1 Yon 4:16 - Got weng abem: Alokso abino kalin

¹⁶ Kale nuka nukul afan kale Got aket kukáyaba umi dim teinum kala. Kale Got aka aket kudawa kudawain ade alata, kayo kan ata Got aket kukáyamin umi tem be namti, aka Got ami tem badane Got akal ami tem bada keibiw kala.

Got Weng Abem

¹⁶ Kale nuka nukul afan kale Got aket kukáyaba umi dim teinum kala. Kale Got aka aket kudawa kudawain ade alata, kayo kan ata Got aket kukáyamin umi tem be namti, aka Got ami tem badane Got akal ami tem bada keibiw kala.

1 Yon 4:16 ပူးပေါင်းရင်းမြစ်များ

Yon 6:69

Kale nuka aket kukam naduwade nulum kal keidomo, kaba Got ami Kinim Abem. Kalbuw.” Akane,

Yon 9:3

Yesus ayo bakoyam, “am kin mat keisa, be aulal imi ban keimin so alam ban keimin so uta kanodawsu bá, kata be kano kin mat kei badano am dim kal Got ami kitid uyo matam misunuko, kale kanosa.

1 Kodin 2:9

Got lum abem senin kinim Aiseya adilawa sauk kon tem godusa uyo bako, “Got ami ufek ufek kidelok kidelok alam aket daudawsiw imino, kale kidelyaba, be kinim so mak utamsiw bá, kinim so mak kidisiw bá ade kinim so mak aket fukan bom bo kana kanodin tawo, wakeisiw bá ko.” Kalesa.

1 Yon 3:1

Kale kiba, num Natim ami aket kukáyamin uyo utamino, ami aket kukáyamin uyo atin afalik dukum kayo Got aka nalam muduwo, yakba kala. Kaleyo afan nuka Got alam man. Kale bakan kayak ika nuka im kal keidongin banim, be watawo kaleyo bá, ika Natim Got ayo im kal banim kayo ko.

1 Yon 3:16

Kale nuka belata kal keidomo aket kudawa kudawain ade kabeno, kalesuduw ayo ki Yesus num luk dudu fikalese, kayo nukul nulum duw ifin im luk duda bom fikalanámum kala.

1 Yon 3:24

Kale beta nulum kal keidomo kan ata Got ami weng sawa kidilaw be kaí, aka Got so be ade Got akal aso be kalin kala. Kaleyo beta atam nuka kal keidomo, nuka Got so buduw ka kalbuw. Kale be Got alam Sinik Abem dauyamsa alata afan weng bakayaba kayo ko.

1 Yon 4:7

Nalam duw ifin kiba, nuka aket kudawa kudawa bom naduwo kala, watawo kaleyo bá, aket kudawa kudawain uyo Got amiyo kal tadebu kayo ko. Kale kan ita aket kudawa kudawain bidi Got ami muduw ade Got ayo ilim kal.