Daw misun 5:13 - Got weng abem: Alokso abino kalin

¹³ Kale naka beta alo kidilono kale bediyo adikum sinikso biyámin abid bidiw so bakan bidiw so kuin bid bidiw so yol wok akfak tem bidiw so mew adikum kin bádu iyo fuw we bom nadiwe bako, “win kufáyamin so win kalfalyamin so lamlam kukáyamin so kitid so uyo Abin abem teinba Kinim so Siwsiw man so ilimi sun sun keiyamuk kala.” Kalsiw ko.

Got Weng Abem

¹³ Kale naka beta alo kidilono kale bediyo adikum sinikso biyámin abid bidiw so bakan bidiw so kuin bid bidiw so yol wok akfak tem bidiw so mew adikum kin bádu iyo fuw we bom nadiwe bako, “win kufáyamin so win kalfalyamin so lamlam kukáyamin so kitid so uyo Abin abem teinba Kinim so Siwsiw man so ilimi sun sun keiyamuk kala.” Kalsiw ko.

Daw misun 5:13 ပူးပေါင်းရင်းမြစ်များ

Matiyu 6:13

Kale kaba imadálaw imkukumin dukum uyo imkukumin bá, kata kawta ban keimin umi kail bá takakuyamal kala. Kaleyo kami kasák gu so kitid so win dukum so uyo kanom sun bokabu. Kale be afan ko.’

Luk 2:14

“Got win uyo kufodawiw tam el kaekal abuk kala. Wanang kinim bakan dim kayak Got kalfalyaba iyo imadáliw abino kalin uyo ilimi keiduk kala.”

Yon 1:29

Kale kana bi sidiwo matam kawák Yesus ayo Yon finang tadanane, Yon aka kaek fen atam nadane bako, “kaek fen atamino! Siwsiw man belata bakan kayak ban keimin uyo takan keiyamokaba ka.

Udom 11:36

Got alata ufek ufek adikum kidel kusa. Ade adikum ufek ufek kanabu, bo Got alam dim kal tadebu ade bo adikum Got alami. Kale nuka sun kuw Got win kufádawum kala. Kale afan ko.

Udom 16:27

Ade nuka Got adikum kal keimin mit kayak am win lamlam so uta alam kano sun kuw Yesus Kadais win dim win kufádawum, kale afan ko.

Udom 9:5

Kale ika suwayo nulum abal mit Ebadakkam, Aisak, Isadael imi low ade ika Yesus dausu bakan kinim mit. Kale Kadais aka Got ade adikum ufek ufek bo ken kin mo be, kayo nuka sun kuw am win kufádawum kala. Kale afan ko.

Efesis 3:21

kaleyo nuka yak Got wanang kinim gu so nikil makuw kei Kadais Yesus dim ulum kano sun sun Got win kufádawum kala. Kale be afan ko.

Filibai 2:10

Kale beta kanodano ufek ufek adikum kinim so ensel so sinik mafak so abid tikin bidiw so bakan bidiw so kuin dákaw bid bidiw so iyo tad alam akfak tem nadiw alam weng kidilawokabiw ko.

Kalose 1:23

Kale kiba sung kidel uyo ulum kano afan kalebidiw namti, kidela tod ngadik, kale am midi lakan sidi kalin taw keidin kala. Kale kiba ufek ufek uyo mak kudáliw tad imkamodu, am abin abak uyo kudá kutina nadiw mimin dok sung kidel diyamin kudusidiw uyo kudálodiw banim keidin kala. Sung kidel bela kiba kidisiw ade nami sung kidel bakanyabi, be ki adikum Got ami wanang kinim anang bakan teiniw ikal kidibiw ka.

1 Timoti 4:16

Kalam biyámin kukuw uyo kidela uta bom nadawe kalam afan kalin uyo kidela faku audal kala. Watawo kaleyo bá, kanamokabaw beta kinim ika yak kam weng kidikamokabiw ade kabalami so dakokamokabu ko.

1 Bita 4:11

Kale be alataw, kan ata aka Got weng bakanal, akeisa kaí, aka alam Got weng tatun kuw bakanak, kan ata wanang kinim dakáyamal, akeisa kaí, aka Got alam kitid dim dakáyam badano, Yesus win tudow dim adikum sun sun Got win kufádawin, adikum kitid so lamlam so uyo atin Got sun sun alami. Kale afan ko.

1 Bita 5:11

Nulum kal Got aka adikum kitid bo alata kin moyamak kala. Kale be afan ko.

Daw misun 1:6

Kale aka kanoyam imadew maek alam kasák gu nada alam Got ade alam Alaw ami kinim abem kei imu nadane alam wok fakudawin keiyamase. Kale num aket Yesus aka lamlam so kitid so uyo ulum kano alaso buk kala. Kale be afan ko.

Daw misun 13:8

Adikum bakan bidiw kinim wanang iyo sew iniman win ki kufádawokabiw bidi yak wanang kinim kan ita im win mak kudew yak sinikso biyámin buk tem mak dáyamongin banim ita, kale belami buk ayo Siwsiw man ami buk kale Siwsiw man bela suwayo anang bakan kidel kudongin banim katow kal anbidiw fikalesa am sung ko.

Daw misun 5:1

Kale naka kaek fen kinim abin abem teinba teng miskuno be buk fong tuw falalin be weng godin ki wolo so dengo so godusiwo kalomo, buk be gom faktimin fet kal mo fakti tamo dausiw ka. Kalesi.

Daw misun 5:12

Ika fuw kitid kuw we bom bako, “Siwsiw man anbidiw fikalese, aka win soim, kitid soim, kisol ufek ufek soim, guton sawa soim, madmed soim, lukluk soim, kin budusi soim, kalfalin soim, uta aka kudusa ko.” Kalsiw.

Daw misun 5:3

Kata bakan dim kayak so kuin bid kayak so abid tikin kayak so bidi kinim mak winsono masi, buk bela fingo dau atamodiw banim. Kale be atam nadine

Daw misun 5:6

Kale nadine naka Siwsiw man anbidiw fikalese, kin gubu taw abin abem iwyak kal todba be kalomo kinim taw sinikso alalew keidiw gebom gebom keidiw ita dawo iw dá falfal daubiw ka. Yakeisi ko. Kale Siwsiw man aka idis fet kal mak ade kin fet kal mak be am dim kal bu ka. Akeisi. Kale kin fet kal bidi Got alami Sinik Abem kukuw fet kal ita kale bidi imadála bakan adik fakbusiw.

Daw misun 5:9

Kale ika alokso fuw kutidawsiw uyo bako, “kaba win soim, kawta fongtuw falalin buk bela ken bádolaw kinim, buk fewsa ayo gom takan keidolaw kinim, be watawo kaleyo bá, kaba kanbidiw fikalom nadawe kalam kaim tuw wanang kinim so kinim mit kukum kukum so weng kukum kukum bakodin so kinim atama banim so bakan kukum kukum kasel so iyo Got ami modawsaw.

Daw misun 6:16

gán dá bakoyam, “kiba kutin madák imádino yakokabiw. Kale Kinim abin abem teinba kibi idimo, Siwsiw man ami aket keng keiba so uyo atiyam imádino.” Kalsiw.