Kalose 1:22 - Got weng abem: Alokso abino kalin

²² kata Got aka kamane alam Man dam fikalese ami sok dim aka akismoyama aso duw kei nadiwo alo asawil maek alam kin dim kal yong mamon gedámin so abem kei nadiwe atin kim fatom banim keidokabiwo, yakba.

Got Weng Abem

²² kata Got aka kamane alam Man dam fikalese ami sok dim aka akismoyama aso duw kei nadiwo alo asawil maek alam kin dim kal yong mamon gedámin so abem kei nadiwe atin kim fatom banim keidokabiwo, yakba.

Kalose 1:22 ပူးပေါင်းရင်းမြစ်များ

Luk 1:75

Num kaunsin biyámin uyo Got kin dim kidel kei bom naduwe abem keidum kala.

Udom 7:4

Kale nalam nikil fikal kiba, be alataw kale, kiba dil sawa aboyámin uyo banimu kudá nadiwe gulbal wanang kinim keisidiw. Be Yesus Kadais so fikalesidiw kal kanosidiw, kayo kamane kiba Kadais fikala Got tá dafose ami wanang kinim keibiw ka. Got aka be kanodino nuka alam wok kidel fakunamino, kale nadano kanoyamase ka.

2 Kodin 11:2

Naka kim titiyambi, be Got alam tityambe taw. Kale kiba wanang sei mifiw kinim so akálongin banim keibu taw ade natane kalaw kinim makuw mak nalam mun weng bodawi kudulako kalin taw kanabi. Kale kinim ami guton bakanbi ayo ki Kadais ata kala.

2 Kodin 4:14

Watawo kaleyo bá, nuka nulum kal keidomo, Got aka Kamok Yesus tá dafosa, alataw be ki nuka alaso tá ifoda kaunokabuw. Ade Got aka atin kiwso nuso adikum makuw imadew maek Got alam mit tem tadokaba.

2 Kodin 5:18

be adikum Got alata kanaba. Kale Got ata Kadais ami kanose sok dim alami tada numi taduw kawák uyo abino kale nadale wok dauyam kiba yak kinim wanang adikum imadew maek dádiw naso abino kalumo, yakeise.

Efesis 1:4

Bakan so abid so uyo ludin dako áluno Got ayo aket tet dau man Yesus win dim nuka walu imudino alam kin dim uyo weng fakam banim, abem keidino, kalesa. Be watawo kaleyo bá, aka atin aket dukum num kuyamsa kayo ko.

Efesis 5:27

Kale aka kano kudála yak alam teng ban dim abune kanomama Got wanang kinim gu lamlam so dukum keisiw. Kale ika ninak banim, giwid gawodin banim au mew yaknámin baim katiw so teinongin banim kei imuse, kata abem keiyam nadane weng fine banim keiyamokaba.

Kalose 1:28

Kale nuka wanang kinim adikum iyo Kadais sung bakayabuw. Kale nam weng bakabi uyo ki naka aket kidel fukanin kei nadino kitid weng bako kanamin bayo, yakei nadine kukuya bom keimino, adikum kan ata Kadais so makuw kei bidiw imi kal keimin uyo matam fasuduno, makuw makuw iyo imadew maek dádi Got atamino, yakbi kala.

1 Tesalonaikka 4:7

Got aka gán dáyam sakadinin dim biyámino, yakba bá, kata aka gánya bom abem kei biyámino, yakba kala.

Taitas 2:14

Yesus Kadais aka alam dam uyo sák numi dakoyam kuyamse uyo adikum kukuw mafak mafak fakusuw umi mo talá imadá nadale yak aket afan kalin wanang kinim iyo aket tem atin kidel kuw keiyam nadale nalamino, kale kál ged moyamase. Kale ika kukuw kidel fakuyámin tew ki keiyam bom nadano kala.

Ibidu 10:10

Kale be watawo kaleyo bá, Yesus Kadais ayo Got kanodalo, akeise uyo kanodane, wanang kinim adikum numi ban keimin gine imusa be alam dam tuw Got wane ilkádawin be alam bid makuw mose be ki, alam kamano so ulum kano sun bokaba.

Ibidu 10:20

Nuka alokso leiw Yesus Kadais sinik so dam tem yak Abin Atin Abem tem unoduw ka. Yesus ami dam be ilim kal dukum kufo tam Abin Atin Abem unemin umi abin kuduse uta ko.

Ibidu 13:21

uyo ken dakoyama fasko alam kanamino, yakba uyo adikum ufek ufek kidel kuw Yesus alam win dim dudew tabe bidiwo kala. Kale Yesus Kadais ayo win sun kuw sun kuw kufádawum kala, kale be afan ko.

1 Bita 3:18

Kaleyo, Yesus aka bid makuw ki mo adikum ban keimin wanang kinim imi fikaleyamase ade aka alo sawil fikaleyamoma banim, aka ban keimin wanang kinim imi luk duduyámin kinim kidel. Aka beta kano nadane tudo imadew yak Got mit tem unemin keise. Kale ika am dam bo anbisidiw, kata Sinik Abem ta bom tá dau dafose.

2 Bita 3:14

Kale nam duw kiba, kanam tadokabu um am atan uyo kidela fasko nadiwo Got kin dim kiba aket baim banim kei nadiwade weng fakam banim kei dakbu kei áliwo kala.

Yut 1:24

Ade kamane adikum wanang kinim nuka, Got makuw ata kuw win kufádawuwo ata Yesus Kadais win dim kail bá takeikáyaba. Kale ata kuw adikum lamlam mit kayakim ade ata kuw win soim ade mew adikum ufek ufek bo ata kitid fakuda bu ade abin abem dukum kudusa kinim ade aka bo adikum fakubisa, kamane fakube ade sun faku unokaba. Ade Yesus aka atin lamlam soim Got alam kin dim num ban keimin banim, weng fine banim, aka kutinodiwo, kale imadew yak dáda nuka sun yul didin bom katkatin dim unokabuw. Kale atin afan.