Yon 14:20 - Got weng abem: Alokso abino kalin

²⁰ Kale belami am dánámin tadokaba kabadák, kiba kibilim kal keidomane, naka Natim ami kidin tem bi ade kibil nam kidin tem bidiw ade naka kim kidin tem bi ka, kalokabiw.

Got Weng Abem

²⁰ Kale belami am dánámin tadokaba kabadák, kiba kibilim kal keidomane, naka Natim ami kidin tem bi ade kibil nam kidin tem bidiw ade naka kim kidin tem bi ka, kalokabiw.

Yon 14:20 ပူးပေါင်းရင်းမြစ်များ

Yon 10:38

Kale naka kanamomi, kata kiba aket kunamodiw bá, kaleyo nam kukuw makik makik kanabi uta mak aket kumam nadiwo kal keidomo Natim aka nam tem be ade naka Natim ami tem bi ka, kalino.” Yakane,

Yon 14:10

“Kaba aket so mak afan kale naka Natim so bi ade Natim aka naso be kalongin banime? Nam weng bakakamámsi uyo nalam weng adik dáw bá. Kata Natim naso be, ata be alam wok faku bom bakamámsa ka.

Yon 14:11

Kiba nam weng bako Natim aka naso be ade naka Natim so bi kalbi uyo aket afan kalino, abu bá namti, kanodin kukuw makik makik kukum tasi uta utam nadiwo, au be afan kale aket kunamino.

Yon 16:23

Kale bemi am dánokaba, be kim yaknámin mak kudumo kaloliw uyo nam dákadálodiw banim, kata ulum nam win dim kibil yak Natim dákadálokabiw aka kuyamokaba.

Yon 16:26

Kale bemi am dánokaba, kiba nam win tudow dim dákadánamokabiw. Kale naka bako nata kim weng uyo Got bakadawokabi, kalbi bá.

Yon 17:11

Ade kamane kam finang tadbi, naka bakan budák makso bongin nami bá, kata ika bakan bokabiw. Kale Natim kinim abem kaba, kalam win abem kitid kunamsaw dim kal, kál ged moyam badawo, ika atin nalaso kalawso nuka makuw taw ikil kanodin kala.

Yon 17:26

Naka kam misun tei kukuyamsi ade naka ulum kano kaba kam misun tei bom kukuya bidino, ika kal keidomo, kami nam aket kukanamin uyo im aket tem teina ade naka im aket tem teinon kala.” Akeisa ko.

Yon 17:7

Kale kamane ika ilim kal keidomo, adikum ufek ufek nam kunamsaw uyo kamiyo kal tadebu ka, kalebiw.

Yon 6:56

Kale kan ata nam dam so kaim so wanokaba, aka maek nam dim takudokaba ade naka yak am dim takudokabi.

Udom 16:7

Nam sidiwano kalin uyo Anddanikus so Yunias nalam kinim anung nalaso sok gei tein buduw imi kuyami. Kale ika isik Kadais afan kalin kinim keidiwo, naka yanol afan kalesi. Kale weng dew kámin kinim ika kinim alew bidi atin kal kei bidi kinim abem, yakeisiw.

Udom 8:1

Kala kaleyo kamane kan ata Yesus Kadais so makuw keida kaí, Got aka weng fine so mak bakokamoma banim.

1 Kodin 1:30

Kale be Got alata kanoyama nuka Yesus Kadais so dam makuw keiduwe, Kadais ata numi aket kidel fukanin keise. Kayo Kadais dim nuka Got kin dim ken keibuw ade ban keimin uyo kudá gulbal kinim kei naduwe Kadais dim kinim abem keisuduw kala.

2 Kodin 12:2

Kale naka kinim mak Kadais makuw so kei be kinim ayo dew tam abid tikin kámsa sung be nalam kal. Bemi kanosa be kanoda bi itol mit kal banima. Kale be nam kal banim, wisin tem memak kanosane, bade misun memak kanosane, kata be Got ata kuw alam kal ko.

2 Kodin 13:5

Kale kilimi uyo liw bom nadiwo au, naka Yesus be atin afan kalesine báye kal bom nadiwe kilimi uyo taktak bom nadiwo kala. Kale be atamiw Kadais ayo kilim aket tem kal be kaí, be ken, kata atamiw Kadais ayo kim aket tem kal teinongin banim kaí, be mafak keibiw ko.

2 Kodin 5:17

Kinim kan ata Kadais so makuw keida kaí, aka atin alokso keida ade alam dil aket fukanin so dil kukuw so uyo atin adikum banimane, alam biyámin uyo atin alokso maek tasu,

2 Kodin 5:19

Kale Got aka Kadais so makuw kei nadane adikum bakan dim kinim wanang so abino kalba. Kale aka wanang kinim imi ban keidabiw, bo usono kal bom ding bakaba ba. Kale aka bumi abino kalin weng uyo num kuyamse kayo bakabuw.

Galesia 2:20

Kale Yesus as dawing dákamin dim fikalese be nalaso fikalesi. Kale kamane naka kaunsinbi bá. Kata Kadais ata nam aket tem teinbe. Naka nalam damso bi, kata naka nalam Got man ami afan akin dim teinbi. Ade aka aket daunam nadane alami uyo nam luk dudu fikale, kail bá takeikunamase.

Efesis 2:10

Got aka num kidel imkanin kinim ade aka kidel imuda Yesus Kadais so makuw kei kukuw kidel fakudin kala, kale nadano kayo kamakikiw aket fukan dá ulum kano kukuw kidel kuw fakudino, yakeisa.

Kalose 1:19

Kale be Got alam aket, ken nam Man ayo kano akal atin nalataw biyámoma be keno, kale nadane

Kalose 1:27

Got aka alam weng wánin uyo kinim wanang bakoyamon kaloma uyo atin be kidelok kale, wánin weng be adikum kinim mit imi dakoyamono, kalin uta kale. Wánin weng uyo bako nadano, “Kadais kilim kidin tem be ata kilim mimin dok diyámin lamlamo,” kalesa.

Kalose 2:9

Kadais bakan dim kinim keiyámsa be aka adikum Got kukuw so adikum Got ami aket fukanin so uyo alam aket tem teinuno, kayo aka atin Got alataw keiyámsa.

1 Yon 4:12

Kale be kinim so mak Got be atamsiw bá, kata nuka akanum ata aket kudawa kudawa keimuw namti, Got ayo num kidin tem kal be ade num aket kudawa kudawain uyo atin kidela kuyamokaba ko.