1 Yon 4:7 - Got weng abem: Alokso abino kalin

⁷ Nalam duw ifin kiba, nuka aket kudawa kudawa bom naduwo kala, watawo kaleyo bá, aket kudawa kudawain uyo Got amiyo kal tadebu kayo ko. Kale kan ita aket kudawa kudawain bidi Got ami muduw ade Got ayo ilim kal.

Got Weng Abem

⁷ Nalam duw ifin kiba, nuka aket kudawa kudawa bom naduwo kala, watawo kaleyo bá, aket kudawa kudawain uyo Got amiyo kal tadebu kayo ko. Kale kan ita aket kudawa kudawain bidi Got ami muduw ade Got ayo ilim kal.

1 Yon 4:7 ပူးပေါင်းရင်းမြစ်များ

Yon 13:34

Kale kamane naka alokso weng sawa dauyamon kala, kale akanum aket kudawa kudawain uyo nalam aket kuyamsi ulutaw ki kano akanum aket kudawa kudawain kala.” Yakei nadane bako,

Yon 17:3

Kale sun biyámin ade bela kabe. Kale kinim iyo kaba ilim kal kei kaba atin Got kakeibiw kuw ade Yesus Kadais ilim kal kei kawta dabadálaw tasa, kale audin kala.

1 Kodin 8:3

Kata kinim kan ata Got aket adik dáw kudawsa kinim ayo Got aka kinim be alam kal keisa kala.

2 Kodin 4:6

Kale kamakikiw Got ayo bako, “midilin tem be lánámako!” Kalane, lánsa. Kale bemi kanosa Got makuw alata ki lánin dew tad numi aket tem lána kukáyaba. Kale lánin be alata ken au yakano kal keidomo Got ami lamlam uyo kudew yak Kadais dim kal yakobe ka. Kalbuw ko.

Galesia 4:9

Kata kamano kiba tatun Got ayo kibilim kal keibiw, kata Got ata atin kiba kidela alam kal keiba ka. Kata nam aket babánbi ayo ki kiba dusiki ayo bakan dim sinik imi mit tem unbiw kayo ko. Bakan kin modin sinik ika mada balut ade atin babid bá kala. Kale be watawo kaleyo kiba asiki imi akfak tem unumo, kanamiwe?

Galesia 5:22

Sinik Abem ami kukuw kukayaba ade bidi kalata ko, aket kudawa kudawain, aket idak teinámin, aket dakbuyámin, awkinum daw kidel bada daw kidel bada keimin, kukuw kidel kuw kanamin,

2 Timoti 1:7

Kaleyo Got ami Sinik Abem dauyamase, be kanoyama fatom fatomin bom gei duyámin sinik bá, kata aka kitid kukáyamin so aket kudawa kudawain so kalam kukuw adomamámin so umi kukáyamin Sinik ko.

1 Bita 1:22

Kale kamane kiba tatun weng uyo kidiyábiw, kayo umi tudow dim kim aket tem uyo ifiw banim atin kidelasidiw. Kale kiba kilim kafadow kasel Got afan kalin iyo atin kidela aket kuyam bom atin im aket uyo fikale bom nadiwo kala.

1 Yon 2:10

Kale kan ata alam duw ifin iyo aket kukáyaba namti, aka lánin dim kal sun kuw be kayo aka watawnak uta am kidin tem buno masi, leiw akidawu bim gi dádoma banim.

1 Yon 2:29

Kale kibilim kal Got ata kuw kidel ade kibilim kal kan ata kidel kuw keimába namti, ata Got ami man kate.

1 Yon 2:3

Kale nuka Got weng kanamino, yakba uyo kidi fainfainokabuw, beta atin kal keidomo Got be afan nulum kal kei buduw ka, kalokabuw.

1 Yon 2:4

Kata kinim mak bako nada, “naka Got be nalam kalo,” kalba, kata alam weng kidi fainfainongin banim kei be namti, aka ibakanin kinim ade aka tatun weng uyo ami kidin tem so mak bongin banim.

1 Yon 2:7

Nam lonal kiba, naka bula alokso weng sawa goduyami bá, kata bo dil weng sawa suwayo kamakikiw mit tabin kal, kal keisiwo asawil goduyami ko.

1 Yon 3:9

Kaleyo kan ata Got ami man namti, aka ulum kano ban keimoma banim, watawo kaleyo bá, Got alami kukuw uyo am kidin tem bu ade Got ayo alam Alaw kayo aka sun kuw ulum kano ban keimoma banim.

1 Yon 4:11

Kale nalam duw ifin kiba, Got aka belata kano aket kuyamase namti, nukul kano aket kudawa kudawa yum kala.

1 Yon 4:12

Kale be kinim so mak Got be atamsiw bá, kata nuka akanum ata aket kudawa kudawa keimuw namti, Got ayo num kidin tem kal be ade num aket kudawa kudawain uyo atin kidela kuyamokaba ko.

1 Yon 4:16

Kale nuka nukul afan kale Got aket kukáyaba umi dim teinum kala. Kale Got aka aket kudawa kudawain ade alata, kayo kan ata Got aket kukáyamin umi tem be namti, aka Got ami tem badane Got akal ami tem bada keibiw kala.

1 Yon 4:20

Kinim kan ata bako, “naka Got aket kudawsino,” kalba, kata alam duw ifin iyo aket kus itabe namti, aka ibakamin kinim, kale aka alo kinim alam kin itamanba iyo aket kuyamongin banim namti, aka Got alam kin atamoma banim ayo aket kudawoma bá ka.

1 Yon 4:8

Kata kan ita aket kudawa kudawongin banim, ika Got im kal banim. Kale be watawo kaleyo bá, aket kudawa kudawain be Got alata kayo ko.

1 Yon 5:1

Kale kan ata Yesus Kadais be afan Got ami Man, akei nadane alaw aket kudawa namti, alam Man so aket kudawa ka.

2 Yon 1:5

Kale wanang kuba, nam kanamin weng bakabi bo alokso weng bá, kata bu dil kamakikiw mit tabin kal kidisuduw. Kale be aket kudawa kudawaino kalin weng uta ko.