1 Kodin 14:37 - Got weng abem: Alokso abino kalin

³⁷ Kinim kan ata am aket naka Got ami lum senin kinim ade Sinik Abem ami min gelemin ufek ufek madik uyo kudusi ka, kala kaí, akal atamomo, au Faul aka Got ami kanamino kalin uta godnaba ka, kalak kala.

Got Weng Abem

³⁷ Kinim kan ata am aket naka Got ami lum senin kinim ade Sinik Abem ami min gelemin ufek ufek madik uyo kudusi ka, kala kaí, akal atamomo, au Faul aka Got ami kanamino kalin uta godnaba ka, kalak kala.

1 Kodin 14:37 ပူးပေါင်းရင်းမြစ်များ

Luk 10:16

Yak kan ata kim weng kidiyamiw namti, be nam weng kidinamiw ade yak kan ata im tam am dádongin banim namti, ika nalaso nam tam am dádongin banim, kata yak kan ata nam tam am dádongin banim namti, namadála tasi kinim alaso daw tam am dádongin banim.” Kalbane, kinim iyo imadála unsiw ko.

Udom 12:3

Naka weng mak adikum makuw makuw kiba bakoyamono, kali. Be watawo kaleyo bá, Got ayo alam min gelemin kunamase. Kale kiba yaknámin mak kidel kanabiw kaí, masi kiba ufek ufek adikum bo nulum kal ki keisuwo kalin bá. Kayo yaknámin mak ken kanamodiw ka’ bemi aket kuw fukanin ko. Got ayo aket kuyamsa, kayo kibal kilimi uyo kal kei nuka kana kanodin kinimo kalin kala.

1 Kodin 14:29

Kinim alewo, alewbino isik Got lum senin weng bakanbiw kaí, madik kidibiw ita tabe imi weng be taktakin ko.

1 Kodin 14:36

Got ami kukumin be wanang kim dim kal matam abesu bá. Kiwta kuw kukumin be kudusiw bá.

1 Kodin 14:38

Kata aka weng bo, au afan kalongin banim keida kaí, kanamin kinim ami weng be kidilawin bá ko.

1 Kodin 2:15

Kinim kan ata Sinik Abemso ata ken ufek ufek adikum uyo taktak bom bo kidel bo mafak kalanokaba, kata bisok kinim aka ken kinim bemi kukuw taktaklawoma banim ko.

1 Kodin 3:1

Nalam nikil fikal kiba, naka wanang kinim Sinik Abem dabadusiw imi weng bakayamábi taw kiba bakoyamomi banim kala. Kale naka kiba bakan dim wanang kinim imi weng bakayamin taw bakayabi, watawo kaleyo bá, kiba Yesus so makuw keiyámin uyo man unak taw mamadonbiw kayo ko.

1 Kodin 7:25

Kale kamane bela mining sei, kuet gaung kadim bidiw, imi sung bakoyamono kanami be Kamok ata bakonamano, bakodongin keimi bá, kata be nalam aket fukanin uta bakodono kanami. Kale kiba be aket kunam afan kalin kala. Watawo kaleyo bá, Kamok alata aket budunin kunamse kayo ko.

1 Kodin 7:40

Nalam aket fukanin ayo ki, wanang uka asawil kinim kudulongin banim kano teinokabu kai, uka kalfal bom bokabu. Kale nam aket nam weng bakabi, be Got ami Sinik Abem alaso keno, kalba ko.

1 Kodin 8:2

Sák kinim mak aka bako nada, “nata ufek ufek mak adik mit kal keisino,” kalba, kata aka ufek ufek madik alam kal keidongin uyo mak kal keisa bá.

2 Kodin 10:12

Kinim wanang bidi kala bako nadiw, “Nuka atin wanang kinim kidelo,” kalbiw ilitaw nakal atin kinim kidelo, kalomi be nam fingánin ko. Ika ilim weng gudul dau abem dawti umi dim ilimi uyo taktak bom bakodaw bakodawa bom kaba keno, aka aka yábiw. Be kuku nadu ika atin gebom banimo yakbu ko.

2 Kodin 10:7

Kiba kalo ufek ufek uta utamanbiw. Kata alo kinim mak kal keidomo naka atin Kadais alami ka kala namti, aka be aket fukan dádomo, nuka nuluso atin Kadais alami ka, yakongino ko.

2 Kodin 11:4

Kale be watawo kaleyo bá, numi Yesus sung bakanyamsuw uyo kinim madik tad itam nadiw numi Yesus sung bakanyamsuw ulutaw banim, ikil ilim Yesus kukum sung bakanya bom nadiwe ika num Sinik Abem so sung kidel kuyamsuduw ulutaw bá, be ikil ilim sinik kukum so sung kidel kukum so uyo bakanya bidiw, kiba au yakei abin wakayabiw.

Galesia 6:8

Bela alataw, kinim mak aka alam dil aket mafak tetin tabe aket wanalaw tabu yak alo kukuw mafak kanamokaba namti, Got aka taktaka dau nadale atin daw mafak dádokaba, kata kinim aka Sinik Abem weng bakanlaw bom kanamalo, akba uyo abodokaba kaí, beta Sinik Abem aka sun biyámin kudawokaba kala.

2 Bita 3:2

Kale nam aket kiba lum abem senin kinim imi sawa suwayo bakosiw be aket fukan bom nadiwade Kamokim ade nulum Watakayaw ami weng dew kámin kinim dim weng dauyama bakoyamsiw be aket fukan bom nadiwo kala.

1 Yon 4:6

Nuka Got amiyo ade kan ita Got ilim kal keibidiw kinim ita kuw num weng be ken kidiyamodiw kinim ko. Kata kan ata Got ami bá, ika num weng uyo kidilodiw banim, kayo nuka ken bemi kukuw uyo afet dau au, kanodin beta Got Sinik ami kukuw ade beta ibakanin sinik ami kukuw kalum kala.

Yut 1:17

Kata nalam nikil fikal kiba, dil Kamok Yesus alam weng dew kámin kinim imi weng bakoyamsidiw uyo fukan dádin,