Luk 7:6 - Got weng abem: Alokso abino kalin

⁶ Yesus ayo alaso dew uniw ko. Kale Yesus ayo yak Udom un tabudin gebom ami am mewso una nade un tabudin gebom ayo afadow kasel imbakadala, ika weng dew yak Yesus leiw eidaw nadiwade bakodaw, “Kamokim kaba, kam aket mafak dekuyamin bá ka. Nuka kam tam am dádokabuw, kata sák kung am tem mafak bo im fatom dákanodaw kala.

Got Weng Abem

⁶ Yesus ayo alaso dew uniw ko. Kale Yesus ayo yak Udom un tabudin gebom ami am mewso una nade un tabudin gebom ayo afadow kasel imbakadala, ika weng dew yak Yesus leiw eidaw nadiwade bakodaw, “Kamokim kaba, kam aket mafak dekuyamin bá ka. Nuka kam tam am dádokabuw, kata sák kung am tem mafak bo im fatom dákanodaw kala.

Luk 7:6 ပူးပေါင်းရင်းမြစ်များ

Matiyu 20:28

Kale be ulutaw kale Got ami Kinim aka tadino, wanang kinim ita nam wok fakunamino, kale tase bá. Kale be ata wanang kinim madik imi wok fakudono, kale tase. Kale aka wanang kinim imi guew dudu fikalono, kale tase ko.”

Matiyu 3:11

Kiba ban keimin ibik dukámabiw, kayo naka wok ban kuw boyamokabi. Kata kinim mak nam yán tem tadokaba aka nataw bá, aka kinim abem kitid soim, kale naka fák am as fakiw dádawomi banim. Ata Got Sinik Abem so imkukumin mámin so kudew tad kiwa imudokaba ko.

Mák 5:24

Beta Yesus ayo alew makuw uniwe kanomin wanang kinim iyo iliso makuw baki falfal dawo iw dádiw abemiw.

Luk 5:8

Kale Saimon Bita ayo kanodin kukuw bo utam nadale Yesus katun mewso kal kutin dák abe nadale kala bude, “Kamokim kaba, kuin namadá yak kaek abal, naka ban keimin kinim kala.” Akeisa!

Luk 7:4

Kale ika tad Yesus atam nadiwade dok didaw munlaw bom nadiwade kaliw ko. “Kinim be kinim kidel babid makuw

Luk 7:5

ata ta bom num bakan aket kumam nadale num kawed am uyo gineyamse kayo ko.” Akiwe,

Luk 7:7

Kaleyo buta aket finang dádomane, kuin naka kinim kidelok keidu nalata yak katamongin banim. Kale kaba kadákal tod alom nadawo weng ki bako kudálaw tam unuyo nam wok fakunamin kinim ayo matam kasáya as kudulak kala.

Luk 8:49

Kale Yesus ayo kano tod bom weng bakaya bom keim álano kinim mak Yaidas kawed am kin modin ami am kalo tad nadale kala ka. “Kam mun uyo atin mam tamenu kuti kudá kalan tadi. Kale Kukumin kinim ayo mimin lukelawin bá, kudálaw unumo.” Akane,

Sinik Abem 10:38

Yon aka Yesus Nasadet kayak wok ban bodaw sadano Got Sinik Abem so kitid so uyo kudála madák Yesus dim abesu. Kale Yesus kukuw kidel faku bom bakan adikum yak abe maek abe ká bom nadane kinim wanang Mafakim kitid akfak tem unsiw iyo im kidel bom keimsa. Watawo kaleyo bá, Got aka alaso badano kayo ko.

Yemis 4:10

dakbu kilimi uyo falifali Got akfak tem uniwo, Got ata fada ifodak kala.

Yemis 4:6

Kale nuka mada balut kayo nukul ken aket wananyamin dukum uyo ken kitid tabe akamamoduw banim, kata Got ami min gelemin kukáyaba, be atin kitid dukum ka. Kale Got godin weng uyo bako, “Got aka yak kinim alam win kufámin be bid daw tam mo nadane min gelemin uyo yak dakbu teinámin kinim alam mit tem unemin ita kukáyaba.”