1 Yon 3:3 - Got weng abem: Alokso abino kalin

³ Kale wanang kinim adikum mimin dok Yesus di bidiw im aket tem ban keimin uyo kudáliw banimu nade im aket tem uyo Yesus kidel alataw keimábiw ko.

Got Weng Abem

³ Kale wanang kinim adikum mimin dok Yesus di bidiw im aket tem ban keimin uyo kudáliw banimu nade im aket tem uyo Yesus kidel alataw keimábiw ko.

1 Yon 3:3 ပူးပေါင်းရင်းမြစ်များ

Matiyu 5:48

Kale Kalaw Got abid tikin kayak ayo atin kinim kidelok keimin, kaba kabalawso atin kinim kidelok kei bomo kala.”

Luk 6:36

Kaba aket budunin kuyam bom nadawo watawo kaleyo bá, kam Kalaw Got aka kam aket budunba ko.

Yon 17:19

Kale naka im luk beta nalam awánsin kinim abem keisi. Kale ikil atin afan maek kalam mit tem kinim abem tatun keidin kala.

Sinik Abem 15:9

Kayo Got aka nukul kukum mak kidel kuyam, ikil ilim kukum makik mak kidel kuyam auyamase bá. Kata ilim aket kudaw afano kaliw, be ki im aket tem baim ginga imuse.

Udom 15:12

Ade Aiseya ayo bako, “Kamok alokso mak Yesi ami láw kal tadokaba. Aka Mifiw imi gebom kei kin moda alam dim ika mimin dok didokabiw.” Kalesa.

2 Kodin 7:1

Atin nalam duw ifin kiba, Got aka tam bemi weng takadáyamin kuyamsa. Kaleyo nuka mew adikum ufek ufek tabe num dam so aket so kanoyamu baim teinámin uyo kudá bisok kei bom Got atam fingánbuw, kayo numi biyámin uyo atin abem kei bom naduwo kala.

Kalose 1:5

Kiba kamakikiw weng tatun bemi sung kidel kidisidiw, be kal kilim mimin dok diyamin kudokabiw sung uyo kal keisidiw kala. Kaleyo, kilim mimin dok diyamin ata tabe, kibilim Yesus afan kalin so yak madik imi aket dawkáyamin so umi abin abák kala. Kale belami atin afan kudulokabuw umi mimin dok diyámin be abid tikin kal kilimino, kale kalo wakman wányamabu ko.

2 Tesalonaikka 2:16

Kale nulum Kamok Yesus Kadais keidane, nulum Natim Got aket dauyamsa ayo alam min gelemin dim sun biyámin aket kitid so mimin kidel dok diyámin so uyo kuyamsiw. Kale nuka dákadáya buduwo,

Taitas 3:7

Kaleyo Got aka alam min gelemin dim nuka itamomo, alam kin dim nuka ken keisuduw. Kayo nuka sun biyámin uyo kudokabuwo, kale mimin dok dibuduw ka.

Ibidu 12:14

Kale kiba fiaw dakbu wanang kinim itamanin kei nadiwe kilim biyámin uyo abem keidin kala. Kale be watawo kaleyo bá, kiba kanodin kukuw be fakudongin dakodokabiw namti, kiba Kamok Got ayo atamodiw banim kayo ko.

Ibidu 6:18

Kale Got aka weng alew kuyamsa mak be alam win kusonin ade mak be kanoyamokabino kalin. Kale be nuka kidela kal kei fakudum kala. Kale Got aka atin ibakayamin so mak keidoma banim. Kale nuka sakabe yak Got ami mit tem wánumo kale naduw yak alam mit tem buduw nuka atin nulum kal aka afan num ban keimin watakoyamokaba, kale be alata kanoyamokabino, kalesa make.

Ibidu 7:26

Kaleyo Yesus aka utam yaknámin uta iwa buduw kale kuyamába, kayo nuka Yesus ami abin abem kukuw umi sung uta bakayabuw. Kale aka kinim abem ade ami ban keimin banim ade aka yak kinim ban keimin faleyamin banim, kayo Got ayo dew tam abid tikin kal Abin Atin Abem dukum wakudawase kala.

Yemis 4:8

Kiba maek Got mewso tadiwe akal maek kim mewso tadak kala. Kaleyo ban keimin kinim kiba, kilim kukuw mafak mafak uyo kido kudá nadiwe aket alew fukanin kiba, aket baim uyo takel bom nadiwo kala.

1 Bita 1:15

Kata Got gán dáyamase kinim aka Kinim Abem, kayo kabal kinim abe kei kukuw adikum kanabaw uyo kana bom nadawo kala.

1 Bita 1:3

Kaleyo nuka nulum Kamok Yesus Kadais ami Alaw Got ayo ken keiyo, ak bom naduwo kala. Kale be watawo kaleyo bá, aka num kinkino, yakin seng uyo kuyamase. Kale atin afan Got alam kanoyamokaba umi mimin dok diyámin be nulum alokso biyámin kukuw kuyamase kal kudubuw kala. Kaleyo alokso biyámin kukuw be nulumi, watawo kaleyo bá, alo Yesus Kadais ayo fikala dafose, kayo Got ami kanose beta atam naduwo kal keidomo nulum mimin dok diyámin uyo banimomu banim kala, kalum kala.

2 Bita 1:4

Kale be aka katow kal alam weng uyo takadáyam, “naka ufek ufek dukum kidel iwkuk atin babid uyo kuyamokabi.” Kalesa kaí, bo afan kano kuyama nuka maek Got alataw keisuduw, kayo bakan kayak imi aket mafak fukan bom kanamin kukuw uyo ken nuka im mafak dádomu banim.

2 Bita 3:14

Kale nam duw kiba, kanam tadokabu um am atan uyo kidela fasko nadiwo Got kin dim kiba aket baim banim kei nadiwade weng fakam banim kei dakbu kei áliwo kala.

1 Yon 2:6

Kata kan ata bako nada Got aso bi, kala namti, aka atin Yesus Kadais am kanamsa alataw keidak kala.

1 Yon 4:17

Kale num kidin tem aket kudawa kudawain umi kidela kukáyamin umi mit uyo ki am afung am dána atud fadalokabuw uyo watawo kaleyo bá, num bakan dim biyámin uyo Yesus alataw keisuw kayo kala.