Ibidu 3:7 - Got weng abem: Alokso abino kalin

⁷ Got Sinik Abem aka Got ami godin tem bako, “kiba kamano atan ayo Got weng kidiliw namti,

Got Weng Abem

⁷ Got Sinik Abem aka Got ami godin tem bako, “kiba kamano atan ayo Got weng kidiliw namti,

Ibidu 3:7 ပူးပေါင်းရင်းမြစ်များ

Matiyu 17:5

Kal bom bakam sadane ibin kait ta be falfal namas imudane, ibin tem kaokal weng mak bako kala ka. “Bela nalam Man ade naka am aket ki atin yakabesi. Ade naka atin am idak ki teinbi. Kale kiba kidela am weng kidilaw bom nadiwo kala.” Kalesa.

Matiyu 22:43

aka bakoyam, “á yakno yakno nadano Dewit ayo Sinik Abem kiwa dauda Got Walusa Kinim bakodaw, ‘kaba nalam Kamokimo!’ Akansa?

Mák 12:36

Dewit alami namti, Sinik Abem madák kiwa daudane bako nadale, ‘Kamok Got ayo nam Kamok bakodaw nadale tad nalam teng miskuno kal kano tein badawo si kalam wasi iyo tudo imadew tad kalam akfak tem imtikamon kala.’ Kalesano.” Kalesa.

Yon 10:16

Kale nalam siwsiw be bidi kuw bidiw bá, kata madik iyo kalo sew mo bidiw kala. Kaleyo naka yak sew bidiw iyo fabadu mo imudino nalam siwsiw adik dáw gu makuw keidiwe, nalata kuw imi kin moyámin kinim keidokabi.

Yon 10:27

Kata nalam siwsiw ika weng kidinamábiw ade nalam siwsiw ika nalam kal ade ika nalam yán aboyábiw.

Yon 10:3

dám awsom kin moyámin kinim ayo au, akei nadane fal bisudawa. Aka siwsiw iyo ilim win bako gán tudoyamane, maek dang teiniw, bákadu imadew tam be tudo imadew kámala kala.

Yon 5:25

Kale naka atin afan bakayabi, am dánámin uyo mewso keibu ade kamane kal keidu, kale fikalinámin iyo Got ami Min weng kidilokabiw ade kan ita kidilokabiw ika kaunsin sinik kudu bokabiw.

Sinik Abem 1:16

“nam nakanum kasel kiba, num awadik Dewit aka Yuddas am sung bakodawsa. Kale kinim iyo ata dumoda yak Yesus dew fakusidiw.

Sinik Abem 28:25

ika im aket bo báyo kal bom nadiw, unumo kanamiwe, Faul adik adik weng mak bakoyam, “kiba Sinik Abem weng tatun mak lum senin kinim Aiseya am dim kilim kawadik kasal bakoyamsa. Kale Sinik Abem ayo Aiseya bakodaw,

Sinik Abem 8:29

Kale Got Sinik Abem ayo Filiw bakodaw, “kaba, baw yak abin gidi gidi kudew kámin mewso falemam unalo!” Akane,

Ibidu 10:15

Kale Got Sinik Abem aka alasino bumi sung uyo bakoyam,

Ibidu 3:13

Amsino kanam matam bokabu bo num kal banim. Kale kamane tein bidiw ki, kiba kawkinum kasal afan kalin iyo daw kitid modawa modawa bom nadiwo sun kuw afan kal bom nadiwo kala masi kanamiwe, ban keimin uyo tad aket wakwayamu ken kukuw kanabuwo, kale nadiwe yak Got mit tem unemin leiw uyo kudáloliw kala.

Ibidu 3:15

Tam dil bakoduw uyo bako, “kiba kamano atan uyo Got weng kidiliw namti, kudáyámin bá.” Yakeisa.

Ibidu 4:7

Kata yak madik ika ken finkanin bo ken kudulodiw ka. Watawo kaleyo bá, Got aka atan mak kuti win takumam, “Kamano” kalesa. Suwayo itol deng mak banimsa katow kal am bemi sung uyo Dewit dim kal bakosa, kale bako, “kiba kamano atan uyo Got weng kidiliw namti, kudámin bá.” Kalesa.

Ibidu 9:8

Kale bemi kukuw be Sinik Abem alata kuku nadano yak Abin Atin Abem unemin leiw be kama bisudongin banimo, kalanámsa. Be watawo kaleyo bá, dil Yol am uyo kano biyámsu kayo ko.

2 Bita 1:21

ade ika bakan dim kinim im weng uta bakosiw bá, kata ika Sinik Abem ata adiyamano Got weng uyo bakanámsiw.

Daw misun 3:20

Kale kalak fen! Naka awsom tod bom gaugaubi kale kan ata nam weng kidinam nadale yal bisunama kaí, naka tam uni nuka wanin wanan bom naduw ade aka naso makuw keidokabuw.