3 Yon 1:11 - Got weng abem: Alokso abino kalin

¹¹ Kale nam takon kaba, kaba yak kukuw mafak kanabu uyo aboyámin bá, kata kaba yak kukuw kidel kuw abodal kala. Kale kan ata kukuw kidel kanaba aka Got ata dabadála tada ade kan ata kukuw mafak kanaba namti, aka Got atamongin banim.

Got Weng Abem

¹¹ Kale nam takon kaba, kaba yak kukuw mafak kanabu uyo aboyámin bá, kata kaba yak kukuw kidel kuw abodal kala. Kale kan ata kukuw kidel kanaba aka Got ata dabadála tada ade kan ata kukuw mafak kanaba namti, aka Got atamongin banim.

3 Yon 1:11 ပူးပေါင်းရင်းမြစ်များ

Yon 10:27

Kata nalam siwsiw ika weng kidinamábiw ade nalam siwsiw ika nalam kal ade ika nalam yán aboyábiw.

Yon 12:26

Kale kan ata nam wok fakunamon kala namti, aka tad nam yán abodak kala. Kale nam wok fakudin kinim iso nalaso nuka makuw bokabuw ade nam wok fakudokaba, be Natim ta bom ami win kufodawokaba ko.

Yon 3:20

Kale adikum kan ita mafak kuw keimusiw, ika lánin itamomuno, kale adut boyabiw ade ika maek lánin tem tade modiw banim, watawo kaleyo bá, ilim kukuw mafak uyo kuw misun teiyamomu kala kale nadiwo kayo ika fingánábiw. Kale imkanamábiw uyo im misun teida adikum utamokabiw ka.

1 Kodin 11:1

Kale kiba nam kukuw kukuyabi umi abodokabiw, be nalam Kadais alam kukuw kukunamase abobi taw uta ko.

1 Kodin 4:16

Kale naka munyamino, kiba nalam kanamábi kukuw taw uyo kibil kanamin kala.

Efesis 5:1

Kiba Got alam muduw atin alam aket keisidiw. Kala kaleyo Got alam kukuw taw ki faku biyámin kala.

Filibai 3:17

Nam nikal fikal kiba, nam kukuw be ki abo nadiwo yak kilim abiw wanang kinim madik nam yán abo bidiw iso makuw kei, num kukuyam suduw be ki abodin kala.

1 Tesalonaikka 1:6

Kale kiba num kukuw so Kamok ami kukuw so ki abo bom nadiwade num sung kidel dauyamuw kidisidiw uyo Sinik Abem ata adiyama kalfal bom ulum kano kál funin seng kudew tabesiw.

1 Tesalonaikka 2:14

Kale be Yesus Kadais ami wanang kinim gu adikum Yuddia bakan bidiw iyo Yu kayak ilita tal leiw kukuyamsiw taw, kibil kibilim abiw kayak ilita tal leiw kukuyabiw.

2 Timoti 3:10

Kata kaba nam kukumin so nam teinámin so nam kukuw kanamin so nam afan kalin so nam dakbuyámin so nam wanang kinim aket kukáyamin so nam kukuw kidel ken dudew tabamin so

Ibidu 6:12

Nuka num aket Kadais yán aboyámin uyo kiba kakan keiyamámin báyo, yakbuw. Kata kiba yak Got afan kale fibuyámin taw keidin kala. Kale afan kalin ika Got alam weng takadáyamsa uyo kudokabiw.

1 Bita 3:11

Kukuw mafak fákanin uyo ibik dumam nadiwade kukuw kidel kuw kana bom abino kalin dakbuyámin kukuw uyo yakik fakudin kala.

1 Bita 3:13

Kale kiba kukuw kidel ki aket kumamokabiw, be kan ata kál funin kuyamokaba?

1 Yon 2:29

Kale kibilim kal Got ata kuw kidel ade kibilim kal kan ata kidel kuw keimába namti, ata Got ami man kate.

1 Yon 3:10

Kale kukuw taktaku au beta Got ami man au, beta Mafakim ami man kalin ade bela ka. Kan kinim ata kukuw kidel fakudongin banim ade duw ifin aket kuyamongin banim kaí, be Got ami man bá ka.

1 Yon 4:1

Nalam duw ifin kiba, wanang kinim bako nuka Got Sinik dabadusuwo, kalbiw iyo afano kale aket kukáyamin bá, kata kiba sinik be afet dau afan Got amiyo kal tadeba, kaleyo kuw kala. Kaleyo ibakanin lum senin kinim seng iyo bakan adikum yak aba maek aba ausidiw ko.