Efesis 3:20 - Got weng abem: Alokso abino kalin

²⁰ Kale Got alam kitid dukum tuw nulum kidin tem wok faku be, be alam kitid makuw bemi tuw ki, aka ken num dakáyamin so aket fukanin so uyo atin tam aiso kanayamak kala,

Got Weng Abem

²⁰ Kale Got alam kitid dukum tuw nulum kidin tem wok faku be, be alam kitid makuw bemi tuw ki, aka ken num dakáyamin so aket fukanin so uyo atin tam aiso kanayamak kala,

Efesis 3:20 ပူးပေါင်းရင်းမြစ်များ

Matiyu 3:9

ude kiba aket fukan dá bako nadiwade, ‘Ebadakkam be nulum awadiko’ kalin bá. Watawo kaleyo bá, kiba Ebadakkam am kukuw taw fakudongin banim, kayo kiba am maduw bá ka. Got aka ken Ebadakkam man low takudawon kaloma uyo aka ken tum seng seng bula kumadela matam Ebadakkam muduw keidoliw kala.

Yon 10:10

Kale yakot wanin kinim aka tad yakot wanan bom yanbi bom im mafak dákan bom keimin umi fukan tademin, kata nam tasi be ken luk bala teinámin ade sinik so dam so biyámin uta kuyamono, kale umi fukan tasi kala.

Udom 16:25

Nuka Got win lamlam so uyo kufámum kala. Kale Got ata kuw nam wanang kinim sung kidel bakayabi tuw kilim afan kalin uyo im kitid modokaba ade Yesus ami sung tuw im kitid modokaba. Kale Kadais ami sung be suwayo kal wána kudew tadabi kadák dida, kata kamane lum senin kinim imi weng godusiw dim misunase ade Got Motabid alata bakoyam, “yak anang bakan adikum uyo sung bakayamiw, adik ken afan kale kidilino.” Yakeise.

Udom 4:21

Ebadakkam aka fukan dádomo Got aka alam weng takadánamsa uyo afan kanodokaba ka. Kalsa.

1 Kodin 2:9

Got lum abem senin kinim Aiseya adilawa sauk kon tem godusa uyo bako, “Got ami ufek ufek kidelok kidelok alam aket daudawsiw imino, kale kidelyaba, be kinim so mak utamsiw bá, kinim so mak kidisiw bá ade kinim so mak aket fukan bom bo kana kanodin tawo, wakeisiw bá ko.” Kalesa.

2 Kodin 9:8

Kayo Got aka kim iwa bidiw uyo atin akamam tamso kuyamane, kim ufek ufek uyo sengan buduno, kiba ufek ufek waktuwodiw banim kei nadiwe ken yak kan ata ufek ufek iwa bidiw iyo kiwsik kukáyamokabiw kala.

Efesis 1:19

utamomo Got ami kitid Got afan kalin num kidin tem wok faku be uyo atin dukum kalokabiw. Bemi kitid be atin dukum,

Efesis 3:7

Kale Got alam kitid dim aka min gelemin uyo kunamano, kayo sung kidel umi wok faku bom bakan kábi ka.

Kalose 1:29

Beta kanamon kale nadino fitin wok seng kuw kudew tabe dakoyamono, kale nadino Kadais gadel daunamse kitid dim ki kanabi ko. Kiba Kadais ami kano nam kitid seng kunama matam kinim kidel keibi, be ken atamodiw ka.

1 Timoti 1:14

Kale numi Kamok ami min gelemin seng kunamse be aket afan kalin so aket kudawa kudawin so be adikum Kadais Yesus so aket makuw keiyámin kinim numi ka.

Ibidu 11:19

Kale Ebadakkam ayo ulum kano Got aket kudaw afan kale nadane aka fukan dádomo, Got aka ken fikalanámin uyo alo tá kudoma kala. Kale kanamano, Got alam ensel ta bom min ankabimin báyo, akeisa be Aisak fikala tá dafodin taw keisa.

Ibidu 7:25

Yak wanang kinim kan ata Yesus ami sok dim tad Got atamon kala ayo ki aka ken atin kail bá takeikuyamokaba, watawo kaleyo bá, aka sun Motabid ade aka Got so bom kim luk Got gánla bom be kayo kala.

Yemis 4:12

Got ata kuw sawa abem kukáyamin kinim ade ata kuw taktakin kinim. Kale ata kuw alafin ken wanang kinim im mafak dádoma ade wanang kinim kail bá takeikuyamoma kinim. Kale kam aket kaba yaknodin kinimo kawkinum ayo kukuw atam liw bom kuek didaw badáwe?

2 Bita 1:11

kiba maek Yesus Kadais num Kamok ade Watakayaw ami bakoyam, “kiba ken luk bala katkatin so tad sun biyámin kasák gu tadino,” yakeise uyo tadin kala.

Yut 1:24

Ade kamane adikum wanang kinim nuka, Got makuw ata kuw win kufádawuwo ata Yesus Kadais win dim kail bá takeikáyaba. Kale ata kuw adikum lamlam mit kayakim ade ata kuw win soim ade mew adikum ufek ufek bo ata kitid fakuda bu ade abin abem dukum kudusa kinim ade aka bo adikum fakubisa, kamane fakube ade sun faku unokaba. Ade Yesus aka atin lamlam soim Got alam kin dim num ban keimin banim, weng fine banim, aka kutinodiwo, kale imadew yak dáda nuka sun yul didin bom katkatin dim unokabuw. Kale atin afan.