dam iyo dakoyamon,” kalesa, umi kál funin uta naka adik adik wakadámi ko.

1 Yon 1:3

Kale aka nulum kin atam naduwe nuluta weng kidilaw ausuduw kayo kano bakoyamuwo, kibil kiliwso am sung uyo kidi nadiwe maek num Natim Got so Yesus Kadais so gu makuw kei buduw tadiwo nikil dák mak dádum kala.

1 Yon 3:24

Kale beta nulum kal keidomo kan ata Got ami weng sawa kidilaw be kaí, aka Got so be ade Got akal aso be kalin kala. Kaleyo beta atam nuka kal keidomo, nuka Got so buduw ka kalbuw. Kale be Got alam Sinik Abem dauyamsa alata afan weng bakayaba kayo ko.

1 Yon 4:17

Kale num kidin tem aket kudawa kudawain umi kidela kukáyamin umi mit uyo ki am afung am dána atud fadalokabuw uyo watawo kaleyo bá, num bakan dim biyámin uyo Yesus alataw keisuw kayo kala.

Daw misun 21:14

Kale abiw dukum wati umi abák uyo ki tum kilung kal. Kale makuw makuw umi dim be Siwsiw man alam weng dew kámin kinim kilung kal imi win godusiw ko.