Udom 4:17 - Got weng abem: Alokso abino kalin

¹⁷ Kale Got godin weng uyo Ebadakkam bakodaw, “naka kanokami adikum wanang kinim teinu mánu im alaw keikamono kanami.” Akeisa. Kale atin afan Got amiyo be Ebadakkam ata numi natim. Kale be Got ata fikalenámin uyo sinik kutadu mamsa Got ade aka ufek ufek kanodomu banim uyo kanomama kanodokabu ko.

Got Weng Abem

¹⁷ Kale Got godin weng uyo Ebadakkam bakodaw, “naka kanokami adikum wanang kinim teinu mánu im alaw keikamono kanami.” Akeisa. Kale atin afan Got amiyo be Ebadakkam ata numi natim. Kale be Got ata fikalenámin uyo sinik kutadu mamsa Got ade aka ufek ufek kanodomu banim uyo kanomama kanodokabu ko.

Udom 4:17 ပူးပေါင်းရင်းမြစ်များ

Matiyu 3:9

ude kiba aket fukan dá bako nadiwade, ‘Ebadakkam be nulum awadiko’ kalin bá. Watawo kaleyo bá, kiba Ebadakkam am kukuw taw fakudongin banim, kayo kiba am maduw bá ka. Got aka ken Ebadakkam man low takudawon kaloma uyo aka ken tum seng seng bula kumadela matam Ebadakkam muduw keidoliw kala.

Yon 5:21

Kale Natim ayo fikalenámin uyo tá imu nada kaunsin sinik dauyamse. Kale ami aket kanamsa kaí, Min asik Alaw aket ki kudu nada asik yak kan ata alam aket kudawa be ayo kaunsin sinik kukádaba kala.

Yon 5:25

Kale naka atin afan bakayabi, am dánámin uyo mewso keibu ade kamane kal keidu, kale fikalinámin iyo Got ami Min weng kidilokabiw ade kan ita kidilokabiw ika kaunsin sinik kudu bokabiw.

Yon 6:63

Sinik Abem ata biyámin uyo kukáyaba, kata dam uta sinik kuyamomu banim. Kale weng kukuyabi uta ki sinik ade biyámin ka.

Sinik Abem 15:18

Kale be suwayo kal wanang kinim ika kal keisiw.’ Kalesa.

Udom 3:29

Got be Yu kayak ita kuw imi Got tei? Bá be! Got be Mifiw iliso im Got ka!

Udom 4:18

Kale Ebadakkam aka man atin ken mak daudoma banim keisa. Kata aka ulum kano mimin dok Got didaw, naka man so keidokabi kaleyámsa. Ade aka Got afan kalesa, kayo aka anang bakan adikum wanang kinim teiniw imi Alaw ade Got godin weng uyo bako, “kami low uyo matam wok ningning taw keidokabuno.” Kalesu.

Udom 4:2

Ebadakkam aka alam wok kidel fakuyámin uta mak kanoduwo Got kin dim ken keisa kaí, aka be ken mit so nata kayo kaloma, kata watawo kale aka Got kin dim mak nata kayo kalongin dakosa?

Udom 8:11

Kale Got Yesus fikala tá dafose Sinik ayo kam kidin tem be kaí, kam dam fikalesu uyo sinik kutad umamokaba. Got alata Yesus fikala tá dafose kayo, aka alam Sinik kalam kidin tem be tuw kaunsin biyámin uyo kudew tad kilim dam dauyamokaba.

Udom 9:11

Kata man awang bidi imudongin dako álomo, Got ayo Udubeka bakomam, “kamakikiw kilá bokaba, ata yanol kilá bokaba ami wok fakudokaba.” Wakeisa. Kale belami bakosa, be kinim mát alow iyo kukuw kidelo, kukuw mafako mak kanodongin dako áliwo, Got aka kinim mát alow iyo imudongin dako álomo kanam bakosa, be Got alam aket fukanin, au, kanodokabu kalesa uta abo nadane kinim be walu dausa. Kale be kinim alam kukuw kanosa uta abo kanodawsa bá.

Udom 9:26

Ade “Kamane Isadael kayak iyo kale bakoyamsa. ‘Kiba nam kinim bá,’ kata yanol kiba bakoyam, ‘Got sun biyámin muduw.’ Yakokabiw.” Kalesa.

1 Kodin 1:28

Ade Got aka bakan dim wanang kinim im aket bu iwkuk báyo kalbiw uyo uta walu bá kuw, ade yak bakan dim wanang kinim imi kus utam bo mit banimo kalbiw uta walu, au nadano umi tuw yak wanang kinim imi aket fukanin bo iwkuko kalbiw uyo kuw mafak dádane,

1 Kodin 15:45

Got godin weng uyo bakosu. “Kamakikiw kinim Addam ata biyámin kinim keiyámsa,” kata adik adik Addam ata matam sinik kukáyamin kinim keise.

1 Timoti 6:13

Got mew ufek ufek adikum umi sinik mit kayak so Kadais Yesus Bantias Bailet alew im kin dim kadák kin walamin weng kidel bakose so im kin dim kadákal naka kitid weng bakakabi.

Ibidu 11:12

Kale Ebadakkam aka atin fasela kimi kalono kanaba, kata aka kinim makuw mada alam dim kal kanamin low iyo matam abid tikin milum taw ade wok ningning taw ding bakodolaw banim keisu.

Ibidu 11:3

Kale nulum afan kalin dim kal keidomo abid so bakan so ufek ufek adikum uyo Got weng kuw bakoda matam tasu kala. Kaleyo Got ayo ufek ufek utamoduw danim uluta ki kidel kudá matam ufek ufek utamábuw keisu ko.

Ibidu 11:7

Kale Nowa aka alam afan kalin dim Got ami kanodokabino, akeisa bo aka kidela mit kal keidongin banim, kata aka afan kale nada siw gineda alam muduw alimal so alami so alam kadel so iyo Got kail bá takeikuyamsa. Kale Nowa alam afan kalin dim aka kuku nada bakan dim wanang kinim ika mafak keibiwo, kalesa ade Nowa aka alam afan kalin uta kanodawuno Got ayo aket kalfalin kudaw keno, akeisa.

1 Bita 2:10

Kamakikiw kiba Got ami kinim keiyámsiw bá, kata kamane kiba Got alam kinim keibiw ka. Kamakikiw kiba Got am aket budunin bo kim kal banim keiyámsiw, kata kamane kiba Got aket budunin uyo kudabiw kala.

2 Bita 3:8

Nalam nikil fikal kiba, weng mak bela aket lukuwyamámin bá, Kamok ami utaba ayo ki itol 1000 be am makuw dánámin ulutaw ade am makuw am dánámin be 1000 itol ulutaw kala.