Daw misun 1:1 - Got weng abem: Alokso abino kalin

¹ Kale buk bela Yesus daw misun teisa umi sung kale be Got ata Yesus kudawane ata Got alam wok fakudin kinim kuyama, ika ilim kal kei utaw uta mewso matam bokabu. Kalesidiw be Got aka ensel dabadála madák alam wok fakudawin kinim Yon dim abu alam kal keisa.

Got Weng Abem

¹ Kale buk bela Yesus daw misun teisa umi sung kale be Got ata Yesus kudawane ata Got alam wok fakudin kinim kuyama, ika ilim kal kei utaw uta mewso matam bokabu. Kalesidiw be Got aka ensel dabadála madák alam wok fakudawin kinim Yon dim abu alam kal keisa.

Daw misun 1:1 ပူးပေါင်းရင်းမြစ်များ

Yon 12:49

Kata nam weng bakabi uyo nalam weng adik dáw bá. Be Natim namadála tasi ata bakonam, beta bakodal bakodal nak bom nadane kanam kalal kanam kalal nak badano bakabi.

Yon 15:15

Kale naka alo makso bakoyam kiba nalam wok fakudin kinim yakomi banim. Be watawo kaleyo bá, wok fakudin kinim ika ilim kamok ami kukuw kanaba uyo mak kal keidoliw banim. Kayo naka bakoyam, kiba nalam nakanum kasalo yakbi watawo kaleyo bá, alo naka Natim ami ufek ufek adikum kal keibi uyo kibil adik bakayam bidi kilim kal keibiw, kayo kala.

Yon 17:8

Kayo naka kam weng kunamsaw uyo ika bakoyami kudew fakusidiw, ika atin afan kal keidomo, naka kamiyo kal tasi ade im aket afan naka kawta namadálaw tasi kalebiw ko.

Yon 3:32

Kayo aka abid tikin ufek ufek atam kidi ayo kin walayam bakoyam keisa. Kata am weng uyo kinim adikum ika kidilongin danim.

Yon 8:26

Naka ken seng kuw bako dok dabal teiyam, kiba kanamaliw yakei nadine kidela seng kuw kukuyamongin, kata Natim namadála tasi ayo bako kanamalo nakongin banim, kayo naka yak alam kano bakodalo nakba kuw bakayabi. Kale aka afan tatun kuw kanamin kinim kayo kala.” Yakane,

Udom 16:25

Nuka Got win lamlam so uyo kufámum kala. Kale Got ata kuw nam wanang kinim sung kidel bakayabi tuw kilim afan kalin uyo im kitid modokaba ade Yesus ami sung tuw im kitid modokaba. Kale Kadais ami sung be suwayo kal wána kudew tadabi kadák dida, kata kamane lum senin kinim imi weng godusiw dim misunase ade Got Motabid alata bakoyam, “yak anang bakan adikum uyo sung bakayamiw, adik ken afan kale kidilino.” Yakeise.

Galesia 1:12

Naka weng be kinim dim kal kudusi bá ade be kinim ita kukunamsiw bá. Kata be atin afan Yesus Kadais ata kidásu kukunamano, nata tabe bakoyamsi ka.

Efesis 3:3

Got akal alata naka alam iwál weng uyo kuw kaim dánamase. Kale naka bo katiw mada mak sauk kon belami tem goduyabi ko.

Taitas 1:1

Naka Faul, Got ami wok fakudin kinim ade Yesus Kadais am weng dew kámin kinim nata sauk kon bela godi. Kale naka Got alata walunamu nadane yak Got alam wanang kinim walu imusa imi afan kalin im kitid sánalo, kale namadála tasi ade naka namadála tad weng tatun leiw uyo dakáya bidino kal keidino, kale tasi. Kale weng tatun belata wanang kinim leiw kukuyama Got afan kalokabiw.

Daw misun 1:19

Kaleyo kaba ufek ufek utamaw bo kamane bu so yanol matam bokabu so uta kale bo godulalo.

Daw misun 1:9

Naka Yon kilim king naka kiwso nalaso makuw nikil nuka Yesus so dam makuw keisuduw, kayo naka kiwso makuw kál funin kudabuw ade yak Got ami kasák gu buduw ade kanodin idum dukum dukum, kata nuka ulum kano naknek fakadá buduw. Kayo naka namadew yak wok iwyak bakan katiw mak win Batmas kal namtidiw bi, be watawo kaleyo bá, naka Got weng baka bidino kayo ade afan Yesus be daw misun dáse ka.

Daw misun 17:1

Kale beta ensel fet kal ket, fet kal fakubiw imi makuw mak ata tad nadale bakonam, “tadawo, naka win tabin leiw wanang umi sok gei tabokabu uyo kukukamono. Uka wok dang dim seng seng tein kámusu.

Daw misun 19:10

naka ensel alam mit tem katun fakela suksuklawono kanamine, aka bakonam, “kanamin bá! Naka kafadow kalaw so kalam nikil fikal so makuw Got wok fakudaw bom Yesus ami sung tatun bakayamin kinim. Kale Got ata suksuklawo, watawo kaleyo bá, Yesus ami sung tatun ayo ki Sinik abem dim adikum lum senin kitid kukayaba kayo ko.” Kalesa.

Daw misun 19:9

Kale beta ensel ayo bakonam, “bela godulalo! ‘Yak kan ita Siwsiw man ami wanang kudu nada liwliw wanumo kale gán dáyama tadiw, ika im kinim dása.’ ” Kale ensel aka bako, “bidi kalata atin Got weng tatun ko.” Kalane,

Daw misun 21:2

Beta naka Abiw Abem Yedusalem alokso uyo abid tikin kalo Got alata kudála madák abu utamsi. Kale alokso Yedusalem um kait kidel kei nadu madák abu utamsi uyo wanang sei kinim kudulono kale ilim kidel mikidin taw kei tadu utamsi.

Daw misun 21:9

Kale ensel fet kal ika ket fet kal ade adik adik idum fet kal fakusiw. Kale ensel makuw mak ata tad bakonam, “tadawo, naka wanang sei Siwsiw man ami imin fakadu kuduse uyo kukukamono,”

Daw misun 22:1

Kale ensel ayo wok sinikso wok mak kukunamse, be sinik kitkow taw ade wok be Got so Siwsiw man so im abiw abemo kal fuk tam dá tade

Daw misun 22:16

Kale naka Yesus nalata ensel bela dabadáli dák nadale nam weng sawa bela adikum Got ami kinim gu makuw makuw kuyamal kala kalesi. Kale naka Dewit kinim Mito matam tasi ade naka Kutim Fiyade ko.”

Daw misun 22:6

Kale ensel bakonam, “weng bela atin afan ade aket kukámamin ko. Kale Kamokim Got aka lum senin kinim imi sinik adiyamsa. Kale aka ensel mak dabadála yak lum senin kinim iyo ufek ufek mak mewso kanam matam bongin namuno yakei kukuyamsa ko.”

Daw misun 22:8

Naka Yon, nalata ufek ufek adikum bela kanodu kidi, utam ausi. Kale naka adikum bo kidi, utam au nadine ensel mewso kal katun fakela suksuklawono kanami.

Daw misun 22:9

Kata aka bakonam, “kanamin bá, naka kafadow kalawso alew makuw wok fakudin kinim ade kalam nikil fikal lum senin kinim iliso makuw wok fakudin kinim ade naka wanang kinim adikum buk bulami weng kidi fakusiw so nikil num makuw. Kale namadá nadawo Got ata kuw suksuklawalo.” Nakeisa.

Daw misun 4:1

Alo yanol naka katam fenomo awsom yal mak bisu beno kalomo be abid tikin kal ka. Kale weng be kidilomo, be kamakikiw weng dukum fudong ket weng taw kidibi, uta ka, kaline bakonam, “matam tadalo, naka yanol ufek ufek kanam tadokabu, buta kukukamono kanabi.” Nakeisa.

Daw misun 5:7

Kale Siwsiw man ayo tad abin abem teinba Kinim ami buk fongtuw falalin teng miskuno fakuba uyo kukidawsa ko.