1 Yon 2:19 - Got weng abem: Alokso abino kalin

¹⁹ Kale kinim bidi imadá yak kaek abesidiw be watawo kaleyo bá, ika num kinim mit gu makuw bá kayo kala. Alo ika nuso kinim mit gu makuw nam ika imadá yak kaek abodiw banim, kata ika imadá yak kaek abesidiw, kayo nuka uta kukuduno, nuka atin afan kal keidomo, ika atin adikum num kinim mit gu makuw bá, kala. Kalesuduw ko.

Got Weng Abem

¹⁹ Kale kinim bidi imadá yak kaek abesidiw be watawo kaleyo bá, ika num kinim mit gu makuw bá kayo kala. Alo ika nuso kinim mit gu makuw nam ika imadá yak kaek abodiw banim, kata ika imadá yak kaek abesidiw, kayo nuka uta kukuduno, nuka atin afan kal keidomo, ika atin adikum num kinim mit gu makuw bá, kala. Kalesuduw ko.

1 Yon 2:19 ပူးပေါင်းရင်းမြစ်များ

Matiyu 24:24

Kale ibako walusa kinim kaí kalin so ibakanin lum senin kinim so iyo misuna bom nadiwe ika dubat dubatin kukuw so kudew matam dá bom nadiwe Got alam wanang kinim walusa iyo faltiyam imadew yak leiw mafak dádumo kale kanamokabiw be ken leiw so keiyamano beta kanamokabiw kala.

Mák 13:22

Kale ibakanin walusa kinim so ibakanin lum senin kinim so iyo misuna bom nadiwe ika dubat dubatin kukuw so kudew matam dá bom nadiwe Go alam wanang kinim walusa iyo faltiyam imadew yak leiw mafak dádumo kale kanamokabiw, be ken leiw so keiyamano, beta kanamokabiw kala.

Luk 8:13

Wáw yak madik dák abiwo kinang tumal abe tabe nadiw kitakasi fikalesidiwo, kali umi sung namti, yak kinim kan ata nam Got weng kidelo, kale kalfalin so kei kidi afan kalese, kata kidela yakik fakudongin banim, kukuw mafak tad imkamo suduno kutina sidiw uta ko.

Yon 15:2

Kale aka sok teng nam dim takusa uyo gim abudongin danim namti, aka bo wakela kubinodokaba, kata yak sok teng gim abumin bo aka kinkin bom kin mo bom as bo badano, gim makso makso abumokaba.

Yon 4:14

Kata kan ata nam wok daudawi wanokaba, aka wok atin gal dakudawokaba, kata nam wok kudawokabi uyo wok amkin am dakuw wok madmid fokat fokatba ulutaw am kidin tem uyo sun biyámin kudulokaba.” Wakane,

Sinik Abem 15:24

Num kinim madik im tad kibilim dim kal ika weng bakayam bidiwo, kim aket mafak kei, aket seng fukansiw umi weng kidisuduw bu nuta kinim bidi walu imadáluw tasidiw bá, ikil ilim aket tei, tad kilim dim tasidiw.

Sinik Abem 20:30

Kanamámokabu kawákal kilim kinim gu makuw teinbidiw ilita matam nadiwe ibakanin kukuyamin uyo kuku bom nadiw Yesus aket kukádawin kinim iyo aket tako imadew yak uniw ilim weng kidiyamokabiw.

Udom 9:6

Naka bako, alo nalam kinim Yu kayak iwkuk seng ika Kadais be báyo akeisiw, kata be afan Got aka alam weng takadáyamsa uyo kanayamongin dakosa bá. Watawo kaleyo bá, Isadael Kayak ika wanang kinim madik ita kuw atin Got wanang kinim.

1 Kodin 11:19

Awo bo aket luklakin bá, bo wengal fukan bidiwo kal kei au, beta Got kinim tatun, beta afan kalin balut balutba, kalin buye.

2 Timoti 2:10

Kale naka Got wanang kinim walu imusa, imi luk beta naka mew idum adikum bo kudew tabesi kala. Kale naka kanodino, wanang kinim iyo ilisino Yesus ami sun biyámin lamlam so kail bá takeikuyamase uyo kudulin kala.

2 Timoti 2:19

Kata Got aka abin abák kitid mak num aket tem kutise, be dawkamodaw leinoma banim. Kale bemi dim kal godu nadane bako, “Kamok aka yak alam wanang kinim bidi alam kal bidita nalam wanang kinim.” yakba. Ade kan ata bako nada, naka Kamok ami kinim kala namti, aka ban keimin uyo ibik dumam kudálak kala.

2 Timoti 3:9

Kata sikam tow unongin dako áliwe, adikum iyo itamomane, ika gebom dukum ka, yakeisidiw, be Yanes so Yambades so ikil kano alataw keisidiw ko.

Ibidu 10:39

Kata nuka mul wakudaw kalo makalo keisuw wanang kinim bá, nuka nulum afan kalin dim kail bá takeikuyamsa wanang kinim make.

2 Yon 1:7

Kale weng faltimin kinim iyo yak abe maek abe anang bakan adikum wakadáliw. Kale kinim bidi, ika bako nadiw Yesus be tad kinim nulutaw keise báyo, kalanaliw. Kale kanodin kinim bidi weng faltimin kinim ade ika ibako Kadais kae kalin ita ka.

Yut 1:1

Naka Yut Yesus Kadais wok fakudin kinim ade Yemis ami muk anung. Nata sauk kon bela yak wanang kinim kan ita Natim Got gán dáyam aket kuyamsa ade Yesus tabe kál ged moyamsa kimino, kale goduyami ko.

Yut 1:19

Kale kinim mit tako imkanbiw kinim iyo bidi kalata ko. Ilim aket mafak fukanin uta ki ta bom tudo imadew tababu, kata be Sinik Abem ayo dabadáliwo, ata ta bom aket fukanin kukáyamongin banim ita ko.