Luk 6:20 - Got weng abem: Alokso abino kalin

²⁰ Kale alam weng kidimin kinim kin tudun salyam alom nadale bakoyam, “kaba win banim namti, kawta ken kei badaw ka. Watawo kaleyo bá, Got ami kasák gu uyo kami kayo ko.

Got Weng Abem

²⁰ Kale alam weng kidimin kinim kin tudun salyam alom nadale bakoyam, “kaba win banim namti, kawta ken kei badaw ka. Watawo kaleyo bá, Got ami kasák gu uyo kami kayo ko.

Luk 6:20 ပူးပေါင်းရင်းမြစ်များ

Matiyu 11:5

kin mat kin bádaba, makal fakanuk gam kidel dauda matam ken tod ká bidiw, wol bán gam kidel imuda kenan bidiw, ken awat awat iyo kilung báyama kidi bidiw, fikalesiw iyo talá imkan bom kei bom nadale Got sung kidel uyo win banim kukaya bom keibano.” Akei nadiwe

Matiyu 25:34

Kale Kamok ayo alam miskuno tod bidiw kinim bakoyam, ‘kala tadino, kiba nam Natim tabe im kinim dása. Kale kiba ami kasák gu be kilimi ka. Suwami bakan kidel kudongin banim kal kilimino, kale kidel kuyamsa. Kale tad kudulino.

Matiyu 5:1

Kale bude Yesus ayo kanomin wanang kinim seng seng iyo itam nadanade una ki un bi tam kot dim nadale beta dák teinane, alam weng kidimin kinim iyo tad atamiwe,

Luk 12:32

Mew nalam nikil gebomeng kalebiw kiba, fingánin bá, watawo kaleyo bá, kilim Kalaw Got akal alami kasák gu uyo kuyamono, kale kalfalba bo.

Luk 13:28

Yak abe bom nadiwe kaek fen Ebadakkam, Aisak, Yekkow keidiwe, adikum lum senin kinim keidiw iyo Got ami kasák gu kal, kal finubidiw ka, kale itam nadiwe kiba aman bom kilim kail gang tek sánokabiw.

Luk 14:15

Kale kinim mak wanin wanin bán dim tein be, aka weng be kidi nadale aka Yesus bakodaw, “kuin beso kuwe, yak kan ata gán dádawa yak Got ami kasák gu una wanin wanokabiw, kinim be atin idak teinokaba be!” Kala nade

Luk 16:25

Kata Ebadakkam ayo weng atung fakadu bakodaw nadale, ‘nalam man kaba finang dádal, kam bakan kabadák alanámsa uyo kawta ufek ufek kidel uta kudu kami keidawe, wáw yak ufek ufek mafak buta Lasadas ami keida keimsiw namti, Lasadas aka tad abin kidel kál finu tein be ka, kawtane kál funin abin mafak tein badaw.

Luk 4:18

“Kale Got Kamokim ami Sinik ayo tad namal kiwa namuba ka. Watawo kaleyo bá, aka tad nam kiwa namu badayo sung kidel uyo kudew tabe win banim bakayamon kala. Kale namadála tasi naka tad nadile yak kan ata sok gei tabesa weng dawkáda bom nadile kál idum kudusiw iyo im fong daká bom,

Sinik Abem 14:22

Yesus afan kalin aket kuw kitid dakáya bom nadiwade kitid weng bakoyam, “kiba Yesus afan kalin uyo kitid fakadá bom nadiwo kala nuka Got ami kasák gu uyo kál funin seng uta kudu naduwo umi tem kal tam unum kala.” Yakei nadiwe

2 Kodin 6:10

Nuka aket mafak mafak auyamába, kata nuka atin kalfalábuw. Nuka win banim keiyábuw, kata nuka wanang kinim kanoyamuw afan kalin kitid seng kuduyábiw. Nuka ufek ufek banim, kata Got ami ufek ufek uta seng fakubuduw ko.

2 Kodin 8:2

Maseddoniya afan kalin ika idum dukum kuw imkukubu, kata ika ulum kano kalfal bom nadiwe ufek ufek banim, kata ika isom kei ufek ufek uyo seng kuw gelesiw.

2 Kodin 8:9

Kale kiba Kamok Yesus Kadais ami min gelemin bo kilim kal, Kadais aka win so kinim kata, kimi luk uta aka mada win banim taw keise. Kadais ami madák win banim taw keise umi mit ayo kanodino kiwta matam win so keidino kale nadano kanose ko.

1 Tesalonaikka 1:6

Kale kiba num kukuw so Kamok ami kukuw so ki abo bom nadiwade num sung kidel dauyamuw kidisidiw uyo Sinik Abem ata adiyama kalfal bom ulum kano kál funin seng kudew tabesiw.

2 Tesalonaikka 1:5

Kale kim kanayamábiw, bo kuku Got aka ufek ufek kidel kuw kanamin kinim kalbu. Kale aka kilim kál funin umi tuw im kidel imudano, kiba ken yak alam kasák gu unumo, kale faskodokabiw ka.

Yemis 1:12

Kalfalin kinim be, adikum idum idum matam dawkukumin dawkasan bada aka alam afan kalin dim kitid tabokaba be ken abin teinokaba ka. Kale be watawo kaleyo bá, aka ken alam dawkukumin uyo kitid tabe akamamokaba, aka umi yán kudokaba uyo Got alam aket kukádabiw kinim imi sun biyámin kuyamokabi, kale weng takadáyamsa uta kudokaba ko.

Yemis 2:5

Kale nalam nikil fikal kiba, kidilin! Bakan dim win tabin wanang kinim, ika wanang kinim win banim iyo itamiw sák mada win banim keibidiw. Kata Got aka win banim bidi walu imu ika ilim kano afan kalin seng kuw kei nadiwe nalami kasák gu tadino, yakba kala. Kale kasák gu be Got alata bako, kan ata aket daunamiw imino, kale weng takadáyamsa.

Daw misun 2:9

naka kim idum bo nalam kal ade kiba win banim kinim, kata nam aket kiba atin kisol kayakim ade nalam kal kinim madik bako nadiw, ‘nuka Yu kayak kae,’ kalbiw. Kata ika Yu kayak bá, ita tabe weng mafak mafak bakaya bom kanayamábiw. Ika Mafakim ami kinim ita ko.