1 Kodin 14:29 - Got weng abem: Alokso abino kalin

²⁹ Kinim alewo, alewbino isik Got lum senin weng bakanbiw kaí, madik kidibiw ita tabe imi weng be taktakin ko.

Got Weng Abem

²⁹ Kinim alewo, alewbino isik Got lum senin weng bakanbiw kaí, madik kidibiw ita tabe imi weng be taktakin ko.

1 Kodin 14:29 ပူးပေါင်းရင်းမြစ်များ

Sinik Abem 13:1

Kale Antiák abiw Got wanang kinim gu tem bidiw be kukumin kinim so lum senin kinim so im win be, Bánabas, Saimon am win mak Naika akbiw, Lusiyas Saidin kayak, Menaim, aka gawman kinim mak am win Edot aso makuw ifosidiw kinim ade mak be Saul so ita ko.

1 Kodin 12:10

alo kinim mak mudi mudín kukuw kanamin kitid daudaw nadale alo kinim mak lum weng bakanin kitid daudaw nadale kinim mak sinik afetin kitid daudaw nadale weng kukum kukum bakanin kitid daudaw nadale kinim mak weng kukum umi kusiki kanam kalbano kalin umi kitid daudaw keimala.

1 Kodin 13:2

Nakal kitid faku nadi lum weng bakan bom yanol kanam tadokabuno kal bom nadine naka Got ami ufek ufek wánin adikum bo nalam kal kei nadile naka kal keimin adikum kudu nadine nami afan kalin uyo dukum ken mew amgu be eidawomi, kata naka ulum kano kinim wanang aket mak dauyamongin banim keibi kaí, naka mada win banim bo.

1 Kodin 14:28

Kata kinim weng kukum bakanin kusikimongin kinim ayo teinongin banim namti, kinim weng kukum bakanin aka Got wanang kinim gu tem kawák uyo alam kano sading kale bom nadano alaso Got so kuw weng kukum be bakanak kala.

1 Kodin 14:30

Kata kinim Got weng bakanbada kinim mak kidi teinba, aka Got tabe ufek ufek mak kuw misun teida utama kaí, Got weng bakanin kinim aka kanom kudá sading kala kinim Got ufek ufek kuw kaím teidawa kinim asik abin wakudawa weng bakan si audano ko.

1 Kodin 14:32

Kale lum senin kinim ika ilim aket fukanin uyo adolawin kala.

1 Kodin 14:37

Kinim kan ata am aket naka Got ami lum senin kinim ade Sinik Abem ami min gelemin ufek ufek madik uyo kudusi ka, kala kaí, akal atamomo, au Faul aka Got ami kanamino kalin uta godnaba ka, kalak kala.

1 Kodin 14:39

Kaleyo nalam nikil fikal, kidela Got lum senin weng bakanin umi aket ki kidela aket wakti bom nadiwo kala, kata wanang kinim weng kukum bakanbiw iyo abem kutiyamin bá.