Daw misun 13:11 - Got weng abem: Alokso abino kalin

¹¹ Kale beta naka sew iniman kukum mak atami be bakan tem kal matamba ka, aki. Kale am idis sanam alew be siwsiw man idis taw, kata am weng ayo mátuw dukum weng bakanin taw keimsa ko.

Got Weng Abem

¹¹ Kale beta naka sew iniman kukum mak atami be bakan tem kal matamba ka, aki. Kale am idis sanam alew be siwsiw man idis taw, kata am weng ayo mátuw dukum weng bakanin taw keimsa ko.

Daw misun 13:11 ပူးပေါင်းရင်းမြစ်များ

Matiyu 7:15

“Kiba ibakamin lum senin kinim weng uyo kidela dufo bom nadiwo ika tad katamokabiw. Ika siwsiw fibudin taw kei tadokabiw, kata im aket tem kaok utane sew mayan atud alataw keisiw ko.

Udom 16:18

Kaleyo yak kanodin wanang kinim ika num Kamok Kadais ami wok fakudaw bidiw bá. Ika alam kana bom nulum aket kuw kidelyamámuko kanamaliw. Kayo ika ibakamin weng uyo adik mita kidel baka bom wanang kinim kukuw mafak imi kal banim uyo kanayabidiw ikal afano kaleyábiw.

2 Tesalonaikka 2:4

Kale Atin Kinim Mafak ayo matam be nadane mew adikum ufek ufek wanang kinim imi kuti bom suksuk áliw so mew ufek ufek wanang kinim bako be goto, yakanaliw so uyo adikum im kadák dá nadane nata Got kaí, kale yak Got ami Yol am kata tein nadane nalata Got kaí kalokaba.

Daw misun 11:7

Kale ika Got weng bakabiw uyo banima nade sew iniman mak wok tem yan banim kalo matam nadanade imadew fakuduno kal bom nadale anik anik auyam yanbida fikaliwade,

Daw misun 12:17

Kale mátuw aka wanang uyo kus utam keng dukum keidawu nade yak umi muduw tabuda ginanumo kale kanama, kale kinim bidi Got ami weng sawa kidilin so Yesus ami sung fakusiw so ita ko.

Daw misun 13:1

Kale mátuw ayo matam yol wok badang kal todsa. Ade alo naka yol wok badang kal sew iniman mak yol wok kumun tem kal matamba atamsi ayo idis sanam nangal kal, gebom fet kal idis sanam makuw makuw ami dim be kamokim win finin manil kei nadale win gebom fet kal imi dim godin be Got win ididlawin dok dásiw.

Daw misun 13:17

Kaleyo yak kan ita uyo fut be kudulongin banim, ika ufek ufek so wansiki dusikiyodiw banim kale fut be sew iniman ami win ade ami win fut ding bakanin uta ko.

Daw misun 13:4

Kinim wanang iyo mátuw dukum ami win kufádawsiw, be watawo kaleyo bá, aka kamok keiyámin abin uyo sew iniman kudawse, kayo sew iniman alaso win kufádawsiw, kale ika dákadá bako nadiwade, “sew iniman bela kan alatawe? Kan ata ken aso wasi kei bom ginanodiwe?” Akansiw ko.

Daw misun 16:13

Kale beta naka sinik mafak alewbinon mak itamsi bidi kul taw. Kale mak be mátuw dukum bon tem kalo maek aba nade mak be sew iniman bon tem kalo maek aba nade mak be akal ibakanin lum senin kinim bon tem kalo maek abe ausidiw ko.

Daw misun 17:6

Kale beta naka wanang utami uyo Got ami kinim abem so Yesus kin walamin kinim so imi kaim wane nadule aket dakwamamsa. Kale naka utam madiw kale utam liw bom keimi nade

Daw misun 17:8

Kale bela sew iniman kalam atamsaw ayo suwayo biyámsa, kata kamane aka bongin banim. Kale aka wok tem yan banim kal matam tadokaba ade aka alo dew yak daw mafak dádono, kale dew unokaba. Kayo bakan dim wanang kinim imi win suwayo anang bakan kidelongin banim kal im win uyo kudew yak sun biyámin buk abem tem godulongin dakosiw iyo kin tada tada yokabiw, be watawo kaleyo bá, aka dil alanámsa, kata kamano aka bongin banim, kata aka yanol tadokaba kayo ko.