Daw misun 13:18 - Got weng abem: Alokso abino kalin

¹⁸ Kale kinim kan ata kal keisa kinim kaí, ding bakanin fut uyo taktak dau umi dam uyo utamak kala. Kale be yak aket kidel fukanin kinim ata kuw ken utam kal keidokaba. Kale ding bakanin fut be kinim mak ami win fut kale ami ding bakanin fut be bokuw ulumi ki alewbino (666) kalbiw uta ko.

Got Weng Abem

¹⁸ Kale kinim kan ata kal keisa kinim kaí, ding bakanin fut uyo taktak dau umi dam uyo utamak kala. Kale be yak aket kidel fukanin kinim ata kuw ken utam kal keidokaba. Kale ding bakanin fut be kinim mak ami win fut kale ami ding bakanin fut be bokuw ulumi ki alewbino (666) kalbiw uta ko.

Daw misun 13:18 ပူးပေါင်းရင်းမြစ်များ

Mák 13:14

Kale am dánámin mak tadokabu uyo ‘taltalin kukuw mafak mak kanam tadokabu. Kale kanodin kukuw mafak be abin abem kal tod budu utamokabiw. Kale yak kinim buk kímin kinim ayo dabadáliw bu ki kal keidane, yak Yuddia bakan wanang kinim itane wabading yak amguyo kal unin kala.

Udom 3:5

Kale wanang kinim iyo numi ban keibuw, be atam kal keidomo, Got ata kuw kukuw kidel kanamin kinim ka, kalokabiw kala. Kaleyo nuka ken bako, “Got aka mafak kei sok gei imkanbano, kaloluwe?” Naka bo masi kinim aso kalin weng so mak bakanodiwo kale nadino bakabi.

Daw misun 1:3

Kale kiba sun kuw lum senin weng bela Got wanang kinim gu kíyamokabiw, kiba Kamok ami im kinim dákamin makik uyo kudulokabiw. Ade kan ata buk belami kíbiw be kidi nadiwade yak ulum bakabu uyo kanamokabiw, ika iliso im kinim dákamin makik iyo kudulokabiw. Kale am atan mew tadokabu kal adikum ufek ufek bakabu bo kanam matam dam keidokabu.

Daw misun 15:2

Naka kaek fenomo wok mik dukum alataw mak be atan fiyam kainbano kalomo as so dák mak dabano kalomo, wok mik kinango be kinim yak kan ita sew iniman so am win fut so am kit so uyo anik anik keidaw sidiw ita todbiw ka, yakeisi. Kale ika Got alata tadám kuyama faku dábiw.

Daw misun 17:9

Kale kan ata aket kidel fukanin so namti, weng bakabu bula utam kal keidak kala. Kale iniman gebom fet kal be amgu fet kalo, wanang uka kal teinbu ade alo mit mak utane kamok kamok fet kal kaloluw ko.

Daw misun 21:17

Aka wati kiksise angbung bamadálin ayo ki kinim gen kun kiksimin ulumi ki 144 kal.