Daw misun 1:11 - Got weng abem: Alokso abino kalin

¹¹ bako nada “kaba ufek ufek adikum utamokabaw uyo kudew yak buk dim godu nadawe kudálaw yak Got ami kinim gu fet kal itamuk kala. Kale abiw win be Efesis, Simana, Bekamam, Tayataida, Sáddis, Filaddelfiya ade Leoddisiya itamuk kala.”

Got Weng Abem

¹¹ bako nada “kaba ufek ufek adikum utamokabaw uyo kudew yak buk dim godu nadawe kudálaw yak Got ami kinim gu fet kal itamuk kala. Kale abiw win be Efesis, Simana, Bekamam, Tayataida, Sáddis, Filaddelfiya ade Leoddisiya itamuk kala.”

Daw misun 1:11 ပူးပေါင်းရင်းမြစ်များ

Sinik Abem 16:14

wanang ika weng be kidi bidiw. Kale wanang imi iw tem be wanang mak um win Liddiya, uka abiw dukum Tayataida kal bom ilim kas kal wansiki dusikín wanang ade uka Got win kufádawin wanang, kale Kamokim tabe aket kidelumama umi kilung tem bá, Faul ami weng bakanba uyo kidilawune,

Sinik Abem 18:24

Kale kana badane, kinim mak am win Abolas, aka Yu Kayak ade am abiw be Aleksanda kalo tad Efesis kal tein be. Ade aka sung kidel kuw bakamin kinim ade Got weng buk bo adikum alam kal keisa kinim ade

Sinik Abem 20:17

kayo aka Miletas abiw kawákal weng kudála tam Efesis abiw Yesus afan kalin im gebom gebom itamiw tadino, kale weng kudála tam unu kidi tadiw.

1 Kodin 15:32

Naka talá tabamin be afan kale nadino kayo Efesis abiw sew iniman atud so ginansi, kata nuka talá tabamin uyo afan kalongin banim nam, nuka bako naduw, “sák amsino fikalokabuw bo num kal banim kale bo kidelin bá, ulum imin wan bom wok wan bom idak teinámin bo.” Kalanongino ko.

1 Kodin 16:8

Kata naka Efesis abiw kawákal tein sidi, God Kámin ban bomin atan keidokabu.

Efesis 1:1

Naka Faul Got alata walu namudano, Yesus Kadais ami weng dew kámin kinim keisi. Nata sauk kon bela godu dau Got wanang kinim Yesus tubadew aboyámin Efesis abiw bidiw kimino kale dauyami ko.

Kalose 2:1

Nam aket, kiba nam kim luk wok kitid fakudin so Leoddisiya abiw wanang kinim im luk wok kitid fakubi so yak wanang kinim nam madik itamongin banim luk nam wok kitid fakubi so uyo kal keidin kala.

1 Timoti 1:3

Nam aket Efesis abiw kal teinalo, kaki. Kale be nalam Maseddoniya bakan unom nadi kitid weng bakokam nadile kaba be kanamalo, kakeisi beta ko. Kale Efesis abiw kawák kayak kinim madik imi ibakamin guton sawa kukubiw iyo bakoyamaw kudá nadiwe

Daw misun 1:17

Kale naka atam nadine kinbud une fikalin taw kutin dák alam yán mewso kal abine alam teng miskun uta dew yak nam dim tei nadane bakonam, “kaba fingánin bá, naka nalata ki Gebom ade nalata ki Adik adik ko.

Daw misun 1:19

Kaleyo kaba ufek ufek utamaw bo kamane bu so yanol matam bokabu so uta kale bo godulalo.

Daw misun 1:2

Ade Yon aka alam ufek ufek adikum utama uyo weng foka dau bakose. Kale bela alam sung Got ami weng ade tatun weng uyo Yesus dim kuw misun dáse.

Daw misun 1:20

Kale naka milum fet kal nam teng miskuno faku bidi itamaw so yakom bán tum gol tuw kidel kusiw utamaw so umi mit abem wánabu uyo bakokamongin nami kale milum fet kal be Got ami kinim gu fet kal imi weng dew kámin umi guton ade yakom bán fet kal be Got ami kinim gu fet kal umi guton ko.”

Daw misun 1:4

Kale sauk kon bela Yon ata Got ami kinim gu fet kal bakan Eisa bidiw imino kale godu kuyamase. Kale Got kamane be so suwayo bisa so alo yanol tadokaba so Sinik Abem fet kal imak imak makuw alam abin abem kin gubuyo bidiw

Daw misun 1:8

Kamokim Got aka bako nada, “naka nalata ki Gebom ade nalata ki Adik adik ko.” Kalesa, aka adikum kitid kayakim amsun, aka katow tein tasa, kamane teinbe ade katow tein unokaba. Kale afan ko.

Daw misun 10:4

Beta naka godono kanamine abid tikin katam kalo weng mak bakonam “kaba, kimun fet kal imi weng bakanbiw be godin bá. Kalo iwálu kudálalo.” Nakeisa.

Daw misun 14:13

Kale beta naka alo abid tikin weng mak bakoda kidili uyo bako, “bela godulalo, kudew tad kadák di kudew unu uyo kinim kan ata Kamok alaso makuw kei alom fikala kaí, aka kalfalba.” Sinik Abem ayo bako, “au be afan, ika ilim wok dukum fakusiw uyo kudá finudokabiw kale ilim kanamusiw yán uyo iliso be.” Kalesa.

Daw misun 19:9

Kale beta ensel ayo bakonam, “bela godulalo! ‘Yak kan ita Siwsiw man ami wanang kudu nada liwliw wanumo kale gán dáyama tadiw, ika im kinim dása.’ ” Kale ensel aka bako, “bidi kalata atin Got weng tatun ko.” Kalane,

Daw misun 2:1

“Kaba weng bela Got ami kinim gu Efesis abiw kayak imi weng dew kámin kinim ami godulawal kala, kalesa. Kale weng bela, kinim milum fet kal alam teng miskun faku nadanade yakom bán gol tuw kidel kusiw iwyak tem kába kinim ayo bako,

Daw misun 2:12

“Kaba weng bela Got ami kinim gu Bekamam abiw kayak imi weng dew kámin kinim ami godulawal kala. Kale weng bela kinim woksek madik fidá madik fidá ausa kinim ata bako,

Daw misun 2:18

“Kaba weng bela Got ami kinim gu Tayataida abiw kayak imi weng dew kámin kinim ami godulawal kala. Kale weng bela Got ami Min ami kin as kain bi miling milingba taw ade ami yán ayo tum daw fudaw kain bi mán falang keiba taw ata bako,

Daw misun 2:24

Kata naka yak madik Tayataida tein bidiw kiba, um kukuw mafak kukumin bo mak abodongin banim ade kiba kinim wanang madik im bako, ‘Mafakim ami kukuw atin wánin bo abemo’ kalbiw, bu mak kal keidongin banim, kayo naka bakoyam kiba idum mak kuyamomi báyo, yaki ko.

Daw misun 2:8

“Kaba weng bela Got ami kinim gu Simana abiw kayak imi weng dew kámin kinim ami godulawal kala. Kale kan kinim ata gebom ade yanol keiyamin kinim aka fikale nadale asiki talá tabese kinim ayo bako,

Daw misun 21:5

Kale abin abem teinba ayo bako nadane, “naka alokso ufek ufek adikum kidelbi.” Kale aka bako nada, “weng bela godulalo, weng bela atin afan kale aket kukámamin kala.” Kalesa.

Daw misun 22:10

Kale aka bakonam, “kaba buk bulami tem lum senin weng uyo kuwáyamin bá, watawo kaleyo bá, weng bulayo mewso matam dam abudongin keimu.

Daw misun 22:16

Kale naka Yesus nalata ensel bela dabadáli dák nadale nam weng sawa bela adikum Got ami kinim gu makuw makuw kuyamal kala kalesi. Kale naka Dewit kinim Mito matam tasi ade naka Kutim Fiyade ko.”

Daw misun 3:1

“Kaba weng bela Got ami kinim gu Sáddis abiw kayak imi weng dew kámin kinim ami godulawal kala. Kale Got ami Sinik Abem ami kukuw fet kal so milum fet kal so fakuba kinim ata weng bela bako, naka kim kanamaliw bu nalam kal ade nalam kal keidomo kinim iyo bako, ‘kiba kaunsin sun biyámin sinik so bidiw,’ yakanaliw, kata bá, nam aket kiba fikalesiw.

Daw misun 3:14

“Kaba weng bela Got ami kinim gu Leoddisiya abiw kayak imi weng dew kámin kinim ami godulawal kala. Naka nalata ki afan kanamin kinim, kale kin dok di afan kalin so afan kin walamin kinim ade naka Kamokim Got ufek ufek kidelbisa adikum kin moyámin kinim kala kaleyo bela nalam weng adik dáw bakayabi.

Daw misun 3:4

Kata kinim madik katiw mak Sáddis abiw bidiw kiba ilim kál baim banim kidel miki bidiw, kayo kiba naso kámokabiw ade kiba ilim namal mikidokabiw, be watawo kaleyo bá, kiba kano kudulumo kale kidelu fasko leiw fen bom be kanodumo kalbiw kayo ko.

Daw misun 3:7

“Kaba weng bela Got ami kinim gu Filaddelfiya abiw kayak imi weng dew kámin kinim ami godulawal kala. Kale weng bela kinim abem ade tatun kinim, aka kinim Dewit ami yal kí fakudin kinim, aka bisuda kinim teinu mánu ika leidodiw banim ade aka leida kinim teinu mánu ika ken bisudoliw banim, ata bako,