Taitas 2:11 - Got weng abem: Alokso abino kalin

¹¹ Kaleyo Got alam min gelemin uyo wanang kinim adikum kuyamase kale uta ta bom wanang kinim watakoyamokabu.

Got Weng Abem

¹¹ Kaleyo Got alam min gelemin uyo wanang kinim adikum kuyamase kale uta ta bom wanang kinim watakoyamokabu.

Taitas 2:11 ပူးပေါင်းရင်းမြစ်များ

Matiyu 28:19

Kaleyo kiba bakane yak yak ká bom nadiwo mew bakan kuw tabodu wanang kinim bo nam weng kidimin kinim keiyam ká bom nadiwe Natim Got win dim, Man Yesus win dim, Sinik Abem win dim wok ban boyamin kala.

Mák 16:15

Kale Yesus ayo bakoyam nadale, “kiba mew bakan adikum kuw tabodu bo yak yak ká bom nadiwo sung kidel uyo wanang kinim bakayam ká bidiw,

Luk 24:47

Kale Yedusalem kalo as bakadá kung kutamo bakan adikum kuw tabodu uyo ban keimin ibik dumamámin weng so ban keimin lukuwá kudámin weng so uyo bakanin kala.

Luk 3:6

Adikum mew kinim teinu mánu iyo Got ami Watakayamin ayo atamokabiw.’ ”

Yon 1:14

Kale Weng ayo madák kinim kei nada nulum iwyak tem alanámsa. Kale nuka am lamlam uyo utamsuduw ade lamlam bela Natim Got Min yánmák makuw ami lamlam. Kale aka afan bakanin so min gelemin so umi mit kayak ko.

Yon 1:9

Kale Yesus ata Lánin tatun madák bakan tad kinim eidyamano bidiw ko.

Sinik Abem 11:23

Aka tad wanang so kinim so iyo itamomane, Got alam min gelemin uyo kudubiw ka. Kale nadanade aka kalfalin dukum kuw kudu nadano wanang kinim iyo aket wis sánya bom bakoyam, “kiba kim aket uyo adikum atin afan kale Kamok kudaw yak alami mewso ki biyámino.” Kale Bánabas weng yakeisa.

Sinik Abem 13:43

Yanol kinim wanang ika kawed am kudá tam abe uniwe, Yu kayak seng keidiwe, Mifiw kinim seng Yu Kayak kukuw kudusiw keidiw iyo iliso Faul so Bánabas so leiw ei bom nadiwe alew ika im kitid sánin weng bakoyam, “kiba ulum kano Got aket kudaw bidiwano.” Yakansiw.

Sinik Abem 13:47

Kale bela Kamok alata bakoyam, ‘naka kiba kanoyami Mifiw kinim imi yakom lánin keiyamino, kim dim anang bakan kuw tabodu wanang kinim adikum imi ban keimin uyo kail bá takeikuyamokabi.’ Yakeisa.” Yakane,

Sinik Abem 17:30

Suwayo kinim ika Got kukuw mak kal keidongin banim, kawák ayo Got aka im ban keimin mak abodongin banim keiyámsa. Kata kamano adikum bakan kayak iyo bakoyam, ‘kukuw mafak uyo ibik dumam kudálino.’ Yakba.

Sinik Abem 20:24

Kata naka nalam teinámin umi luk so kalbi bá, kata nam aket dukum ayo ki nalam wok kunam yak kanamalo nakeisa, ki atin adik wakadalono, kalbi. Kale naka Kamok Yesus wok kunam yak wanang kinim sung kidel Got ami min gelemin sung bakayamalo nakeisa, ki adik wakadá banima kudono kalbi.

Udom 10:18

Kata naka dákadáli, wanang kinim iyo sung kidel so kidibiwe? Au, be Got godin weng bakosa taw kidisidiw. “Kale im weng uyo yak adikum bakan kuw tabodu uyo adik wakadása. Kale weng bo sák bakan bom yak aba maek aba ausu.” Kalesu.

Udom 5:15

Got ami min gelemin ayo Addam ami ban keimin umi yán taw bá. Kinim makuw ami ban keimin laban be ki ta bom wanang kinim seng taluyama fikalanusiw. Kata Got ami min gelemin kidel kuyamse uta atin ban keimin akamam atin tam so dukum. Kale wanang kinim seng ika Got ami min gelemin sun biyámin kukáyaba, be kinim makuw Got alata Yesus Kadais min dauyamse ami dim kukáyaba ko.

Udom 5:2

Kale Kadais ata nuka imadew maek kanodin abin kidelok uyo dáda nulum afan kalin dim Got ami min gelemin tem bom idak teinabuduw ade aket idak mak teinabuduw, be watawo kaleyo bá, nuka alo Got ami lamlam tem teinokabuw umi mimin dok dibuduw kayo ko.

2 Kodin 6:1

Nuka Got so makuw wok fakudin kinim kayo nuka munyamuwo, kiba min gelemin Got ami dim kudusidiw uyo kudálodiw banim keidin kala. Watawo kaleyo bá, kiba alo bo kudáliw kaí, be ituwa kudálokabiw kala.

Galesia 2:21

Kale naka Got ami min gelemin dukum dim kanose, be naka kubino kudálomi banim. Kano Got aka aket bakel dau nadano sawa abem kidiyámin ki abo kinim be bakodaw, kaba keno, akoma namti, Kadais aka besok fikaleseno, kalongino ka.

Efesis 2:5

Kale num sinik fikaleyámsu, be watawo kaleyo bá, nulum kukuw mafak Got kanadabuw kayo ko. Kata Got aka nuka Kadais so alokso sinik dauyamase, kayo nuka Got alam min gelemin dim kail bá takeikuyamse.

Efesis 2:8

Kaleyo kiba Got alam min gelemin dim, Kadais Yesus afan kaliw, kail bá takeikuyamse, be kiba wataw mak kanodiwo, aka umi dim kanoyamse bá. Kale be Got aka alam min gelemin kayo be kanose kala.

Kalose 1:23

Kale kiba sung kidel uyo ulum kano afan kalebidiw namti, kidela tod ngadik, kale am midi lakan sidi kalin taw keidin kala. Kale kiba ufek ufek uyo mak kudáliw tad imkamodu, am abin abak uyo kudá kutina nadiw mimin dok sung kidel diyamin kudusidiw uyo kudálodiw banim keidin kala. Sung kidel bela kiba kidisiw ade nami sung kidel bakanyabi, be ki adikum Got ami wanang kinim anang bakan teiniw ikal kidibiw ka.

Kalose 1:6

Kale kiba kibiliwso kamakikiw sung kidel kidi nadiwe kukuw kidel kuw kana bom nadiw Got ami min gelemin uyo kal kei atin afan be kalesidiw ulutaw ki kinim iyo sung kidel uyo anang bakan kuw tabodu abiw seng seng kinim wanang seng seng iyo afan kal bom nadiwe kidel kuw kanabiw ka.

2 Tesalonaikka 2:16

Kale nulum Kamok Yesus Kadais keidane, nulum Natim Got aket dauyamsa ayo alam min gelemin dim sun biyámin aket kitid so mimin kidel dok diyámin so uyo kuyamsiw. Kale nuka dákadáya buduwo,

1 Timoti 1:14

Kale numi Kamok ami min gelemin seng kunamse be aket afan kalin so aket kudawa kudawin so be adikum Kadais Yesus so aket makuw keiyámin kinim numi ka.

1 Timoti 2:4

Kale aka mew adikum kinim wanang bidi kail bá takeikuyamine, ikil weng tatun uyo kal kei afan kalino, yakba.

2 Timoti 1:10

Ade kamano Yesus alam num kail bá takeikuyamse uyo tadune, Got alam min gelemin uyo matam tadu utamasuduw. Ade aka fikalanin umi kitid uyo anik anik aumamse ade am sung kidel dim sun kuw biyámin uyo kuw misun teiyaba kala.

2 Timoti 4:17

Kata Kamok ata kuw nam kayak kei nadale alam kitid uyo kunamano, kayo naka adikum sung kidel uyo adikum Mifiw wanang kinim iliso ken bakoyami kidisiw ade naka iniman atud layon ami kail tem uyo Kamok ta bom kail bá takeikunamsa.

Ibidu 12:15

Kale bela kidela ata bom nadiwo kala kinim so mak Got ami min dakáyamin uyo ibik wakámamin bá. Kale kiba aket kuok kuok bom kumak madik bakayamin taw kei bom yak madik iyo aket mafak seng kukáyamin bá.

Ibidu 2:9

Yesus aka ensel imi abin akfak tem wakudawa láw teinale ause, kata kamane nuka ami lamlam uyo kudula wanang kinim iyo alam win kufádaw bidiw atamanbuw kala. Kale be watawo kaleyo bá, aka Got am min gelemin dim numi luk dudu, aka kál funin kudu fikalese kayo ko.