1 Yon 4:8 - Got weng abem: Alokso abino kalin

⁸ Kata kan ita aket kudawa kudawongin banim, ika Got im kal banim. Kale be watawo kaleyo bá, aket kudawa kudawain be Got alata kayo ko.

Got Weng Abem

⁸ Kata kan ita aket kudawa kudawongin banim, ika Got im kal banim. Kale be watawo kaleyo bá, aket kudawa kudawain be Got alata kayo ko.

1 Yon 4:8 ပူးပေါင်းရင်းမြစ်များ

2 Kodin 13:11

Kamane nalam nikil fikal, naka bakoyam tein bidiwano, yaki ko. Kiba kibilim mimin dok dibidiw uyo atin kanomamiw kideluk kala. Kale nalam bakoyamsi beta kuw kana bom nadiwo aket makuw kei bom nadiwe abino kalin dim biyá bom nadiwe aketo kalin so abino kalin so Got ayo kiwso bok kala.

Efesis 2:4

Kata Got ami aket budunin be dukum, kayo aka atin aket seng kuyamsa.

Ibidu 12:29

Kale nulum Got aka mew adikum ufek ufek bo kufuda kain kidá banimámin Got kala.

1 Yon 1:5

Kale kamane weng bela Min alami dim kal kidi suduwo bakoyamuw kala. Kale Got be lánin, kata ami tem kaok be atin midilin katiw so bá ko.

1 Yon 2:4

Kata kinim mak bako nada, “naka Got be nalam kalo,” kalba, kata alam weng kidi fainfainongin banim kei be namti, aka ibakanin kinim ade aka tatun weng uyo ami kidin tem so mak bongin banim.

1 Yon 2:9

Kan ata bako nada naka lánin dim bi kae, kal bom nadane alam duw ifin ita sakik ita bom keiba namti, aka midilin tem kal bom kanaba ko.

1 Yon 3:10

Kale kukuw taktaku au beta Got ami man au, beta Mafakim ami man kalin ade bela ka. Kan kinim ata kukuw kidel fakudongin banim ade duw ifin aket kuyamongin banim kaí, be Got ami man bá ka.

1 Yon 3:6

kayo kinim kan ata Yesus ami mit tem be namti, aka ulum kano ban keimoma banim, kata aka sun kuw ban keim una namti, aka Yesus be atamsa bá ade am kal keisa banim.

1 Yon 4:16

Kale nuka nukul afan kale Got aket kukáyaba umi dim teinum kala. Kale Got aka aket kudawa kudawain ade alata, kayo kan ata Got aket kukáyamin umi tem be namti, aka Got ami tem badane Got akal ami tem bada keibiw kala.

1 Yon 4:7

Nalam duw ifin kiba, nuka aket kudawa kudawa bom naduwo kala, watawo kaleyo bá, aket kudawa kudawain uyo Got amiyo kal tadebu kayo ko. Kale kan ita aket kudawa kudawain bidi Got ami muduw ade Got ayo ilim kal.