Matiyu 11:11 - Got weng abem: Alokso abino kalin

¹¹ Naka atin dam weng bakoyamon, mew wanang man fukanábiw, be mak matam Yon taw so mak keisa bá, kata yak kan kinim ata abid tikin kasák gu kal win banim kei be namti, ata amsun kei Yon akadawsa ko.

Got Weng Abem

¹¹ Naka atin dam weng bakoyamon, mew wanang man fukanábiw, be mak matam Yon taw so mak keisa bá, kata yak kan kinim ata abid tikin kasák gu kal win banim kei be namti, ata amsun kei Yon akadawsa ko.

Matiyu 11:11 ပူးပေါင်းရင်းမြစ်များ

Matiyu 11:10

Kale lum senin kinim ika ami sung uta buk tem weng bako nadiwe, “naka weng dew kámin kinim mak dabadáli asik kam gebom tadokaba, ata ta bom nadale geboma bom kam leiw kidelokabano.’ Kalesu ko.

Matiyu 11:12

Kale Yon wok ban bomin kinim ami wok fokuyámsa atan kalo kudew tad kamano di be Got kasák gu uyo matam fasu kitiduno, kayo kinim wanang iyo ilim kitid kuw tabe kuw mafak dádumo kanamusiw kala.

Matiyu 3:1

Kale kanamsiw kabadák ayo Yon wok ban boyámin kinim ayo Yuddia bakan kalo yak anang iwán sed gisa bakan kal weng dawkáyam ká bom

Matiyu 3:11

Kiba ban keimin ibik dukámabiw, kayo naka wok ban kuw boyamokabi. Kata kinim mak nam yán tem tadokaba aka nataw bá, aka kinim abem kitid soim, kale naka fák am as fakiw dádawomi banim. Ata Got Sinik Abem so imkukumin mámin so kudew tad kiwa imudokaba ko.

Matiyu 5:19

Kale kan kinim ata sawa katiw mak lukel dau nada kinim madik kukuyam bada ikal ulutaw kun kuw keim unokabiw aka abid tikin bakan kabadák ayo win so keidoma banim. Kata kan kinim ata Sawa dew faku bom wanang kinim kukuyam bada Sawa ulum bakabu yán ki abodokabiw kinim kukuyamsa, aka abid tikin bakan kabadák ayo win tabin keidokaba ko.

Luk 1:15

Kale aka Got ami kin dim kinim dukum keidokaba, kayo aka wain wok so wananokaba bá ade wok mafak madik so wananokaba bá. Kale be watawo kaleyo bá, aka kama akun mat tem kal álano Sinik Abem asik am aket tem weinlawokaba kayo ko.

Luk 7:28

Kale naka atin dam weng bakoyamon, mew wanang wanang man fukanábiw, be Yon ataw so mak be bá, kata yak kan ata Got ami kasák gu kinim win banim kei be namti, ata amsun kei Yon akadawsa ko.”

Luk 9:48

beta Yesus ayo bakoyam, “kan kawta nam win tudow dim man katiw bela kinkino, kale daw tam am dádokabaw, nalaso nam tam am dádokabaw. Ade kan kawta namadew tam am dádokabaw, namadála tasi so daw tam am dádokabaw. Kale kan kawta kinim tem kadákal win banima badaw kaí, kaba winso keidokabaw. Kalesa ko.

Yon 1:15

Yon aka Yesus kin wala nadale am sung bakan bom gán dá bakoyam, “ ‘nam yán tem tadokaba kinim aka nataw bá, aka amsun, watawo kaleyo bá, aka alam kanom sun Motabid biyámin kinimo,’ kalesi, kinim ade be ka.” Kalesa.

Yon 1:27

kale aka nam yán tem tadokaba. Kata aka kinim abem kayo naka ken am as fakiw dákádawomi banim, watawo kaleyo bá, naka mada win banim kinim.” Yakeisa ko.

Yon 10:41

wanang kinim seng seng ika tad atam nadiwe ika bakodiw, “Yon aka kukuw makik makik mak kidelongin danim, kata Yon am Yesus sung adikum bakayamsa be afan be.” Kalesiw.

Yon 3:30

Yesus ata tam amsun keida, nata madák katiw keidokabi.

Yon 5:35

Kale Yon aka yakom kaifodin taw kei nada lánin kuyama. Kiba ami lánámin aket kumam kalfalbiw.

Yon 7:39

Kale belami weng mit bakosa uyo ki kinim kan ata aket afan kalin im Got Sinik Abem kudokabiw uta bakosa, kamakikiw alo Yesus ayo win dukum kudula Got Sinik Abem ayo madák tadongin dako badano kale.

1 Kodin 15:9

Adikum weng dew kámin kinim im iwyak tem kawák mada naka win so katiw keisi ade naka atin kidelo masi kinim wanang ika mak bakonam weng dew kámin kinimo nakine, watawo kaleyo bá, Got wanang kinim iyo nalata im mafak dákansi kayo ko.

1 Kodin 6:4

Kiba kanodin weng fakam mak fakudiw namti, bo ken kano yak Yesus afan kalin wanang kinim win banim, kata ken waluliw ata taktakoma ka.

Efesis 2:3

Adikum nuka itaw kei naduw atin mafak keiyámsuw. Nuka ulum kano kinim nulum aket wananyamin umi leiw kal bomo kanamámsuw. Kale nuka nulum aket umi kanodumo, kal budu uta kuw kidimam naduw kanamsuw. Nuka kinim adikum itaw keiyámsuw ade nuka ban keiduwo, kayo Got aka aket keng keidawa sok gei imudongin taw keiyámsa.

Efesis 3:8

Naka adikum Got ami wanang kinim imi win banim, kata nata atin akayam dák so win banim, kata Got alam min gelemin dim namadála, sung kidel uyo Kadais atin kidelok kinim nuta afet daudoluw banim ami sung bela dew Mifiw bakanyamalo, nakei nadane

2 Timoti 1:10

Ade kamano Yesus alam num kail bá takeikuyamse uyo tadune, Got alam min gelemin uyo matam tadu utamasuduw. Ade aka fikalanin umi kitid uyo anik anik aumamse ade am sung kidel dim sun kuw biyámin uyo kuw misun teiyaba kala.

Ibidu 11:40

Kale be watawo kaleyo bá, Got ami aket tet dau ilifin atin kidel keidoliwo, kale nadano kayo bada bi nulum dim kal iliso nuluso atin kidel kei imuse kala. Kale be Got ami namino kalese be atin aket tetin kidel ko.

1 Bita 1:10

Kale suwayo lum senin kinim ika Got min gelemin dim kail bá takeikuyamokaba umi sung uyo bakayamsiw ade ika umi mit uyo leiw seng seng fen bom nadiwe utam kal keimsiw.