Matiyu 5:17 - Got weng abem: Alokso abino kalin

¹⁷ Kiba kim aket naka tad Mosus weng Sawa so Lum senin kinim imi weng so uta kukan keiyamono, kaleyo taseno kalin bá! Nakade tadiyo imi weng buta afan matam dam weng keiduko, kaleyo tasi.

Got Weng Abem

¹⁷ Kiba kim aket naka tad Mosus weng Sawa so Lum senin kinim imi weng so uta kukan keiyamono, kaleyo taseno kalin bá! Nakade tadiyo imi weng buta afan matam dam weng keiduko, kaleyo tasi.

Matiyu 5:17 ပူးပေါင်းရင်းမြစ်များ

Matiyu 3:15

Yesus weng atung fakadu bakodaw, “kamane bo kanodumo! Nuka kanodokabuw namti, Got alam aket kukuw kidel adikum kanoduko, kalba uyo matam dam abudokabu ka.” Kalane, afan Yon ayo alam weng bakoda ki abo kanodawsa.

Matiyu 7:12

Kaleyo kaba kalam ufek ufek uyo yak madik ita tad kidelna bom kanamamino kalbaw taw, kabal yak im ufek ufek uyo kidelya bom kanayamamal kala. Kale bela Mosus Sawa so Lum senin kinim imi kukumin so imi weng mit ade belata ka.”

Luk 16:17

Kata mew bakan so abid so bude mada kasen kei kalo maklo keidomu, kata atin sawa abem utane mew but katiw mak siltinomu banim ko.

Yon 8:5

Kale Mosus weng sawa uyo bakoyam nada, ‘kanamin wanang uyo tum tuw faum si angkudiw fikaluko,’ kalesa. Kale kaba watawo kalokabáwe?” Akeisiw.

Sinik Abem 18:13

“Kinim bela num sawa mak bakodongin banim sák alam kukuw leiw wanang kinim kukuya bom beta kana bom Got suksukino, yakan kába.” Kaliwade,

Sinik Abem 21:28

bakodiw. “Isadael kinim kiba, dakoyamino! Kinim belata tabe bom nadano yak abe maek abe kinim wanang iyo kukuyam ká bom nadane num sawa mit so num kinim so ade num Yol am bulaso uyo kuw mafak dákanyam tabesa. Kale kamane aka Gadík kinim iyo imadew tad Yol am katam uyo kuw gulak dákanba.” Kalsiw.

Sinik Abem 6:13

Ika kinim madik imadew tad dádiwe, ita ibako kin wala suduw kaí, kale bako, “mew kinim bela sun kuw Yol am abem so Got ami weng Sawa so uyo weng mafak bakayamába.

Udom 10:4

Kale Kadais ta bom sawa abem aboyámin adik wakadá banimu kudáse. Kayo kan ata aket kudawa kaí, aka ken Got kin dim ken keidokaba ka.

Udom 3:31

Kale nuka nulum Yesus afan kaluw Got kin dim ken keibuw umi leiw uta sawa abem uyo kuw mafak dákanbune? Bá be! Afan kalin uta kanoyamuno, sawa abem umi atin kanamalo, kalbu dam uyo kal keibuw make.

Udom 8:4

Kaleyo ami kanoyama, alam kin dim kidelok keisuduw. Kamane nuka nulum ban keimin aket mafak fukanin abobuduw bá. Kata nuka Sinik Abem kukuw abobuduw, be Got sawa abem adikum kanamino, kalesa uta aboyámin keisuduw.