Daw misun 1:3 - Got weng abem: Alokso abino kalin

³ Kale kiba sun kuw lum senin weng bela Got wanang kinim gu kíyamokabiw, kiba Kamok ami im kinim dákamin makik uyo kudulokabiw. Ade kan ata buk belami kíbiw be kidi nadiwade yak ulum bakabu uyo kanamokabiw, ika iliso im kinim dákamin makik iyo kudulokabiw. Kale am atan mew tadokabu kal adikum ufek ufek bakabu bo kanam matam dam keidokabu.

Got Weng Abem

³ Kale kiba sun kuw lum senin weng bela Got wanang kinim gu kíyamokabiw, kiba Kamok ami im kinim dákamin makik uyo kudulokabiw. Ade kan ata buk belami kíbiw be kidi nadiwade yak ulum bakabu uyo kanamokabiw, ika iliso im kinim dákamin makik iyo kudulokabiw. Kale am atan mew tadokabu kal adikum ufek ufek bakabu bo kanam matam dam keidokabu.

Daw misun 1:3 ပူးပေါင်းရင်းမြစ်များ

Matiyu 24:15

Lum senin kinim Daniel aka ‘taltalin kukuw mafak mak kanam tadokabu’ umi sung bakosa. Kale kanodin kukuw mafak be abin abem kal tod budu utamokabaw. (Kale kinim kan kawta weng bela kídaw namti, kidela kal keidal kala.)

Luk 11:28

Yesus weng atung fakadu bakomam, “á yak kan kiwta Got weng kidi dudew tabe bidiw namti, kiba idak abin teinokabiw ka.” Kalesa ko.

Udom 13:11

Nam kano bakabi, be watawo kaleyo bá, nuka atin am dánámin babid teinbuduw. Kayo kamane am dána ki, kalam akálámin uyo kudá kaunal kala. Kaleyo kamane Kadais ayo atin mewso as kainin abiw abebaw kalo kail bá takeikuyamono kale fasko be. Kata kamakikiw mit kei afan kalesuw bo sikam so alanámsu, kata atin kamane utane mewso keibu ka.

Udom 13:12

Midilin kukuw mafak kanamin bo mew banimono, kalebu ade kidel teinámin atan usik mewso tadbu. Kayo nuka midilin umi ufek ufek kanamin bo kudá naduwe lánin umi wasi ginanin umi gelei ginanin ufek ufek uyo kudu fasko naduwe

1 Bita 4:7

Kale ufek ufek adikum uyo mewso kamkam wakadám tadbu kala. Kaleyo kibil fiyaw fukan dákanin kinim ade lábino ken Got suksuklawin wanang kinim keidokabiw ko.

2 Bita 3:8

Nalam nikil fikal kiba, weng mak bela aket lukuwyamámin bá, Kamok ami utaba ayo ki itol 1000 be am makuw dánámin ulutaw ade am makuw am dánámin be 1000 itol ulutaw kala.

Daw misun 22:10

Kale aka bakonam, “kaba buk bulami tem lum senin weng uyo kuwáyamin bá, watawo kaleyo bá, weng bulayo mewso matam dam abudongin keimu.

Daw misun 22:12

“Kaba utamalo! Naka mewso tadono kalebi. Kale nam kisol yán adikum uyo nalata fakubi. Kale naka wanang kinim ilim kukuw fakusiw ki abo yán kuyamokabi.

Daw misun 22:20

Kale kinim ufek ufek adikum alam kin wala utamse ayo bako nadule, “au, naka mewso tadanbi.” Kalane, Yon ayo bako, “au, afan Kamokin Yesus, kaba tadalo!” Akeisa ko.

Daw misun 3:11

Naka atin mewso tadokabi, kayo kilim ufek ufek kidel fakusiw uyo kidela fakaw faku sidiwo kala. Kale kinim kukum iyo tad kim yán kudumo kanabiw uyo kukiyamodiw banim.