1 Kodin 12:12 - Got weng abem: Alokso abino kalin

¹² Nulum dam uka ulum atung atung seng, kata atung atung uyo adikum fá budu tad kuek kuek auduno matam dam makuw keibu. Kale be alataw, nuka adikum Kadais ami dam makuw atung atung ko.

Got Weng Abem

¹² Nulum dam uka ulum atung atung seng, kata atung atung uyo adikum fá budu tad kuek kuek auduno matam dam makuw keibu. Kale be alataw, nuka adikum Kadais ami dam makuw atung atung ko.

1 Kodin 12:12 ပူးပေါင်းရင်းမြစ်များ

1 Kodin 10:17

Kale nuka kinim wanang seng kata keidoluw, nuka budet makuw bemi wanbuw beta kukuyam, nuka Kadais so dam makuwo, kalbu ka.

1 Kodin 12:20

Kale Got aka atung atung seng seng bude kidel kusa, kata adikum kuek kuek bo dam makuw ka.

1 Kodin 12:27

Kale kiba kamane kiwta Kadais ami dam ade kabidiw ade makuw makuw kiba dam makuw belami atung atung kala.

1 Kodin 12:7

Sinik Abem ami min gelemin wanang kinim makuw makuw imi wok fakube, be ken atamuduw ade be Got wanang kinim gu imi dakáyamin.

Galesia 3:16

Kale ulutaw Got abino kalin uyo Ebadakkam so alam man láw makuw so imi dim kal kidel dausa kala. Kale be atamin, Got alam buk tem uyo bako nada, “abino kalin ayo kalam láw adikum iso kidel daudino.” Akeisa bá, kala. Kaleyo Got ami abino kalin be man láw makuw ami sung, kale ami abino kalin kaí, Kadais makuw ata ka.

Efesis 1:23

Kale Kadais be gebom ade Got ami wanang kinim gu ika alam dam keidiw auduno adik kikiw keibu ade Kadais ata kuw tein nadano mew ufek ufek adikum teinu mánu uyo kikiw adik dáw kei kukanba.

Efesis 4:12

Kale Kadais am kano kanaba umi mit ayo ki aka Got ami wanang kinim kidela Kadais kinim wanang gu imi wok ken kanamom nadiwo Kadais yán aboyámin uyo matam kitiduno,

Efesis 4:4

Kaleyo Kadais dam be makuw, Sinik Abem be makuw, ade Got aka gán dáyam mimin makuw dok didino, yakeise.

Efesis 5:23

Kale be watawo kaleyo bá, kimak ata ta bom kadel umi gebom keidane, leiw makuw be ki Yesus Kadais atane Got ami wanang kinim gu imi gebom dukum ade Yesus Kadais alata ki Got ami wanang kinim gu imi Watakayamin kinim ade alam dam kai kabidiw ka.

Efesis 5:30

watawo kaleyo bá, nuka Kadais alam dam takusuw kayo ko.

Kalose 1:18

Aka alami wanang kinim gu imi gebom ade alam aket kukádawin ita alam dam ade ufek ufek adikum bo alata ki mit kei kidel kusa. Ade aka fikala, Got tabe asiki mit kei tá dafoda matam kaunsin keidane, abin atin dukum madik imi abin taw bá ade mew adikum ufek ufek akayamsa umi abin uyo kudawono, kale kanodawse.

Kalose 1:24

Kale kamane naka kimi dakoyamono kale ken kál funin be kudu kalfalomi ka. Watawo kaleyo bá, nam kál funin be Yesus alam bako nada, “naka kál funin kudu nadino Got ami wanang kinim gu adikum nalam dam iyo dakoyamon,” kalesa, umi kál funin uta naka adik adik wakadámi ko.

Kalose 2:19

Kale kinim bidi Kadais ami weng uyo atin kidela kidilaw bidiw bá kala. Kale Kadais aka adikum Got wanang kinim gu imi gebom ade aka dam wánin akiwin uyo alam kal ade aka madmed so kaim sok so awal sok so uyo adikum kuek kuek dam uyo fakuda ken kitid tabe fasubiw, kale be Got alam aket kanamino, kalba kayo ko.

Kalose 3:15

Kadais ata kuw kanoyam akanum aket dakbu atama atamain uyo kuyamano, beta aket tet dau nadiwo au, nuka beta kanamum kalin kala. Kaleyo Got aka gán dáyama maek dek amki makuw kei nadiwo kanodin dakbuyámin uyo kal keidino, yakeise. Kale kiba Got ken keiyo, ak bom nadiwo kala.