Yemis 2:17 - Got weng abem: Alokso abino kalin

¹⁷ Kale alataw be ki, kinim alam afan kalin uyo ulum wok kidel fakudongin banim namti, alam afan kalin be fikalesu.

Got Weng Abem

¹⁷ Kale alataw be ki, kinim alam afan kalin uyo ulum wok kidel fakudongin banim namti, alam afan kalin be fikalesu.

Yemis 2:17 ပူးပေါင်းရင်းမြစ်များ

1 Kodin 13:13

Kaleyo Sinik Abem ami min gelemin bo banimokabu kaí, yakanámin uta kano sun bokabu? Afan kalin so mimin dok diyámin so aket kudawa kudawain so bude kano sun bokabu, kata atin aket kudawa kudawain ata atin dukum madik alew imi akayam tam so ko.

1 Kodin 13:3

Naka nalam ufek ufek fakubi uyo win banim kukáya bom nadine sung kidel weng bakan kábidi umi guew dudu um kalaná mak nam dam uyo kuek as teidiw kain kidálokabu, kata naka ulum kano kinim wanang madik aket kuyamongin banim dakobi namti, naka kukuw kidel mak fakudongin dakosi ka.

Galesia 5:6

Kinim yak Yesus Kadais wol fewokaba namti, aka kál wakelin ban bosa ade bodongin banim, kata bo atin dukum bá ka. Afan yak aket daudawa daudawin sok dim afan kalin umi kanabu uta atin dukum ko.

1 Tesalonaikka 1:3

naduwo kawákal Got kin dim, nuka kilim Yesus afan kalin dudew tabamin so kilim Yesus aket kudaw nadiw wok kitid fakanin so Kamok Yesus mimin dok diyámin kitid so buta kim aket nuka fukanaluw ko.

1 Timoti 1:5

Kaleyo weng bakodi ami mit ayo ki kanodin kukuw uta dakokamuno, kakanum aket kudawa kudawin, atin aket kidel, fatom banim, atin afan kalin makuw uta ta bom aket kudawa kudawin uyo maek tadebu.

Yemis 2:14

Nalam nikil fikal kiba, wataw idak uta kinim mak aka bako, “naka afan kalesi kinimo,” kalokaba, kata alam kukuw kidel uta afan kanamongin banim kaí, be ken alam afan kalesino kalba be ken kail bá takeikudawomune?

Yemis 2:26

Kaleyo kinim dam uka sinik banimsu namti, bo fikalesu ade alo kinim alam afan kalin ukul wok kidel fakudongin banim namti, ukul uluso fikalesu ka.