Daw misun 7:17 - Got weng abem: Alokso abino kalin

¹⁷ Kale Siwsiw man abin abem iwyak teinba, ata imi dolok moyámin kinim. Kale ata tudo imadew yak wok madmid fokat fokatba unokaba, kale Got alata im kinok adikum kidoyamokaba ko.”

Got Weng Abem

¹⁷ Kale Siwsiw man abin abem iwyak teinba, ata imi dolok moyámin kinim. Kale ata tudo imadew yak wok madmid fokat fokatba unokaba, kale Got alata im kinok adikum kidoyamokaba ko.”

Daw misun 7:17 ပူးပေါင်းရင်းမြစ်များ

Matiyu 2:6

‘Betliyam abiw katiw, Yuddia bakan badaw kuba, Yuddia bakan imi kamok kamok im iwyak tem kum win banim badaw, kata yanol kuba win so keidokabaw. Watawo kaleyo bá, kamok mak kawákal matam bokaba, aka num wanang kinim Isadael kin modokabano.’ Kalesu.”

Matiyu 5:4

Kale kan kinim ata amanin kuw kei be kaí, ata ken keiba ade Got tabe ilil dudálawokaba.

Yon 10:11

Kale siwsiw gimin kinim kidel ade nalata kala kaleyo siwsiw gimin kinim kidel am aket ayo siwsiw imi luk dudu fikalono tasi kala.

Yon 10:14

“Kale siwsiw gimin kinim kidel ade nalata ka. Nalam siwsiw iyo nalam kal ade nam siwsiw ika nalam weng ilim kal.

Yon 4:10

Yesus asik fakodu bakomam, “kata kuba, Got ami min gelemin uyo kulum kal kei au, be kan ata kuba wok kunamo, kale dákadánaba, kalaw namti, kuwsik dákadálawaw asik sun biyámin wok kukamako.” Waka nade

Yon 4:11

wanang uyo bakodaw, “kawta, kaba wok ket banim, wataw tuw ilulokabaw. Wok tem wok ayo sikam un bi kabadákal.” Akei nadune bakodaw, “sun biyámin wok uyo yako kalo kudew tadokabaw.” Akei nadune alo bakodaw,

Yon 4:14

Kata kan ata nam wok daudawi wanokaba, aka wok atin gal dakudawokaba, kata nam wok kudawokabi uyo wok amkin am dakuw wok madmid fokat fokatba ulutaw am kidin tem uyo sun biyámin kudulokaba.” Wakane,

Sinik Abem 20:28

Kiba ulum kanom kilimi uyo kin mo nadiwade Got wanang kinim gu adikum iyo kidela kin modin kala. Watawo kaleyo bá, Sinik Abem alata kiba walu imu, kiba Got wanang kinim iyo siwsiw gu taw kale kidela im kin modino, yakeise. Kale kiba ilim ifemin kinim taw kei nadiwe kidela dakbu im kidelin kala. Watawo kaleyo bá, Got aka alam kaim tuw mo imuse.

1 Bita 5:2

Kaleyo naka Got ami wanang kinim gu gebom gebom kiba, mun dáyam kiba kidela akol dakbu, kilim Got kinim wanang gu adikum iyo kinim iniman siwsiw gimin kinim imi iniman siwsiw kano kin moyábiw taw kano kin mo bom nadiwo kala. Kale be Got alata kano be kanamino kale wok dauyamase kala. Kale kiba kinim imi weng dim kanamino, yak bidiwo uta bo kanamin bá, kata kiba kilim aket uta ulum kanamumo, kal bom nadiwo uta kanamin. Kale kanodin leiw beta Got am aket kanamino, yakba ade kimi wok fákanin uyo kisol uta kuámumo, kale nadiwo kanamin bá. Kata kinim wanang ita min dakáyamono kalin umi aket uta tein buduno kanamin kala.

Daw misun 14:4

Kale kinim bidi kala, yak wanang so mak sakadinogin banim, kinim kidel kuw tein bom Siwsiw man ayo yakabenoma, ika alaso kuw kamaliw. Kale ika Siwsiw man ayo bakan dim wanang kinim tem kalo mo imuse ade ita mit kei isik Got so Siwsiw man so imi kuyam kudasiw.

Daw misun 21:22

Kale naka abiw dukum Yol am atamongin danim, be watawo kaleyo bá, abiw dukum Yol am be Got adikum kitid soim so Siwsiw man so ilita kayo ko.

Daw misun 21:23

Kale abiw dukum uyo atan so kayow so eida dew tad abiw dádoma banim, be watawo kaleyo bá, Got ami lamlam ata umi atan eidmamámin ade Siwsiw man ata umi yakom eidmamámin kayo ko.

Daw misun 21:4

Aka im amanin kinok uyo kidoyamokaba. Kale fikalanin so bá, amanin so bá, kibow banban fakadewámin banim, kál funin banim keidokabiw, be watawo kaleyo bá, adikum dil kukuw uyo banimasu.

Daw misun 21:6

Kale aka bakonam nada, “adikum banimu ka nalata ki Gebom ade Yanol keiyámin kinim. Nalata ki Mit keimin ade Atal kilamin, kale kan ata wok tew keidawokaba naka wok madmid wok sinikso kudawi wanokaba, kata bo kisol sánodiw banim.

Daw misun 22:1

Kale ensel ayo wok sinikso wok mak kukunamse, be sinik kitkow taw ade wok be Got so Siwsiw man so im abiw abemo kal fuk tam dá tade

Daw misun 4:11

“num Kamok Got kaba ken kei kanodawo kin budusi so kalfalin kitid so uyo bu kala, kaleyo kaba ufek ufek adikum bo kabalata kidel kusadaw ade kabalam aket fukanin uta tabe ufek ufek kidel kudaw teinbu ko.” Kalsiw.

Daw misun 5:6

Kale nadine naka Siwsiw man anbidiw fikalese, kin gubu taw abin abem iwyak kal todba be kalomo kinim taw sinikso alalew keidiw gebom gebom keidiw ita dawo iw dá falfal daubiw ka. Yakeisi ko. Kale Siwsiw man aka idis fet kal mak ade kin fet kal mak be am dim kal bu ka. Akeisi. Kale kin fet kal bidi Got alami Sinik Abem kukuw fet kal ita kale bidi imadála bakan adik fakbusiw.