Kalose 3:20 - Got weng abem: Alokso abino kalin

²⁰ Muduw kiba, sun kuw kaulal im weng uyo kidiya bom nadiwo ko. Watawo kaleyo bá, kiba afan kalin ade Got itama kiba be kanamokabiw, aka atin kalfalokaba, kayo ko.

Got Weng Abem

²⁰ Muduw kiba, sun kuw kaulal im weng uyo kidiya bom nadiwo ko. Watawo kaleyo bá, kiba afan kalin ade Got itama kiba be kanamokabiw, aka atin kalfalokaba, kayo ko.

Kalose 3:20 ပူးပေါင်းရင်းမြစ်များ

Matiyu 19:19

ade kakun kalaw weng ki kidi dudew tabe bom nadawade kalam duw ifin iyo ki kalami aket kukámabaw taw kano kuyamal kala.” Akane,

Efesis 5:24

Kadelal kiba, sun kuw kilim kimakal im akfak tem unemin uyo Got ami wanang kinim gu Kadais alam akfak tem unemin taw keidin kala.

Filibai 4:18

Kale nam aket kiba be kal keidino, yakbi. Adikum kilim ufek ufek kudánamiw Ibafadoddaitas dim tasu uyo kudu nadine nalam ufek ufek iwabi uyo atin akamam tam so kikiw wakadábi. Kale kimi min gelemin be Got wane ilkádawin fiw kidel kim kádawin taw keibiw. Kale Got aka be keno, kale nadane kalfalba ko.

Kalose 1:10

Kaleyo Got ami aket kanamino, yakba uyo kiba ken kanamokabiw ade Got aka itama kiba yakanamin mak sun kuw kanamokabiw, be aka bako nada, “naka atin kalfalyabino,” yakokaba kala. Kale beta kilim kukuw kidel uyo matam sengokabu ade Got ayo makso makso kal keidokabiw kala.

Kalose 3:22

Wok fakudin kinim kiba, kibilim kin modin kinim im weng ki kidi bom nadiwo kala. Kale kiba ilim kin dim kuw kana buduwo bakoyam, “kiba kinim kidelo,” yakino kale kanamin bá. Imi mewso bongin banim, kata kiba ulum kano kukuw kidel kuw kanamin kala. Ade kilim kamok kanamino, yakbiw uyo atin aket kumam, wok kidel kuw faku bom nadiwo ko. Watawo kaleyo be kanamokabiw bá, kilim aket Kamok Yesus ami aket kidelawuko, kale nadiwo kayo ko.

Taitas 2:9

Kale kaba yak sok gei tabamin kinim taw iyo kukuyamawo, ilimi tabalasew weng uyo ilim aket so fain kale kidiyam bom nadiwade kalfalin dawkáyam bom nadiwo kala. Ika ilimi tabalasew iyo weng atung fakadu bakayamin bá,

Ibidu 13:21

uyo ken dakoyama fasko alam kanamino, yakba uyo adikum ufek ufek kidel kuw Yesus alam win dim dudew tabe bidiwo kala. Kale Yesus Kadais ayo win sun kuw sun kuw kufádawum kala, kale be afan ko.