Udom 10:9 - Got weng abem: Alokso abino kalin

⁹ Kale kaba kalam bon tem tuw bako nadaw, “Yesus be Kamok.” Ade alo kaba kalam aket tem uyo bako nadaw, afan Yesus be fikala, Got tá dafose be, kalaw kaí, kaba kail bá takeikukamokaba.

Got Weng Abem

⁹ Kale kaba kalam bon tem tuw bako nadaw, “Yesus be Kamok.” Ade alo kaba kalam aket tem uyo bako nadaw, afan Yesus be fikala, Got tá dafose be, kalaw kaí, kaba kail bá takeikukamokaba.

Udom 10:9 ပူးပေါင်းရင်းမြစ်များ

Luk 12:8

“Kale naka atin dam weng bakoyamon kala, kan kinim kawta nam win uyo wanang kinim kin dim fatom banim bakayamokabaw kaí, Got ami Kinim alaso akal Got ensel kin dim kadákal kam win be fatom banim bakoyamokaba.

Yon 9:22

Kale am aulal ika Yu kayak itam fingán bom nadiwo kayo kanamin weng bakansiw. Beyo ki kinim kan ata bako nada Yesus be Got Walusa Kinim kala namti, aka dabadáliw tam kawed am so unoma banimo, kale bidiwo kayo ko.

Sinik Abem 16:31

ika bakodaw, “kaba Kamok Yesus aket kudawokabaw, beta kalawso kalam muduw so kimi ban keimin uyo kail bá takeikuyamokaba ka.” Akei nadiwade

Sinik Abem 2:24

Kata Got aka dabadála fomongin banim tá dafo nadane atin Got dabadála dák kuin bid unemin umi kitid uyo kail bá takeikudaw min talá dause. Be watawo kaleyo bá, kuin bid uka ken kitid sono masi Yesus dew fakudomu banim.

Sinik Abem 2:32

Kayo Got aka Yesus be tá dafoda ami dam uyo kudála fomongin banim keidune, adikum nuka mew kanabu bo kin walabuw.

Sinik Abem 8:36

Alew leiw tadom nadiwade tad wok kumun mak utam nadiwe Itiyobiya kinim ayo Filiw bakodaw, “kalak fen bula wok ka! Kadákal wok ban bonamalo, alo utakun uta leiw atinama bune?” Aka nade

Udom 10:10

Kala kaleyo nuka nulum aket tem afan kaluw ade nuka Got kin dim ken keiyámaluw. Ade nuka nulum bon tem tuw bako, Yesus be nulum Kamok kaluw ade aka kail bá takeikuyamse kala.

Udom 14:11

Kale Got godin weng uyo bako, “Kamok ayo bako atin afan naka Motibid, kale wanang kinim adikum nam mit tem katun fakeládokabiw, ika bako, ‘kaba Got,’ nakokabiw.” Kalesa.

Udom 14:9

Beta kaleyo Kadais fikale nadane alo talá tabe kaunase, be aka beta kano nadino matam fikalanin so kaunsin bidiw so im Kamok keidono, kale kanose.

Udom 4:24

Weng kale godusa be num dinang so kale godusa. Kale Got aka nuluso keno, yakokaba, be watawo kaleyo bá, alo nuka afan kalbuw make. Nuka nulum Kamok Yesus fikala tá dause, Got ayo afan akbuw.

Udom 8:34

Kan ata mak Got ami wanang kinim bakoyam, kiba ban keimin sono yakodiwe? Bá be, kinim banim! Alo kinim banim Yesus Kadais alata num luk fikalese. Kata fikalanin ulufin be wakbak ken keidoma banim kala. Kale nadano alo tá dafose ade aka tam Got teng iwkuko Kamok abin dukum kudu tein bom aka num dakáyamako, kale Got dákadálawába.

1 Kodin 12:3

Kaleyo naka bakoyamon, kinim mak Got Sinik tabe dakodawa weng bakanba, aka Yesus be gán abumoma banim ade kinim mak Got Sinik ta bom adilawongin banim, aka ken Yesus be Kamoko, akoma banim ko.

Filibai 2:11

Ade adikum bidi kinim wanang im kin dim kadákal weng fok bako nadiwe, “Yesus Kadais be afan Kamokim dukum kala.” Kal bidiwe, beta tabe win dukum uyo Natim Got kudawokabiw.

1 Bita 1:21

Kale am win dim Got afan, akbiw be Got alata fikala dafo bá kuw win dukum kudaw audano, kayo kiba Got be afan kale nadiwe alam weng takadá kanoyamokabi, yakeisa uyo mimin dok di bidiw kala.

1 Yon 4:15

Kale kan ata aka bako Yesus aka Got Mino, kalba namti, kinim be Got am kidin tem be, kale aso Got kidin tem be ko.

2 Yon 1:7

Kale weng faltimin kinim iyo yak abe maek abe anang bakan adikum wakadáliw. Kale kinim bidi, ika bako nadiw Yesus be tad kinim nulutaw keise báyo, kalanaliw. Kale kanodin kinim bidi weng faltimin kinim ade ika ibako Kadais kae kalin ita ka.