Matiyu 6:10 - Got weng abem: Alokso abino kalin

¹⁰ kami kasák gu uyo taduk ade kami abid tikin kinim kanamino yak badaw kanabiw taw nukul bakan kadák kanamumo, kalbuw.

Got Weng Abem

¹⁰ kami kasák gu uyo taduk ade kami abid tikin kinim kanamino yak badaw kanabiw taw nukul bakan kadák kanamumo, kalbuw.

Matiyu 6:10 ပူးပေါင်းရင်းမြစ်များ

Matiyu 12:50

Kan kawta nam Natim abid tikin kayak alam aket fukanba ki kudew tabeyábaw namti, kawta nam ning ade nam neng ade nam neniw ka.” Kalesa ko.

Matiyu 16:28

Kale naka atin afan dam weng bakoyamon kala, madik kamano tod bidiw kiba fikalongin dako alom nadiwo Got ami Kinim alam kasák gu so madák aba atamokabiw kala.” Yakeisa ko.

Matiyu 26:42

alo fakidaw yak nadale Got wis sánla bom kalana ko. “Nalam Natim kaba, nam aket idum uyo ken kukan keidolaw bá namti, kaba kano kudálaw kalam aket kanoduko kalbaw uyo kanoduk kala.” Kale nadale

Matiyu 3:2

nadale bakoda, “kiba ban keimin uyo ibik dumamin kala. Watawo kaleyo bá, Got ami kasák gu uyo mewso tadbu kala.” Kalansa.

Matiyu 4:17

Kale Yesus ayo tad Galili abe nadale kal aka mit kei weng bakayamsa uyo bako nada, “ban keimin uyo kudálino Got ami kasák gu uyo mewso keibuno.” Yakansa ko.

Matiyu 7:21

“Kale kinim adikum bakonam nadiw ‘Kamokim, Kamokim’ nakbiw, ika adikum yak Got ami kasák gu unokabiw bá, kata kinim wanang yak kan ita Natim abid tikin kayak ami weng ki kidilawábiw, ita kuw yak kasák gu unokabiw ko.

Mák 11:10

Nulumi awadik Dewit ami kasák gu mit kinim tadba, Got daw kinim dása ade Got abid tikin kayak Amsun am win kufodawino!” Akan ei bidiw

Mák 3:35

Kale yak kan kawta Got alam aket fukanin ki dudew tabesaw namti, kiwta nam neiniw kasal ade nam wanangal ade nam nikil ka.” Kalesa ko.

Luk 19:11

Kale ika weng bakaba be kidi bom aliwe, aka weng bakaba atung ki dák weng fakom mak fit dafo bakamsa. Kale aka kamano uyo ki tad bi tad Yedusalem abiw mewso bom nadano kanaba kale, ika im aket bo Got ami kasák gu bo mewsone tad misunongin keimune kal bidiwo kale.

Luk 19:38

“mew Got win tudow dim Kamok tadokaba, be ken kalfalawsa abid tikino aket balut so win dukum kufámin so uyo Got alamino.” Kalsiw.

Luk 22:42

“Natim kaba afano kalolaw bude nam kanodin kaim ket bo kukan keinamalo, kanodin bo nam san bá, Natim kalam san.”

Yon 4:34

Yesus ayo bakoyam, “nam wanin uyo ki Got namadála tasi ami aket mok fidin ade ami wok adikum adik faká tei kilálono kalin uta ko.”

Yon 6:40

Kale nalam Natim aket fukanin ayo ki, kan ita nalam Min atam aket kudawiwe, naka sun biyámin kuyam nadine am afung am dánámin kal adikum ifodono, kal ba ko.” Kalesa.

Yon 7:17

Kata kan kinim ata Got weng abodon kala, aka umi mit uyo kidela kal kei nadano nam kukubi be Got amiyo bade nalam weng adik dáw bakanbine, kalak kala.

Sinik Abem 13:22

yanol Got tabe Saul dawkan keida banima dau nadane Dewit ata ami abin kudaw nadane Got ayo Dewit guton alam wanang kinim bakoyam, ‘Yesi am man Dewit am kukuw be nalam kal keisi ade kanodin kinim be nalam aket kudawsi kayo aka nam kanodalo, akokabi uyo aka ken abo dudew tabokaba ko.’ Kalesa.

Sinik Abem 21:14

Kale nuka atamomo num weng uyo wakbak am aket takodawu kudáloma banim keida ka. Kale nuka dabadá naduwe bakodaw, “be Kamok alam aket bu kanoduk kaloma be ken kanoduko.” Kale dabadáluwe,

Sinik Abem 22:14

aka bako, ‘nulum awadik kasal imi Got ata walukamudino alam aket fukanin kanamalo, kakba uyo kal keibaw kuw, Got alam kinim kidelok ayo atam nadawe alam bon tem weng uyo kidilalo. Kakei nadano ko.

Udom 12:2

Kale kiba bakan dim wanang kinim im kukuw kanamáliw uta aboyámin bá, kata Got ata au akiwo, aka yak kim dil aket fukanin uyo kukan keiyam aket fal maek kusikiyamano, alokso aket fukanin leiw uyo kudulin kala. Kale kanoyamano, beta kal kei au, beta atin kukuw kidel ade au, ufek ufek bo kanodongino ade yaknámin uta Got kalfalin kudawokabuw, kale nadiwo beta aket bakel dau yak Got alam kanamino, kalba uyo kanamokabiw ko.

Efesis 6:6

Kin modin kafimo bada aka afan kanamin kinimo, nakako kaleyo kuw kung kekin bá. Kata kaba Kadais ami wok fakudin kinim kale adik kalam aket kuw Got am aket atin aket kumam bo kanamalo, kakba ki kanamin ko.

Kalose 1:13

Aka num Mafakim ami midilin kitid akfak tem biyámin uyo imkan kei watakoyam imadew maek alam Min yánmák aket kudawsa, alam kasák gu imtise

Kalose 1:9

Bemi mit uta nuka sun kuw kim luk Got gánlawbuw ko. Nuka kamakikiw kal kim sung ayo kidibuwe, nuka mit kei ulum kano Got gánlaw bom buduw ko. Nuka Got gánlawuwo, Sinik Abem ata adiyama aket kidel fukanin so kal keimin so uyo adik wakadá kal kei nadiwo Got am aket kimi kanamino, yakba uyo atin dakat kal keidokabiw kala.

1 Tesalonaikka 4:3

Got am aket kanodino, yakba, be kiba sakadinin kukuw uyo atin yak mewso unemin bá, abem keidino, yakba.

1 Tesalonaikka 5:18

adikum ufek ufek kanam matam kilimal tadebu uyo kiba Got ken keiyo, ak bom nadiwo kala. Kale be Got alam aket Yesus Kadais so bidiw kiba kanamino, yakba.

Ibidu 1:14

Kala kaleyo ensel bidi yaknodin itane? Ika sinik ade Got alam wok fakudawin ita ka. Kale Got aka ensel imadála madák wanang kinim kan ita Got ta bom ilim ban keimin watakoyamse, ita kuw dakáyabiw ka.

Ibidu 10:36

Kale kiba kidela dakbu beta ken Got alam kanamino, yakba uyo kidel kuw faku nadiw kilálokabiw, beta adikum ufek ufek alam weng boyamsa uyo kudulokabiw kala.

Ibidu 10:7

Kale naka bako, ‘Got kadák fenal! Naka tad kalam kanodalo.’ Nakbaw uyo kanodono kanami. Kale naka nalami uyo wanang kinim imi ban keimin luk dudu fikalono kali. Kale buk tem be nalam guton bakosu kayo, ‘Got kaba, kalakabi ka. Naka kalam aket kanoyo nakbaw uyo kanodokabi.’ ” Akeisa.

Ibidu 13:21

uyo ken dakoyama fasko alam kanamino, yakba uyo adikum ufek ufek kidel kuw Yesus alam win dim dudew tabe bidiwo kala. Kale Yesus Kadais ayo win sun kuw sun kuw kufádawum kala, kale be afan ko.

1 Bita 2:15

Kaleyo Got am aket ayo yak kim kukuw kidel faku bidiw, uta ta bom wanang kinim kidela kal keidongin dako bom weng mafak bakayabiw, imi bon tem uyo atiyamak kala.

1 Bita 4:2

Kayo kamane alam tein be so yanol tein unokaba so uyo alam bakan dim kana bom biyámin uyo Got ami kanamalo, akba ki kidi umi akfak tem bom nadane alam dam kuw kidelnamuko kalin aket fukanin bo kudálak kala.

Daw misun 11:15

Ensel fet ami fudong ket fudong kale kei badane, abid tikin kaw tam kalo weng amsun seng mak gán dá bakoda, “adikum bakan uyo Kamokim Got so Yesus so im bakan adik dáw keidu, kale aka ulum kanom sun kuw muk diyam bokaba ko.” Kale kei badane

Daw misun 12:10

Beta weng dukum mak abid tikin kal gánba ka, kale kidili ayo bako nada, “kamane Got kim kail bá takeikuyamámin so Got ami kitid so ami kasák gu so Kamokim Kadais ami kitid so uyo tadbu, kale be watawo kaleyo bá, yak Mafakim numi nikil fikal im weng falak teiyam bom nada midiliw so táw so Got kin dim kal ika weng falak teiyamsa kinim ayo dabinodiw madák tase.

Daw misun 19:6

Kale beta naka kinim gu seng seng imi weng bakanin taw be kidilomo wok fon budunin taw ade kimun budunin taw keida kidisi. Kale imi gánin dukum be bako, “Got win kufodawum! Nulum Kamokim Got kitid soim, ken kin moyámin Got!

Daw misun 20:4

Naka abin abem abem be kalomo kinim tein fakadábiw ka. Kalesi be Got ayo kinim taktakino, kale kitid dauyamsa. Kale naka itamomane, kinim im gebom uyo wakel dáyamsiw ka. Kalesi uyo watawo kaleyo bá, ika Yesus sung bakan kámin kinim ade Got weng afano kalin uta ta bom kanoyamsiw ko. Ika sew iniman so kit so win kufámongin banim, ika am fut dabal dim so teng dim so uyo kudulongin banim. Kayo ika talá tabe nadiwade Kadais so alaso kin modin kinim keibi itol 1000 kal kesiw.