Matiyu 5:24 - Got weng abem: Alokso abino kalin

²⁴ kaba Got fet dawkádawin uyo bán mewso kabadák kadis kuti kudá nadawe beta tad kalam duw kus katamase ayo atamaw alew weng kidela dau nadawe alo beta tad ufek ufek uyo Got fet dawkádawin ko.

Got Weng Abem

²⁴ kaba Got fet dawkádawin uyo bán mewso kabadák kadis kuti kudá nadawe beta tad kalam duw kus katamase ayo atamaw alew weng kidela dau nadawe alo beta tad ufek ufek uyo Got fet dawkádawin ko.

Matiyu 5:24 ပူးပေါင်းရင်းမြစ်များ

Matiyu 23:23

Kol sawa kukumin kinim so Fedasi so fong awang kiba um tadáliw ka! Kiba kilim binál imin adikum fakamábiw so ang katiw kufimábiw so uyo gu nangal kal mak kuti nadiwe gu mak uyo Got kudawábiw. Bude ken kanamodiw, kata kiba sawa abem umi ufek ufek iwkuk uyo kanamongin dakoyabiw. Kale ufek ufek iwkuk ade belata ka, kikik kanamin so aket budunin so afan kanamin so uta kanamongin dakosiw.

Matiyu 5:23

Kaleyo kaba ufek ufek mak kudew tad Got fet dawkádawin bán tein nadawe Got fet daudawano kalom nadaw aket finang dádomane, kam duw mak kus natamase ka, kalaw namti,

Mák 9:50

Yol bude kidel kata yol ulumi abál uyo banimon kalokabu uyo yakno yakno kei kudawo matam asiki yol kei abálokabune? Kiba yol abál taw kei nadiwade kiná, sudoná kal bom weng abál fidá bom nadiwo kala, kalesu.” Yakeisa ko.

1 Kodin 11:28

kaleyo kinim mak wanomi buyo kala kaí, kamakikiw alam aket kaok usik taktak ku kidelu nadayo budet so wain wok so uyo kudu wanak kala.

1 Timoti 2:8

Kale nam aket kanamino, kalbi uyo ki mew kinim adikum bakan teiniw ika keng keng bom ade wengal fukan bom suksukin bá, kata ika kinim abem kale teng dafo akol falut kale suksukin kuw keimin kala.

Yemis 5:16

Kaleyo kilim ban keimin uyo akanum dim kumusun teida teida bom ade akanum ami luk Got wis sánla bada wis sánla bada kei bom nadiwo beta matam kasáyámin kala. Kale kinim kidel tatun kinim ami Got wis sánlawin be atin kitid dukum so kayo kinim asanin uyo banimámokaba.