Luk 11:2 - Got weng abem: Alokso abino kalin

² Yesus aka bakoyam, “Got weng bakadawum kaliw namti kalanodiw ko. ‘Natim Got, kam win abem bo ulum kano abem keibu ki ade kam kasák gu uyo falan taduk.

Got Weng Abem

² Yesus aka bakoyam, “Got weng bakadawum kaliw namti kalanodiw ko. ‘Natim Got, kam win abem bo ulum kano abem keibu ki ade kam kasák gu uyo falan taduk.

Luk 11:2 ပူးပေါင်းရင်းမြစ်များ

Matiyu 10:32

Kan kinim ata nam win uyo wanang kinim kin dim fatom banim bakanokaba, nakal ami win uyo abid tikin katam Natim kin dim kadákal fatom banim bakodawokabi ko.

Matiyu 3:2

nadale bakoda, “kiba ban keimin uyo ibik dumamin kala. Watawo kaleyo bá, Got ami kasák gu uyo mewso tadbu kala.” Kalansa.

Matiyu 5:16

Kale be alataw, kale kami lánin uyo wanang kinim yakoyam badawo, ikil kam kukuw kidel kanabaw uyo utam nadiwade ikil kami Kalaw abid tikin be am win uyo kufádawokabiw kala.

Luk 11:1

Am mak dánane Yesus ayo yak bakan mak kal Got so weng bakan si banimune, alam weng kidimin kinim mak aka Yesus bakodaw, “Kamokim Yesus kaba, Got weng bakadawin kukuw uyo kukuyamalo! Yon ami kano alam weng kidimin kinim kukuyamsa taw, nukul kano kukuyamalo!” Akiwe,

Udom 1:7

Kale sauk kon bela adikum Udom teinbidiw, Got alam aket kuyam nadane wanang kinim abem keidino, yakei gán dáyamse kimino, kale kuyami. Kale naka Got dákadálawino, kiba nulum Natim Got so Yesus Kadais so imi min gelemin so abino kalin so uyo kuyamin kala, kale kanabi ko.

Udom 8:15

Num Sinik dabadusuduw be alo kanoyama yak fingánin sinik akfak tem unsuduw bá. Kata num Sinik dabudusuduw be kanoyama Got man keiyámin Sinik dabudusuduw kayo ami dim nuka Got bakodaw, “nulum Natoko,” akanaluw.

1 Kodin 1:3

Nulum Natim Got so Kamok Yesus Kadais so imi min gelemin so aket dakbudyámin so uyo dauyamin kala.

2 Kodin 1:2

Natim Got so Kamok Yesus Kadais so imi min gelemin so aket dakbuyamin so uyo dauyamin kala.

Galesia 1:4

Naka weng kal keiyamono, kali ayo ki nulum Kamok Yesus Kadais aka au, kale nada, naka im ban keimin idum kudu fikale nadino imi yak bakan dim umi kukuw mafak mafak kitid akfak tem bidiw iyo min talá imadálono, kale kanose kala. Watawo kaleyo bá, nulum Natim Got asik aket tet dau nada bo kanodokabuno, kalesa.

Efesis 1:2

Natim Got so Kamok Yesus Kadais so imi min gelemin so aket dakbuyámin so uyo kuyamin kala.

Filibai 1:2

Naka nulum Natim Got so Kamok Yesus Kadais so iyo ilim min gelemin so aket dakbudin so uyo kuyamin kala kale Got gánlabi ko.

Filibai 4:20

Kale nuka nulum Natim Got win kufádaw kalfal bom sun kuw bokabuw ko. Afan.

Kalose 1:2

Got afan kalin nikil fikal Kalose abiw tein bidiw kimi ulum kano sun kuw Kadais afano kalbiw kimino kale dabadáluw tadu ko. Kale nuka Natim Got gánlawuwo, aka min gelemin so aket dakbuyámin so uyo kuyamak kala.

1 Tesalonaikka 1:1

Faul nakal keidi, Sailas so Timoti so keidiw, nuta sauk kon bela godu kudáluw Tesalonaikka abiw Natim Got so Kamok Yesus Kadais so imi wanang kinim gu kimino, kale kuyamuw. Kale nuka Got gánlawuwo, Got so Yesus so imi min gelemin so aket dakbudin so uyo ken kiwso buduno kala.

1 Tesalonaikka 1:3

naduwo kawákal Got kin dim, nuka kilim Yesus afan kalin dudew tabamin so kilim Yesus aket kudaw nadiw wok kitid fakanin so Kamok Yesus mimin dok diyámin kitid so buta kim aket nuka fukanaluw ko.

2 Tesalonaikka 2:16

Kale nulum Kamok Yesus Kadais keidane, nulum Natim Got aket dauyamsa ayo alam min gelemin dim sun biyámin aket kitid so mimin kidel dok diyámin so uyo kuyamsiw. Kale nuka dákadáya buduwo,

Daw misun 11:15

Ensel fet ami fudong ket fudong kale kei badane, abid tikin kaw tam kalo weng amsun seng mak gán dá bakoda, “adikum bakan uyo Kamokim Got so Yesus so im bakan adik dáw keidu, kale aka ulum kanom sun kuw muk diyam bokaba ko.” Kale kei badane

Daw misun 15:4

Kamok kaba, wanang kinim adikum iyo kun falili kaukokabiw ade ika kam win kufákamokabiw, kayo kawta kuw abem, kam kukuw kidel uyo misunasu. Kale wanang kinim adikum iyo tad kam win kufákamokabiwo.” Kalsiw.

Daw misun 19:6

Kale beta naka kinim gu seng seng imi weng bakanin taw be kidilomo wok fon budunin taw ade kimun budunin taw keida kidisi. Kale imi gánin dukum be bako, “Got win kufodawum! Nulum Kamokim Got kitid soim, ken kin moyámin Got!

Daw misun 20:4

Naka abin abem abem be kalomo kinim tein fakadábiw ka. Kalesi be Got ayo kinim taktakino, kale kitid dauyamsa. Kale naka itamomane, kinim im gebom uyo wakel dáyamsiw ka. Kalesi uyo watawo kaleyo bá, ika Yesus sung bakan kámin kinim ade Got weng afano kalin uta ta bom kanoyamsiw ko. Ika sew iniman so kit so win kufámongin banim, ika am fut dabal dim so teng dim so uyo kudulongin banim. Kayo ika talá tabe nadiwade Kadais so alaso kin modin kinim keibi itol 1000 kal kesiw.