Udom 1:20 - Got weng abem: Alokso abino kalin

²⁰ Kale suwayo kamakikiw Got ayo ufek ufek adikum teinu mánu kidel kusa, kinim ami sung tatun uyo kidela utaman kudew tad kadák di nadiwe ika fukan dádomo Motabid be kitid kayakim ade aka aket kidel fukanin kinim akeisiw, kayo ika leiw sono masi, Got atitimin weng mak bakodawodiw banim.

Got Weng Abem

²⁰ Kale suwayo kamakikiw Got ayo ufek ufek adikum teinu mánu kidel kusa, kinim ami sung tatun uyo kidela utaman kudew tad kadák di nadiwe ika fukan dádomo Motabid be kitid kayakim ade aka aket kidel fukanin kinim akeisiw, kayo ika leiw sono masi, Got atitimin weng mak bakodawodiw banim.

Udom 1:20 ပူးပေါင်းရင်းမြစ်များ

Matiyu 5:45

Kaba abid tikin Kalaw Got ami man kamudokaba kala, kaleyo Got alata mew atan be wanang kinim mafak so kidel so yakoyamába ade weiw uyo wanang kinim mafak so kidel so adikum numino kale kukayam unba ko.

Mák 10:6

Kata Got kamakikiw mit mit bisa kal ‘Got ayo yakis so kimak so kidel imusa.

Yon 1:18

Kale kinim so mak Got atamongin banim, kata Min makuw ata kuw Got atam nadane Alaw teng miskuno kal biyába ade ata Alaw Got ayo daw kaím teiyamase.

Yon 15:22

Naka madák bakan nadi weng bakoyamongin danim nam, ika ilim ban keimin fatom so keidoliw banim. Kata naka tasi kayo bakayami, kamane im ban keimin fatom so kei bom yak falti maek falti keibiw, kata dam keidoma banim.

Sinik Abem 17:29

Kaleyo nuka Got am muduw kayo, nuka aket tet bom tum mang so tong so tum gol so tuw Got ami kit uyo kidel kudumo kalin bá.

Sinik Abem 22:1

“Aul fikal kiba, nam ban mak keidongin banim umi sung uta bakoyamono kali uyo kidinamin!”

Udom 1:19

Be watawo kaleyo bá, wanang kinim iyo ken ami sung adikum ilim kal keidiwe, Got ayo atin kudew yak ilim aket tem kutiya bada kidela kal keibiw.

Udom 2:1

Kam aket fukanin, naka ken kinim madik imi kukuw uyo ken taktak imudomino, kalbaw namti, kaba mafak keibaw. Kale be watawo kaleyo bá, alo kaba kalawso ban keimin kinim ade Got kin dim mafaksaw kala. Kaleyo kaba kinim taktakaw kaí, kaba weng fine bo kudew yak kalami so dibadaw, kayo kaba Got ayo watawo akokabaw.

Udom 2:15

Kale sawa abem ilim aket tem be ata bakoyam yaknámin uta kidel ade yaknámin uta mafak yak bom sawa abem bakabu taw kanabiw. Kayo ika kukuw bo kana bidiwo ilim aket fukanin uluta taktakya bom, bo ken kanabiw bo mafak kanabiw, yakanalu.

1 Kodin 1:20

Kaleyo nuka bakan dim kadák umi kinim aket fukanin kidel imi weng uyo kidiyamoduw banim ade kal keimin seng kudusiw imi weng uyo kidiyamoduw banim ade kan kiwta ufek ufek umi mit dakfimábiw imi weng uyo kidiyamoduw banim, watawo kaleyo bá, Got akal kukuyam bakan dim kalak umi aket fukanin kidel bo mit banimo, yakeisa kayo make.

Kalose 1:15

Wanang kinim Got be atin atamodiw banim, kata ika Got alam Man ata kuw atam nadiwo alam dim kal, au Got be kanodin tawo, kaloliw ko. Suwayo Got adikum abid ufek ufek so bakan ufek ufek so kidel kudongin danim kawák be alam Man abin be atin dukum tam so adikum sák ufek ufek Got alam ufek ufek kidel kusa imi abin uyo akayamsa.

Kalose 2:9

Kadais bakan dim kinim keiyámsa be aka adikum Got kukuw so adikum Got ami aket fukanin so uyo alam aket tem teinuno, kayo aka atin Got alataw keiyámsa.

1 Timoti 1:17

Kale nalam Got Kamokim sun biyámin Got Motabid, bos men kiwámin kaba, Got makuw kawta ki, kale nuka sun kuw win kufáka bom kam lamlam so kano sun kuw bokabuw. Kale afan ko.

1 Timoti 6:16

Kale alafin ata kuw Motabid Got ade aka atan eidin dukum kinim yak mewso unodiw banim taw kal biyába ade aka kinim so mak atamsiw bá ade kinim so mak atamodiw banim. Kale Got alafin ata kuw win dukum. Kale kaba win dukum kufádábadaw ade ami kitid ayo ulum kanom sun kuw bu kala. Kale afan ko.

Ibidu 11:27

Kale Mosus ayo alam afan kalin dim Isiw kamok atud fingánongin banim Isiw kudá unsa. Kata aka aket bakel dau dumade Isiw tadon kalesa bá. Kale aka Got atin kin tuw atamoduw banim ayo mewso atamongin taw ki kei nadano kayo kanamsa kala.

Ibidu 9:14

Kale ika bo afan kanamámsiw, kata atin Yesus Kadais ami kaim tuw im kidelba bu utamum. Aka Sinik Abem sun biyámin dim alami uyo Got wane ilkádawin kidelok kei Got wane ilulawase. Aka num kanodin wok mit banim faku bom maek Got kin dim ken keidokabuwo, kalin uyo kukan keiyam nada alam kaim tuw num aket tetin uyo kidel kuyama, nuka ken Got Motabid wok fakudawokabuw kala.