Udom 9:32 - Got weng abem: Alokso abino kalin

³² Be watawo kaleyo bá, ika ilim kukuw uta kana bom Got kin dim ken keimokabuw kaí, kale kanamámsiw. Kale ika Got ata afan aket kudaw afano, akiwo masi, imkidelsa bá. Kale imi kanamsiw be kinim bingbing dá imadák kasanin tum dim kal imadák kasansa ka.

Got Weng Abem

³² Be watawo kaleyo bá, ika ilim kukuw uta kana bom Got kin dim ken keimokabuw kaí, kale kanamámsiw. Kale ika Got ata afan aket kudaw afano, akiwo masi, imkidelsa bá. Kale imi kanamsiw be kinim bingbing dá imadák kasanin tum dim kal imadák kasansa ka.

Udom 9:32 ပူးပေါင်းရင်းမြစ်များ

Matiyu 13:57

Kal bom nadiwe ika kus atam aket kudawoduw báyo, kalsiw. Kata Yesus aka bakoyam, “lum senin kinim alami abiw kasel so alam am makuw alin so ika win kufodawodiw banim.”

Luk 2:34

Kale Simiyon ayo im kinim dá nadale Madiya bakomam, “man ata Isadael kayak seng seng iyo kanoyama madik Got dabadá sakaba bidiwe alo madik ita atin maek Got mit tem tade bidiw keimokabiw. Kale aka Got alam dubat dubatin kukuw uyo kana badano wanang kinim seng seng iyo ami kukuw kanaba uyo, au afan akongin banim keidokabiw.

Luk 7:23

weng dew yak bakodawin kala. “Kan ata aket kudaw nada mimin dok diyamin uyo kudálin dako be namti, aka kalfalin abin teinokaba kala, akino.” Yakeisa ko.

Udom 10:3

Kale ika Got ami wanang kinim imadew maek alam kin dim kidel kei imkanba leiw uyo im kal banim. Kayo ilim leiw kukum uta kanamom naduwo Got kin dim ken keidokabuwo, kalanusiw. Kayo ika Got ami wanang kinim imadew maek alam kin dim ken keimin uyo au, kale yakik fakudongin dakosiw ko.

Udom 11:11

Kayo naka alo dákadáli, bemi atan kal Yu kayak iyo kutinsiw. Kale ilimi kutinsiw uyo atin im mafak dásune? Bá! Ika ban keim tabiwo kayo kail bá takeikuyamin uyo Mifiw kinim imi keisu. Kale belata kanoyamuno, Yu kayak ta bom Mifiw kinim iyo titiyamino, kale naduno abin kudusu.

Udom 4:16

Kale wanang kinim iyo afan kalin dim Got weng takadáyamsa uyo kuduyábiw. Beta kanoduno kayo weng takadáyamin uyo min gelemin keisu ade weng takadáyamsa bo min gelemin kaí, adikum Ebadakkam muduw iyo ken Got weng takadáyamsa uyo ken kuduloliw. Kale be yak alam muduw kan ata Mosus sawa akfak tem bidiw so yak kan ata Ebadakkam ami afan kalin taw dim bidiw iliso adikum numi natim ko.

1 Kodin 1:23

Kale numi Kadais anak as dawing dákamin dim dásiw sung bakabuw be kanoyama ta bom Yu kayak ika yak bemi dim difakalin bidiw ade Mifiw itane be weng mit banimo kal bidiw keibiw.

1 Bita 2:6

Kale Got godin weng uyo bako, “naka tum kidelok babid makuw walu abin abak amgu Sayon tikin kal dawtidi ade kan ata aket kudaw afan kala kaí, aka atin aket idum mak keidoma banim.” Kalesu.

1 Bita 2:8

Ade alo yak Got godin weng mak utane bakoyam, “tum belata wanang kinim iyo umi dim di diki bom gidin si imadák kámodokabano, yakbu ko.” Kale im di diki bom gidinbiw, be watawo kaleyo bá, ika Got sung kidel uyo afan kalongin danim, kayo kale be Got alata be kanodino, yakba kayo ko.