Daw misun 13:1 - Got weng abem: Alokso abino kalin

¹ Kale mátuw ayo matam yol wok badang kal todsa. Ade alo naka yol wok badang kal sew iniman mak yol wok kumun tem kal matamba atamsi ayo idis sanam nangal kal, gebom fet kal idis sanam makuw makuw ami dim be kamokim win finin manil kei nadale win gebom fet kal imi dim godin be Got win ididlawin dok dásiw.

Got Weng Abem

¹ Kale mátuw ayo matam yol wok badang kal todsa. Ade alo naka yol wok badang kal sew iniman mak yol wok kumun tem kal matamba atamsi ayo idis sanam nangal kal, gebom fet kal idis sanam makuw makuw ami dim be kamokim win finin manil kei nadale win gebom fet kal imi dim godin be Got win ididlawin dok dásiw.

Daw misun 13:1 ပူးပေါင်းရင်းမြစ်များ

Daw misun 11:7

Kale ika Got weng bakabiw uyo banima nade sew iniman mak wok tem yan banim kalo matam nadanade imadew fakuduno kal bom nadale anik anik auyam yanbida fikaliwade,

Daw misun 12:3

Kale alo abid tikin kal mudi dákamin mak be kalomo, mátuw dukum kal kas mak, aka gebom fet kalo kalomo, manil kikiw gebom adik mikisa ka. Akeisi ko.

Daw misun 13:11

Kale beta naka sew iniman kukum mak atami be bakan tem kal matamba ka, aki. Kale am idis sanam alew be siwsiw man idis taw, kata am weng ayo mátuw dukum weng bakanin taw keimsa ko.

Daw misun 13:14

Aka bakan dim wanang kinim iyo alam dubat dubatin dim kasen keiyamámsa, be kamakikiw sew iniman ami kitid tuw kanayamsa. Kale aka kamakikiw sew iniman woksek tuw anbidiw iwit so alam kano kaunsin teinsa ami luk wanang kinim iyo kanamino yaka, ika am kit uyo kidel bom win kufádawsiw.

Daw misun 13:15

Kale sew iniman siwsiw man taw ayo kitid soim kayo aka kamakikiw sew iniman ami kit kidel daudiw ayo mam daudawa nade matam ken weng bako nada, “yak kan ata naka suksuknamongin banim iyo anudokabiw kaloma.”

Daw misun 15:2

Naka kaek fenomo wok mik dukum alataw mak be atan fiyam kainbano kalomo as so dák mak dabano kalomo, wok mik kinango be kinim yak kan ita sew iniman so am win fut so am kit so uyo anik anik keidaw sidiw ita todbiw ka, yakeisi. Kale ika Got alata tadám kuyama faku dábiw.

Daw misun 16:13

Kale beta naka sinik mafak alewbinon mak itamsi bidi kul taw. Kale mak be mátuw dukum bon tem kalo maek aba nade mak be sew iniman bon tem kalo maek aba nade mak be akal ibakanin lum senin kinim bon tem kalo maek abe ausidiw ko.

Daw misun 17:16

Kale sew iniman so idis nangal kal so itam sadaw tabe leiw wanang uyo kus utamokabiw. Kale ika wanang umi ufek ufek uyo adikum dakimam nadiwade kudáliw, uka kál misun teinune, ika um dam uyo wane nadiwe as kuek teidiw kain kidálokabu.

Daw misun 17:3

beta ensel ayo Sinik Abem tuw namadewa unuw ki, un bi anang iwán sed gisa bakan mak unuw. Kale beta naka wanang mak sew iniman kas dim teinbu ka, waki. Kale sew iniman ami kal dim be Got ami win ididlawin ki adikum godu falal dok mosiw. Kale sew iniman gebom be fet kal ade idis sanam ata nangal kal.

Daw misun 17:5

Kale um dabal kun dim be gebom weng mak godásiw. Kale gebom weng belami mit ayo kalo weng wánin ko. Kale weng godusiw ade bela ka. BABILON ABIW DUKUM, LEIW WANANG IMI AKUN ADE BAKAN DIM KUKUW ATIN MAFAK MIT KAYAK. Kalesiw.

Daw misun 19:19

Kale beta naka kalomo sew iniman so bakan kamok kamok so ilim un tabudin kinim so iyo tada tada dek amki nadiw kinim auos dim teinba so alam un tabudin kinim so iyo tabuduw gelei wako dau ginanumo kana bidiw itamsi.